Surah 90 · அல் பலத் (தமிழ்) – அல் குர்ஆன் தெளிவுரை

بِسۡمِ ٱللَّهِ ٱلرَّحۡمَٰنِ ٱلرَّحِيمِ

அளவற்ற அருளாளனும் நிகரற்ற அன்புடையோனுமாகிய அல்லாஹ்வின் அறிவுரைப்படியே அனைத்துக் காரியங்களையும் செய்ய நாடுகிறேன். ( 6:162)

90:1

لَآ أُقۡسِمُ بِهَٰذَا ٱلۡبَلَدِ١

90:1. சமுதாய சீர்த்திருத்தவாதியே! இந்த மார்க்கத்தை எதிர்க்கும் இவ்வூர் மக்கள் நினைத்திருப்பது போல், தம் திட்டத்தில் வெற்றி பெறவே மாட்டார்கள் என்பதை இந்நகரத்தை ஆதாரமாக வைத்து அறிவிக்கிறேன்.

அதாவது எதிர் நடவடிக்கைகளை எடுத்து ஆட்சியமைப்பு ஏற்படுவதை தடுத்து நிறுத்தி விடலாம் என்று நினைக்கிறார்கள். அதுபோன்று அல்ல இந்த மார்க்க விஷயங்கள் என்பதை அவர்கள் தெரிந்துக் கொள்ளவேண்டும்.

90:2

وَأَنتَ حِلُّۢ بِهَٰذَا ٱلۡبَلَدِ٢

90:2. இந்த மார்க்க உண்மைகளை எடுத்துரைக்கும் நீர் இவ்வூரைச் சேர்ந்தவர் என்பதைப் பற்றியும் எண்ணிப் பார்க்காமல் உமக்கெதிராகப் போர்க்கொடி தொடுக்கின்றனர்.

90:3

وَوَالِدٖ وَمَا وَلَدَ٣

90:3. இதில் தந்தை மகன் என்ற உறவுமுறையும் மிஞ்சி நிற்கவில்லை. அந்த அளவுக்கு கண்மூடித்தனமான எதிர்ப்புகள்.

90:4

لَقَدۡ خَلَقۡنَا ٱلۡإِنسَٰنَ فِي كَبَدٍ٤

90:4. இதனால் அவர்களுடைய வாழ்வு சிரமங்களுக்குள்ளாகி விடுமே! இத்தகைய பலஹீனத்துடன் தானே நாம் மனிதனைப் படைத்துள்ளோம்.

இத்தகைய துயரங்கள் ஏற்படாமல் தடுக்கத் தான் இந்த இறைவழிகாட்டுதல்கள் அளிக்கப்படுகின்றன. அவற்றை இறைத் தூதர்கள் எடுத்துரைத்து துயர் துடைப்புப் பணிகளை மேற்கொள்கின்றனர். ஆனால் இதை புரியாமல் அவர்கள் எதிர்க்கின்றனரே!

90:5

أَيَحۡسَبُ أَن لَّن يَقۡدِرَ عَلَيۡهِ أَحَدٞ٥

90:5. அப்படியும் தன் மீது அதிகாரம் செலுத்துவோர் எவரும் இல்லை என்று தவறாக எண்ணிக்கொண்டு இவ்வாறு எதிர்மறையாகச் செயல்படுகின்றார்களா?

அதாவது தம்மைத் தட்டிக்கேட்க எவறும் இல்லை. நாமே சகல அதிகாரங்களையும் படைத்தவர்கள் என்ற மமதையில் இருக்கிறார்களா? எனவே இந்த மார்க்கத்திற்கு எதிராக செயல்படுவதோடு தன்னிடமுள்ள செல்வங்களையும் அதற்காக செலவழிக்கவும் செய்கின்றார்கள்.

90:6

يَقُولُ أَهۡلَكۡتُ مَالٗا لُّبَدًا٦

90:6. ஆனால், “நாம் இதற்காக ஏராளமான சொத்துக்களை அழித்து விட்டோமே. எல்லாமே வீணாய் போய்விட்டதே” என்று வருத்தப்படும் காலம் இறுதியில் வந்தே தீரும்.

90:7

أَيَحۡسَبُ أَن لَّمۡ يَرَهُۥٓ أَحَدٌ٧

90:7. தான் செய்யும் செயல்களை யாரும் கண்காணிப்பதில்லை என்று மனிதன் நினைத்துக் கொண்டானா?

90:8

أَلَمۡ نَجۡعَل لَّهُۥ عَيۡنَيۡنِ٨

90:8. இது அவனுடைய தவறான எண்ணமேயாகும். அவனுடைய அறிவை வளர்த்துக் கொள்வதற்கு நாம் அவனுக்கு கண்களை கொடுக்கவில்லையா?

90:9

وَلِسَانٗا وَشَفَتَيۡنِ٩

90:9. இன்னும் தன் கண்களால் இவ்வுலகில் எதைக் கண்டாலும் அதைப் பற்றி பேசுவதற்கும், அதிலுள்ள சந்தேகங்களை தீர்த்துக் கொண்டு சரியான முறையில் வாழ்வதற்கும், நாவையும் இரண்டு உதடுகளையும் அளிக்கவில்லையா?

90:10

وَهَدَيۡنَٰهُ ٱلنَّجۡدَيۡنِ١٠

90:10. ஆக நல்லவை எவை? தீயவை எவை? என்பதை பிரித்துக் காட்டும் பாதைகளை நாம் அறிவித்துத் தரவில்லையா?

உலக படைப்புகளின் ஆராய்ச்சிகளைக் கொண்டு வாழ்வாதரங்களைப் பெறுதல் மற்றும் மனித ஒழுக்க மாண்புகளைக் கட்டிக்காக்க இறைவன் புறத்திலிருந்து “வஹீ” என்னும் வழிக்காட்டுதல்கள் - ஆகிய இரண்டு பாதைகளை மனிதனுக்கு அளிக்க வில்லையா? எனவே மனிதனே தம் செயல்களுக்கு பொறுப்பாளி ஆகின்றானே! அவன் செய்யும் செயல்களை கண்காணிக்கும் சக்தி இவனுக்கு மேல் செயல்பட்டு வருகிறது என்பதை அவன் அறிந்துக் கொள்ள வேண்டாமா?

அதே போல செல்வங்களையும் புகழையும் ஈட்டிக்கொள்ள அவன் முன் இரண்டு பாதைகள் இருக்கின்றன. அதில் ஒன்று சுய நலத்துடன் பிறர் பொருளை அபகரித்து பிறர் உழைப்பில் சுகம் காணுவது - மனிதனின் அறிவு சுகமான வாழ்க்கை அனுபவிப்பதற்கு இதுதான் சிறந்த வழி என்று சொல்லும். அதில் மற்றொரு பாதை என்பது