குர்ஆன் கூறும் உதாரணங்கள்

1முன்னுரை

இஸ்லாமிய கொள்கை கோட்பாடுகளை நமக்கு அல்லாஹ்வின் வழிகாட்டுதல் திருக்குர்ஆன் மூலமாக அறிவித்துத் தருகிறது. தான் அறிவிக்கும் வழிகாட்டுதல்களை வரலாறு மற்றும் அகிலத்திலுள்ள படைப்புகளின் ஆதாரங்களை முன்வைத்து விளக்கம் அளிக்கிறது. காரணம் அந்த கொள்கை கோட்பாடுகள் யாவும் தெளிவான ஞானத்தின் அடிப்படையிலானவை ஆகும். அதற்கு எதிராகச் செயல்பட்ட சமுதாயங்களின் நிலை என்னவாயிற்று என்பதை ஆராய்ந்துப் பார்க்கும் படி நமக்கு வலியுறுத்திச் சொல்கிறது. உலகப் படைப்புகளின் ஆராய்ச்சிகளை மேற்கொள்ளாத சமுதாயங்களின் நிலை எந்த அளவுக்கு மோசமானது என்பதையும் திருக்குர்ஆனில் வரலாற்று ஆதாரங்களின் அடிப்படையில் அறிவிக்கின்றது..

இதைத் தவிர மனித அறிவுக்குப் புலப்படாத பல உண்மைகளை உதாரணங்களின் மூலமும், உவமான வடிவிலும் அறிவிக்கின்றது. அக்காலத்து அரேபியர்களுக்கு அவற்றை புரிந்து செயலாற்றுவதில் எவ்வித சிக்கலும் இருந்ததில்லை. காரணம் அக்கால வழக்கப்படி அவர்கள் பேசி வந்த மொழியிலேயே அவை அருளப்பட்டது. அதன்படி அவர்கள் செயல்பட்டதால் அவர்களுக்கு இவ்வுலகில் கீர்த்தியும் புகழும் கிடைத்தன.

ஆனால் காலப் போக்கில் அதன்படி செயலாற்றுவதை அவர்கள் விட்டுவிட்டனர். இப்போது அவையெல்லாம் புத்தக அளவில் முடங்கிவிட்டன. மேலும் திருக்குர்ஆனின் மொழிபெயர்ப்பு செய்யும்போது, மொழி பெயர்ப்பாளர்கள் இலக்கிய நயத்துடனும் உவமான வடிவிலும் சொல்லப்பட்ட வாக்கியங்களுக்கு நேரடி மொழிபெயர்ப்பு செய்துவிட்டார்கள். இதனால் அவையெல்லாம் படிப்பவர்களுக்குப் புரியாத புதிராக உள்ளன. அவற்றை தெளிவாக்கவே இந்த நூலை எழுதிகிறோம்.திருக்குர்ஆன் வாசகங்களை கவனியுங்கள்.

وَلَقَدۡ صَرَّفۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖ فَأَبَىٰٓ أَكۡثَرُ ٱلنَّاسِ إِلَّا كُفُورٗا٨٩

17:89. உலக மக்கள் அனைவரும் இறைவழிகாட்டுதலைப் புரிந்து ஏற்றுக்கொண்டு அதன்படி சிறப்பாகவும் பாதுகாப்பாகவும் வாழவேண்டும் என்பதற்காகவே இந்த குர்ஆனில் பல்வேறு உதாரணங்களின் மூலம் பலக் கோணங்களில் விவரித்து கூறியிருக்கிறோம். ஆனால் மக்களோ இதை ஏற்று நடப்பதாகத் தெரியவில்லை.

وَلَقَدۡ صَرَّفۡنَا فِي هَٰذَا ٱلۡقُرۡءَانِ لِلنَّاسِ مِن كُلِّ مَثَلٖۚ وَكَانَ ٱلۡإِنسَٰنُ أَكۡثَرَ شَيۡءٖ جَدَلٗا٥٤

18:54. உலக மக்கள் அனைவரும் இறைவழிகாட்டுதலை தெளிவாக விளங்கிக் கொண்டு சிறப்பாக வாழவேண்டும் என்பதற்காகவே, இந்த குர்ஆனில் ஒவ்வொரு விஷயத்தைப் பற்றியும் பல்வேறு கோணங்களில் பல உதாரணங்களைக் கொண்டு விளக்குகிறோம். ஆனால் மனிதனோ இதை சிந்தித்து ஏற்று செயல்படுவதற்குப் பதிலாக, அதில் வீணான தர்க்கம் செய்வதிலேயே கண்ணும் கருத்துமாய் இருக்கிறான்.

۞ إِنَّ ٱللَّهَ لَا يَسۡتَحۡيِۦٓ أَن يَضۡرِبَ مَثَلٗا مَّا بَعُوضَةٗ فَمَا فَوۡقَهَاۚ فَأَمَّا ٱلَّذِينَ ءَامَنُواْ فَيَعۡلَمُونَ أَنَّهُ ٱلۡحَقُّ مِن رَّبِّهِمۡۖ وَأَمَّا ٱلَّذِينَ كَفَرُواْ فَيَقُولُونَ مَاذَآ أَرَادَ ٱللَّهُ بِهَٰذَا مَثَلٗاۘ يُضِلُّ بِهِۦ كَثِيرٗا وَيَهۡدِي بِهِۦ كَثِيرٗاۚ وَمَا يُضِلُّ بِهِۦٓ إِلَّا ٱلۡفَٰسِقِينَ٢٦

2:26. மறைந்து நிற்கும் உண்மைகளை எடுத்துக்காட்டுகளின் மூலம்தான் விளங்கிக்கொள்ள முடியும். இந்த உண்மைகளை விளக்க கொசுவையோ அல்லது அதைவிட அற்பமான பொருளையோ உதாரணமாக மேற்கோள்காட்டி விளக்குவதில் அல்லாஹ்வுக்குத் தயக்கம் இருப்பதில்லை. அல்லாஹ்வின் வழிகாட்டுதலை ஏற்றுக்கொண்டோர், இறைவனின் இந்த எடுத்துக்காட்டுதலைக் குறித்து சிந்தித்து ஆக்கப்பூர்வமாகச் செயல்படுவார்கள். இறைவழிகாட்டுதலை ஏற்க மறுப்போர், இந்த எடுத்துக்காட்டுகளின் மூலம் அல்லாஹ் நாடுவது என்ன என்று எதிர்மறையாகப் பேசுவார்கள். இப்படியாக பலர் எதிர்மறையாகப் பேசி வழிகேட்டில் சென்று விடுகிறார்கள். இன்னும் சிலர் இவற்றை சிந்தித்து நேர்வழியினைப் பெறுகிறார்கள். ஆக திசை மாறிச் செல்பவர்களே வழிகேட்டில் சென்று விடுவார்கள்.

இத்தகைய உதாரணங்களைக் கொண்டு விளக்குவது திருக்குர்ஆன் என்ற வேதத்தில் மட்டும்தானா என்ற கேள்வி உங்கள் மனதில் எழலாம். ஆனால் முன்சென்ற சமூகத்தவர்களுக்கும் இவ்வாறே உதாரணங்களைக் கொண்டு விளக்கம் அளிக்கப்பட்டதாக வேதம் அறிவிக்கிறது.

وَلَقَدۡ أَنزَلۡنَآ إِلَيۡكُمۡ ءَايَٰتٖ مُّبَيِّنَٰتٖ وَمَثَلٗا مِّنَ ٱلَّذِينَ خَلَوۡاْ مِن قَبۡلِكُمۡ وَمَوۡعِظَةٗ لِّلۡمُتَّقِينَ٣٤

24:34. இன்னும் நிச்சயமாக, உங்களுக்குத் தெளிவாக்கும் வசனங்களையும், உங்களுக்கு முன் சென்று போனவர்களின் உதாரணத்தையும், பயபக்தியுடையோருக்கு நல்லுபதேசத்தையும் நாம் இறக்கி வைத்திருக்கின்றோம்.

விளக்கம்: நீங்கள் இறைவழிகாட்டுதலின் நோக்கங்களை சரியாக விளங்கிக்கொண்டு சிறப்பாகச் செயல்படவேண்டும் என்பதற்காக ஒவ்வொரு விஷயத்தைப் பற்றியும் தெளிவான முறையில் விளக்குகிறது. இவற்றை உங்களுக்கு முன்சென்ற வரலாற்றின் ஆதாரத்தைக் கொண்டும் பல்வேறு உதாரணங்களின் மூலமும் விளக்குகிறோம். அல்லாஹ்வின் வழிகாட்டுதலுக்கு மாற்றமாகச் செயல்படுவதால் ஏற்படும் விபரீத விளைவுகளுக்கு அஞ்சி செயல்படுவோருக்கு இவை அறிவுரைகளாக இருக்கும்.

وَلَقَدۡ ضَرَبۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖۚ وَلَئِن جِئۡتَهُم بِـَٔايَةٖ لَّيَقُولَنَّ ٱلَّذِينَ كَفَرُوٓاْ إِنۡ أَنتُمۡ إِلَّا مُبۡطِلُونَ٥٨

30:58. இப்படியாக இந்தக் குர்ஆனில் உலக மக்கள் அனைவரும் புரிந்துக் கொள்ளவேண்டும் என்பதற்காக பல உதாரணங்கள் மூலமாக மறைந்து நிற்கும் உண்மைகளை எடுத்துரைக்கிறோம். இத்தகைய அறிவுப்பூர்வமான ஆதாரங்களை அவர்களுக்கு எடுத்துரைத்த போதிலும் இவையாவும் மக்களை ஏமாற்றும் வித்தைகளே என்று தான் இறைவழிகாட் டுதலை ஏற்க மறுப்பவர்கள் கூறுவார்கள்.

كَذَٰلِكَ يَطۡبَعُ ٱللَّهُ عَلَىٰ قُلُوبِ ٱلَّذِينَ لَا يَعۡلَمُونَ ٥٩

30:59. இவ்வாறே அல்லாஹ்வின் நியதிப்படி அறிவைப் பயன்படுத்தாதவர்களின் உள்ளங்களில் திரை ஏற்பட்டு விடுகிறது.

وَتِلۡكَ ٱلۡأَمۡثَٰلُ نَضۡرِبُهَا لِلنَّاسِۖ وَمَا يَعۡقِلُهَآ إِلَّا ٱلۡعَٰلِمُونَ ٤٣

29:43. உலக மக்கள் உண்மைகளைப் புரிந்துக்கொள்வதற்காக நாம் இத்தகைய உதாரணங்களைத் தருகிறோம். ஆனால் சிந்திக்தாத மக்களுக்கு எந்த உதாரணங்களும் பலனளிக்காது.

இதில் தரப்பட்டுள்ள எண்கள் அத்தியாய எண்ணும் வாசக எண்ணும் ஆகும். உதாரணத்திற்கு 3:7 என்று வந்தால் அத்தியாயம் 3 வாக்கிய எண் 7 என்று பொருளாகும். திருக்குர்ஆனை வைத்து சரி பார்த்துக் கொள்ளுங்கள். அன்பர்கள் இவற்றைக் கவனமாகப் படித்து வாழ்வில் வெற்றி இலக்கை அடைந்துக் கொள்ளவேண்டும் என்பதே என் விருப்பமாகும்.

2உவமான உவமேய வாசகங்கள்

هُوَ ٱلَّذِيٓ أَنزَلَ عَلَيۡكَ ٱلۡكِتَٰبَ مِنۡهُ ءَايَٰتٞ مُّحۡكَمَٰتٌ هُنَّ أُمُّ ٱلۡكِتَٰبِ وَأُخَرُ مُتَشَٰبِهَٰتٞۖ

3:7 அவன் தான் (இவ்)வேதத்தை உம்மீது இறக்கினான். இதில் விளக்கமான வசனங்களும் இருக்கின்றன. இவை தான் இவ்வேதத்தின் அடிப்படையாகும். மற்றவை (பல அந்தரங்கங்களைக் கொண்ட) முதஷாபிஹாத் (என்னும் ஆயத்துக்கள்) ஆகும்

فَأَمَّا ٱلَّذِينَ فِي قُلُوبِهِمۡ زَيۡغٞ فَيَتَّبِعُونَ مَا تَشَٰبَهَ مِنۡهُ ٱبۡتِغَآءَ ٱلۡفِتۡنَةِ وَٱبۡتِغَآءَ تَأۡوِيلِهِۦۖ

எனினும் எவர்களுடைய உள்ளங்களில் வழிகேடு இருக்கிறதோ, அவர்கள் குழப்பத்தை ஏற்படுத்துவதற்காக முதஷாபிஹ் வசனங்களின் விளக்கத்தைத் தேடி அதனைப் பின்பற்றுகின்றனர்.

وَمَا يَعۡلَمُ تَأۡوِيلَهُۥٓ إِلَّا ٱللَّهُۗ

அல்லாஹ்வைத் தவிர வேறு எவரும் அதன் உண்மையான விளக்கத்தை அறியமாட்டார்கள்.

وَٱلرَّٰسِخُونَ فِي ٱلۡعِلۡمِ يَقُولُونَ ءَامَنَّا بِهِۦ كُلّٞ مِّنۡ عِندِ رَبِّنَاۗ وَمَا يَذَّكَّرُ إِلَّآ أُوْلُواْ ٱلۡأَلۡبَٰبِ٧

மேலும் கல்வியில் உறுதிப்பாடு உடையவர்கள் அவை அனைத்தும் எங்கள் இறைவனிடமிருந்து வந்தவை தான். நாங்கள் அதை நம்பிக்கை கொள்கிறோம், என்று அவர்கள் கூறுவார்கள். அறிவுடையோரைத் தவிர மற்றவர்கள் இதைக் கொண்டு நல்லுபதேசம் பெறமாட்டார்கள்.

அகிலங்கள் அனைத்தும் செயல்படும்படி நடைமுறைச் சட்டங்களை ஏற்படுத்தியது போல் மனிதனுக்கும் சட்டதிட்டங்கள் நிர்ணயிக்கப்பட்டுள்ளன.

அவை இவ்வேதத்தில் அருளப்படுகின்றன.

மனித வாழ்வின் மிகச் சரியான வழிகாட்டியாகத் திகழும் இந்த வேதத்தின் வாக்கிய அமைப்புகள் இரண்டு வகைகளாக உள்ளன.

ஒன்று தெளிவான நேரடி அர்த்தங்களைத் தரக்கூடிய முஹ்கமாத் என்னும் வாக்கியங்களாகும். ஒவ்வொரு விஷயமும் தெளிவாகிட வேண்டும் என்பதே இவ்வேதத்தின் அடிப்படை நோக்கமாகும்.

இரண்டாவதாக முதஷாபிஹாத் என்னும் பல கருத்துகளைத் தரும் வகையில் உவமான வடிவில் சொல்லப்பட்ட வாக்கியங்களாகும்.

எவர் உள்ளங்களில் நேர்வழி பெறும் ஆர்வமில்லையோ, அவர்கள் இந்த உவமை வடிவில் சொல்லப்பட்ட வாக்கியங்களின் வார்த்தைகளுக்கு நேரடி அர்த்தத்தைக் கொடுத்து, அதையே பின்பற்றி வருகின்றனர்.

இவ்வாறாக மக்கள் மத்தியில் குழப்பங்களையும் ஏற்படுத்துகின்றனர். அவற்றின் உண்மையான விளக்கங்கள் அல்லாஹ்வுக்கு மட்டும் தெரியும்.

இருப்பினும் கல்வி ஞானத்தில் முதிர்ச்சிப் பெற்ற மேதைகள் அவற்றின் உண்மை நிலையை ஓரளவு கண்டு கொள்வார்கள்.

மேலும் இவர்கள் இந்த உண்மைகள் அனைத்தும் இறைவன் புறத்திலிருந்து வந்தவை என்பதை கண்டறிந்து ஏற்றுக் கொள்வார்கள்.

அறிவுடையோரைத் தவிர மற்றவர்கள் இதைக் கொண்டு நல்லுபதேசம் பெறமாட்டார்கள்.

விரிவாக்கம் : “ஆயத்தெ முஹ்கமாத்” என்னும் தெளிவான அர்த்தங்களைத் தரும் வாக்கியங்கள் நிலையான கட்டளைகளும் செயல்முறைத் திட்டங்களும் அடங்கிய வாக்கியங்களாகும். இந்த வாக்கியங்களில் வரும் சொற்றொடர்களுக்கு நேரடி அர்த்தம் கொண்டு விளங்கிக் கொள்ளலாம். உதாரணமாக ஹுர்ரிமத் அலைக்கும் உம்மஹாதுக்கும் (4:23) என்ற வாசகத்திற்கு “உங்கள் தாயை மணமுடிக்க உங்களுக்குத் தடை செய்யப்பட்டுள்ளது” என்று பொருள் வரும். இது நேரடிப் பொருள் தரக்கூடிய வாக்கியமாகும். இதில் பயன்படுத்தப்பட்டுள்ள வார்த்தைகளுக்கு வேறு எந்தப் பொருளையும் தர இயலாது. எனவே இவை “ஆயாதுன் முஹ்கமாதுன்” ஆக இருக்கின்றது. அதாவது தெளிவுபெற்ற வாக்கியங்கள் ஆகும். ஆக குர்ஆனினுள்ள ஒவ்வொரு வாக்கியமும் தெளிவாக விளங்கவேண்டும் என்பதே குர்ஆனின் நோக்கமாகும்.

மேலும் குர்ஆன் குடும்பவியல் சம்பந்தப்பட்ட விஷயங்களைப் பற்றி பேசும்போது, சாதாரண வாக்கியங்களாக நேரடி பொருள் கொள்ளும் வகையில் பேசுகிறது. ஆனால் உலக பொது விஷயங்களைப் பற்றிச் சொல்லும் போது, அதன் சொற்றொடர் இலக்கண இலக்கிய நயத்துடன் பேசுகிறது. இது ஒவ்வொரு மொழியிலும் உள்ள தனிச் சிறப்பாகும். எடுத்துக்காட்டாக நாம் உலகம் சிரித்தது என்று சொல்கிறோம். அது உலக மக்களைக் குறிக்கும். வயிறு பற்றி எரிகிறது என்கிறோம். அது நம் கோபத்தை வெளிப்டுத்தும் சொல்லாகும்.

அது போல இப்ராஹீம் நபியை நெருப்பில் போட்டு பொசுக்க மக்கள் ஆக்ரோஷமாகப் பேசியது, அவர்களிடையே கொழுந்துவிட்டு எரிந்த கோபத்தை காட்டுகிறது. இதையே “நெருப்பே! நீ இப்ராஹீமுக்காக குளிர்ச்சியாக ஆகிவிடு” என்று 21:69ல் திருக்குர்ஆன் கூறுகிறது. அது மக்களில் இருந்த ஆவேசத் தீ என்பதே சரியான பொருளாகும். அதாவது அவர் ஹிஜ்ரத் செய்து சென்று விட்டதால் அவர்களுடைய கோபக்கனல் தணிந்துவிட்டது.

அதே போல மூஸா நபி தம்மிடமுள்ள கைத்தடியை கீழே எறிந்தார். அது ஊர்ந்து செல்லும் ஒரு பாம்பாயிற்று என்று 20:20ல் திருக்குர்ஆனில் கூறப்படுகிறது. அதாவது தன் கைவசம் இருந்த இறைவழிகாட்டுதலை மக்கள் முன்வைப்பது என்பது சாதாரண விஷயமல்ல. அதனால் ஏற்படும் எதிர்ப்புகளைப் பற்றி சிந்தித்தபோது, ஒருவர் பாம்பைக் கண்டு எவ்வாறு பயப்படுவாரோ அவ்வாறே மூஸா நபியும் பயந்தார் என்பதே அதன் உள்ளார்ந்த பொருளாகும். இப்படியாக இலக்கிய நயத்துடன் உவமான உவமேய வடிவில் சொல்லப்படும் வாசகங்களுக்கு அதன் உள்ளார்ந்த பொருளைத் தருவதால் தான் திருக்குர்ஆன் மிகவும் தெளிவாகிவிடுகிறது.

இதை தவிர பிரபஞ்சப்படைப்பு மற்றும் அவற்றின் செயலாக்கத்தைப் பற்றி உள்ள வாக்கியங்களும் ஒன்றுக்கொன்று (Synonyms and similarity in meanings) ஒரே மாதிரியான பொருள் தரக்கூடிய வகையில் சொல்லப்பட்டுள்ளன. இவற்றின் முழு உண்மை நிலை அல்லாஹ்வுக்கு மட்டும்தான் தெரியும். ஆனால் மனிதச் சிந்தனையும் கல்வி ஆய்வுகளும் வளர்ச்சி அடையும்போது, அதன் உண்மை நிலையை ஓரளவிற்கு மனிதனாலும் அறிந்துக்கொள்ள முடியும்.

எடுத்துக்காட்டாக சூரியன் தன்பாதையை நோக்கிச் செல்கிறது (36:38)ஆவது வசனம் கூறுகிறது. பண்டைய காலத்தில் சூரியன் பூமியைச் சுற்றி வருகிறது என்ற கருத்து மக்களிடத்தில் இருந்தது. அதற்கு இந்த வாசகம் சான்றாக இருந்து வந்தது. ஆனால், பூமி தன்னைத்தானே சுற்றிக்கொண்டு சூரியனையும் சுற்றி வருவதாகவும், சூரியனும் தனைத்தானே சுற்றிக்கொண்டு தன் குடும்பத்திலுள்ள கோள்களுடன் ஒர் இலக்கை நோக்கி பயணிப்பதாகவும் மனிதன் ஆய்வுகளை மேற்கொண்டு கண்டுபிடித்துள்ளான். இப்போது அந்த வாக்கியத்தின் உண்மை நிலை என்னவென்பது தெளிவாகிவிட்டது. முதஷாபிஹாத்தாக (Doubtful) இருந்த இந்த (36:38) வாக்கியம் முஹ்கமாத்தாக (Clear) மாறிவிட்டது. இப்படியாக, திருக்குர்ஆனின் ஒவ்வொரு வாக்கியமும் தெளிவாகிக் கொண்டே போவது உறுதி என்று கூறப்படுகிறது. (41:53) இவற்றின் முழு ஞானமும் அல்லாஹ்விற்கு மட்டும்தான் தெரியும். ஆனால் மனிதனுக்குக் கிடைக்கின்ற ஞானம் அளவோடு இருக்கும்.

3கணவன் மனைவியின் தாம்பத்திய வாழ்க்கை

نِسَآؤُكُمۡ حَرۡثٞ لَّكُمۡ فَأۡتُواْ حَرۡثَكُمۡ أَنَّىٰ شِئۡتُمۡۖ وَقَدِّمُواْ لِأَنفُسِكُمۡۚ وَٱتَّقُواْ ٱللَّهَ وَٱعۡلَمُوٓاْ أَنَّكُم مُّلَٰقُوهُۗ وَبَشِّرِ ٱلۡمُؤۡمِنِينَ٢٢٣

2:223. உங்கள் மனைவியர் உங்கள் விளைநிலங்கள் ஆவார்கள், எனவே உங்கள் விருப்பப்படி உங்கள் விளைநிலங்களுக்குச் செல்லுங்கள், உங்கள் ஆத்மாக்களுக்காக முற்கூட்டியே (நற்கருமங்களின் பலனை) அனுப்புங்கள், அல்லாஹ்வுக்கு அஞ்சுங்கள், (மறுமையில்) அவனைச் சந்திக்க வேண்டும் என்பதை உறுதியாக அறிந்து கொள்ளுங்கள். நம்பிக்கை கொண்டவர்களுக்கு நற்செய்தி கூறுவீராக!

உங்கள் மனைவியர் உங்களின் விளைநிலங்களைப் போன்றவர்கள் ஆவர்.

நீங்கள் விரும்பும் பட்சத்தில் அவர்களிடம் செல்லுங்கள்.

உங்கள் வருங்கால நல்வாழ்விற்காக முற்கூட்டியே திட்டமிடுங்கள்.

அல்லாஹ்வுக்கு அஞ்சுங்கள்.

அவனை சந்திக்கவேண்டும் என்பதை உறுதியாக அறிந்து கொள்ளுங்கள்.

நம்பிக்கை கொண்டவர்களுக்கு நற்செய்தி கூறுவீராக.

1. அதாவாது விவசாயி நிலத்தில் பயிரிடுவதற்குமுன் நிலத்தைப் பதப்படுத்தி நேரம், காலம், மற்றும் பயிரிடும் விதையின் தன்மை ஆகியவற்றை ஆராய்ந்து விதைப்பது போல, நீங்கள் ஆற்றல்மிக்க பிள்ளையைப் பெற விரும்பினால் நேரம், காலம், குடும்ப வருவாய், கணவன் மனைவியின் உடல்நிலை போன்றவற்றைக் கருத்தில் கொண்டு அதற்கேற்ப கூட வேண்டும்.

2. எனவே நீங்கள் உங்கள் உடல் ஆரோக்கியத்தைப் பேணி முன்னெச்சரிக்கையுடன் செயல்பட்டு வாருங்கள்.

3. ஏனெனில் நீங்கள் செய்யும் ஒவ்வொரு செயல்களின் விளைவுகளையும் அல்லாஹ்வின் நியதிப்படி ஏற்பட்டே தீரும் என்பதையும், அவற்றை நீங்கள் சந்தித்தே ஆக வேண்டும் என்பதையும் உறுதியாக அறிந்து கொள்ளுங்கள்.

4. இறைவழிகாட்டுதலை ஏற்று அதன்படி செயல்படுவோருக்குத் தான் நற்பலன்கள் கிடைக்கும் என்ற நற்செய்தியைக் கூறுவீராக.

5. ஆக நேரம் காலமின்றி ஆசைப்படும் போதெல்லாம் உடலுறவில் ஈடுபட்டு உடல் நலத்தைக் கெடுத்துக் கொள்ளாதீர்கள். திட்டமிட்ட குடும்பத்தை ஏற்படுத்தி, தலைச் சிறந்த பிள்ளைகளைப் பெற்றெடுத்து, நாட்டின் வளர்ச்சிக்கு உறுதுணையாக இருங்கள்.

هُنَّ لِبَاسٌۭ لَّكُمْ وَأَنتُمْ لِبَاسٌۭ لَّهُنَّ ۗ

2:187. உங்கள் மனைவியர் உங்களுக்கு ஆடையாகவும் நீங்கள் அவர்களுக்கு ஆடையாகவும் இருக்கின்றீர்கள்.

கணவன் மனையின் உறவு நகமும் சதையும் போல இணைபிரியா உறவாக உள்ளது.

சிந்தனையாளர்களே! உலகில் வாழும் உயிரினங்களில், மனிதனை உயர்ந்த நிலைக்கு கொண்டு செல்ல உதவுவது ஆடையே என்பதில் யாருக்கும் எவ்வித சந்தேகமும் இருக்காது.

எனவே கணவன் உயர்நிலைக்கு சென்றடைய மனைவியின் உதவி அவசியமாகிறது. அதேபோல் மனைவியின் வாழ்வும் சிறக்க, கணவனின் உதவி இன்றியமையாததாக உள்ளது.

எனவே கணவன் மனைவியின் உறவுமுறையை ஒரு வண்டியின் இரு சக்கரங்களுக்கு ஒப்பிடலாம். அவ்விரு சக்கரங்களும் ஒரே திசையை நோக்கிச் சென்றால் தான் வாழ்க்கை என்கிற வண்டி சிறப்பாக நகரும்.

எனவேதான் சமுதாயத்தில் ஆடைக் குறைப்பு இருக்கக் கூடாது என்று திருக்குர்ஆன் கண்டிக்கிறது. ஆடைக் குறைப்பு செய்து, சுவனத்தை பறிகொடுத்து உங்கள் வாழ்வை நரகமாக்கிக் கொள்ளாதீர்கள் என்கிறது. (7:27)

4ஆதாமின் இரு குமாரர்களின் கதை

பனீ இஸ்ராயீல் சமுதாயத்தில் ஒரு கதையை சொல்லி வருவது பழக்கமாக இருந்து வந்தது. அந்தக் கதையின் உண்மை நிலை என்ன என்பதை திருக்குர்ஆன் தெளிவாக்குகிறது. அதை கவனமாகப் படியுங்கள்.

۞ وَٱتۡلُ عَلَيۡهِمۡ نَبَأَ ٱبۡنَيۡ ءَادَمَ بِٱلۡحَقِّ إِذۡ قَرَّبَا قُرۡبَانٗا فَتُقُبِّلَ مِنۡ أَحَدِهِمَا وَلَمۡ يُتَقَبَّلۡ مِنَ ٱلۡأٓخَرِ قَالَ لَأَقۡتُلَنَّكَۖ قَالَ إِنَّمَا يَتَقَبَّلُ ٱللَّهُ مِنَ ٱلۡمُتَّقِينَ٢٧

5:27. (நபியே!) ஆதமுடைய இரு குமாரர்களின் கதையை நீர் அவர்களுக்கு ஓதிக் காண்பியும், அவ்விருவரும் (ஒவ்வொருவரும்) குர்பானி கொடுத்த போது, ஒருவனிடமிருந்து அது ஏற்றுக் கொள்ளப்பட்டதாம். மற்றவரிடமிருந்து அது ஏற்றுக்கொள்ளப் படவில்லையாம், (பின்னவர்) “நான் நிச்சயமாக உன்னைக் கொலை செய்து விடுவேன்" என்று கூறினாராம். அதற்கு (முன்னவர்) “மெய்யாகவே அல்லாஹ் ஏற்றுக்கொள்வது பயபக்தி உடையவர்களிடமிருந்து தான்" என்று கூறினாராம்.

இது வெறும் கதையே என்பதை மீண்டும் தெளிவுபடுத்துகிறோம். ஏனெனில் அல்லாஹ்வின் வழிமுறையில் காணிக்கையை ஏற்றுக் கொள்வது அல்லது ஏற்றுக்கொள்ளாதது என்ற பேச்சிற்கே இடமிருப்பதில்லை.

لَئِنۢ بَسَطتَ إِلَيَّ يَدَكَ لِتَقۡتُلَنِي مَآ أَنَا۠ بِبَاسِطٖ يَدِيَ إِلَيۡكَ لِأَقۡتُلَكَۖ إِنِّيٓ أَخَافُ ٱللَّهَ رَبَّ ٱلۡعَٰلَمِينَ٢٨

5:28. அன்றியும் அவர், “நீ என்னைக் கொலையே செய்துவிட முடிவெடுத்தால் அது உன் விருப்பம். நான் அதைத் தடுப்பேன். ஆனால் நான் உன்னைப் போன்று விபரீத செயலைச் செய்யமாட்டேன். ஏனெனில் நான் அகிலங்களுக்கெல்லாம் இறைவனாகிய அல்லாஹ்வுக்கு அஞ்சி செயல்படுகிறேன்” என்று கூறினாராம்.

إِنِّيٓ أُرِيدُ أَن تَبُوٓأَ بِإِثۡمِي وَإِثۡمِكَ فَتَكُونَ مِنۡ أَصۡحَٰبِ ٱلنَّارِۚ وَذَٰلِكَ جَزَٰٓؤُاْ ٱلظَّٰلِمِينَ٢٩

5:29. “எனவே இந்த அநியாயச் செயல் உன் புறத்திலிருந்தே இருக்கட்டும். ஏனெனில் அதைத் தடுக்கப் போய் அதனால் உனக்கு பாதிப்பு ஏதேனும் ஏற்பட்டாலும் அதன் பாவமும் உன்னையே சேரும். நான் கொல்லப்பட்டாலும் அதன் பாவமும் உன்னையே சேரும். ஆக எது எப்படி இருப்பினும் நீ நரகவாசிகளில் ஒருவனாக ஆகி விடுவாய். இதுதான் அநியாயம் செய்வோருக்குக் கிடைக்கும் தண்டனையாகும்” என்று கூறினாராம்.

فَطَوَّعَتۡ لَهُۥ نَفۡسُهُۥ قَتۡلَ أَخِيهِ فَقَتَلَهُۥ فَأَصۡبَحَ مِنَ ٱلۡخَٰسِرِينَ ٣٠

5:30. ஆனால் தம் சகோதரனின் பேச்சைக் கேட்காமல் அவன் மனம் அவரைக் கொலை செய்யவே தூண்டியதாம். எனவே அவரைக் கொன்று விட்டானாம். இப்படியாக அவன் தன் அழிவைத் தானே தேடிக் கொண்டானாம்.

فَبَعَثَ ٱللَّهُ غُرَابٗا يَبۡحَثُ فِي ٱلۡأَرۡضِ لِيُرِيَهُۥ كَيۡفَ يُوَٰرِي سَوۡءَةَ أَخِيهِۚ قَالَ يَٰوَيۡلَتَىٰٓ أَعَجَزۡتُ أَنۡ أَكُونَ مِثۡلَ هَٰذَا ٱلۡغُرَابِ فَأُوَٰرِيَ سَوۡءَةَ أَخِيۖ فَأَصۡبَحَ مِنَ ٱلنَّٰدِمِينَ ٣١

5:31. பின்னர் தம் சகோதரத்துவம் என்றால் என்னவென்பதை அவருக்கு அறிவிப்பதற்காக அல்லாஹ் காகத்தை அனுப்பினானாம். அது பூமியில் கூடிவாழ்வதைப் பார்த்த அவர், "அந்தோ! நான் இந்த காகத்தைப் போல் கூட இல்லாதாகி விட்டேனே! அப்படி இருந்திருந்தால் என் சகோதரனுடைய பிரேதத்தை நான் மறைத்திருப்பேனே!" என்று கூறி கைசேதப்படக் கூடியவராகி விட்டாராம்.

இது ஒரு கதையே என்பதை மீண்டும் உங்கள் கவனத்திற்கு கொண்டு வருகிறோம். காரணம்: அல்லாஹ்விடம் காணிக்கையை ஏற்றுக் கொள்வது அல்லது மறுப்பது என்ற பேச்சிற்கே இடமிருப்பதில்லை. ஆனால் கதையில் இதற்கு நேர் மாற்றமாக சொல்கிறார்கள்.

இரண்டாவதாக அல்லாஹ் காகத்தை அனுப்பி பிரேதத்தை எவ்வாறு மறைக்க வேண்டும் என்று கற்றுக் கொடுத்ததாக சொல்கிறார்கள். ஆனால் காகம் அவ்வாறு செத்துப் போன காகத்தை பள்ளம் தோண்டிஎங்கும் புதைப்பதே இல்லை.

மூன்றாவதாக கொலையாளி, தான் செய்த அநியாயமான கொலையைப் பற்றித் தான் கவலைப்பட்டு இருக்கவேண்டும். ஆனால் பிரேதத்தை மறைப்பது பற்றி கவலைப்படுகிறார். ஆக மக்களை திசை திருப்புவதற்காகவே இப்படிப் பட்ட கதைகளை சொல்லி வருகிறார்கள்.

முஸ்லிம்களிடையேயும் “ஷானெ நுஜுல்” என்று சொல்லி, இதற்காகக் தான் “இந்த வசனம்” அருளப்பட்டது என்று சொல்வார்கள். உலகம் நிலைத்திருக்கும் நாள் வரையில் இருக்க வேண்டிய மார்க்கத்தை குறுகிய கால வட்டறைக்குள் கொண்டு வந்து விடுகிறார்கள். காலம் செல்லச் செல்ல கதை மக்கள் மத்தியில் தங்கிவிடுகிறது. சட்டம் அவர்களை விட்டு மறைந்து விடுகிறது.

مِنۡ أَجۡلِ ذَٰلِكَ كَتَبۡنَا عَلَىٰ بَنِيٓ إِسۡرَٰٓءِيلَ أَنَّهُۥ مَن قَتَلَ نَفۡسَۢا بِغَيۡرِ نَفۡسٍ أَوۡ فَسَادٖ فِي ٱلۡأَرۡضِ فَكَأَنَّمَا قَتَلَ ٱلنَّاسَ جَمِيعٗا وَمَنۡ أَحۡيَاهَا فَكَأَنَّمَآ أَحۡيَا ٱلنَّاسَ جَمِيعٗاۚ

5:32. இதன் காரணமாகவே, நிச்சயமாக எவன் ஒருவன் கொலைக்குப் பதிலாகவோ அல்லது பூமியில் ஏற்படும் குழப்பத்தை (த்தடுப்பதற்காவோ) அன்றி, மற்றொருவரைக் கொலை செய்கிறானோ அவன் மனிதர்கள் யாவரையும் கொலை செய்தவன் போலாவான், என்றும் எவரொருவர் ஓராத்மாவை வாழ வைக்கிறாரோ அவர் மக்கள் யாவரையும் வாழ வைப்பவரைப் போலாவார்" என்று இஸ்ராயீலின் சந்ததியினருக்கு விதித்தோம்.

وَلَقَدۡ جَآءَتۡهُمۡ رُسُلُنَا بِٱلۡبَيِّنَٰتِ ثُمَّ إِنَّ كَثِيرٗا مِّنۡهُم بَعۡدَ ذَٰلِكَ فِي ٱلۡأَرۡضِ لَمُسۡرِفُونَ٣٢

மேலும், நிச்சயமாக நம் தூதர்கள் அவர்களிடம் தெளிவான அத்தாட்சிகளைக் கொண்டு வந்தார்கள்,இதன் பின்னரும் அவர்களில் பெரும்பாலோர் பூமியில் வரம்பு கடந்தவர்களாகவே இருக்கின்றனர்.

இதன் காரணமாகவே,“எவன் ஒருவன் எந்தக் காரணமும் இன்றி அநியாயமாக ஒருவரைக் கொலை செய்கின்றானோ, அவன் முழு மனித இனத்தையும் கொலை செய்துவிட்டதாகப் பொருள்கொள்ளப்படும் என்ற சட்டம் பிறப்பிக்கப் பட்டதாக சொல்கிறார்கள்.

கொலைக்குத் தண்டனையாக மரண தண்டனை அளிப்பதோ, சமுதாய நல்லிணக்கத்தைச் சீரழிக்கும் வகையில் குழப்பங்களை ஏற்படுத்துபவனுக்கு மரண தண்டனை அளிப்பது என்பதோ வேறு விஷயமாகும்.

ஆனால் தன்னிச்சையாக கொலை செய்வது என்பது சமூக பிரச்னையாகும். எனவே அது கடுமையான தண்டனைக்குரியது.

அதே போல் எவர் ஒருவர் மற்றவரைத் துயரத்திலிருந்து காப்பாற்றி வாழ வைக்கின்றாரோ, அவர் முழு மனித சமுதாயத்தையும் வாழ வைத்ததாகக் கருதப்படும்”

அல்லாஹ்வின் புறத்திலிருந்து இத்தகைய ஒழுங்கு முறைச் சட்டங்கள் பனீ இஸ்ரயீல் சமூகத்தினருக்கு இயற்றப்பட்டன.

நிச்சயமாக இறைத்தூதர்கள் தெளிவமான சட்ட திட்டங்களையே அவர்களிடம் தொடர்ந்து கொண்டு வந்தார்கள். ஆனால் பிற்காலத்தில் வந்தவர்கள் பலர், கதைகளை சொல்லி மக்களை திசை திருப்பி விட்டார்கள். காலப் போக்கில் மக்கள் மத்தியில் கதை தங்கிவிட்டது. சட்டம் அவர்களை விட்டு மறைந்து விட்டது.

5சமுதாயம் ஒரு கூட்டுக் குடும்பமே

وَٱللَّهُ فَضَّلَ بَعۡضَكُمۡ عَلَىٰ بَعۡضٖ فِي ٱلرِّزۡقِۚ فَمَا ٱلَّذِينَ فُضِّلُواْ بِرَآدِّي رِزۡقِهِمۡ عَلَىٰ مَا مَلَكَتۡ أَيۡمَٰنُهُمۡ فَهُمۡ فِيهِ سَوَآءٌۚ أَفَبِنِعۡمَةِ ٱللَّهِ يَجۡحَدُونَ٧١

16:71. அல்லாஹ் உங்களில் சிலரை சிலரை விட செல்வத்தில் மேன்மைப்படுத்தி இருக்கிறான், இவ்வாறு மேன்மையாக்கப் பட்டவர்கள், தங்களுடைய செல்வத்தை தங்கள் வலக்கரங்களுக்கு உட்பட்டு(த் தம் ஆதிக்கத்தில்) இருப்பவர்களிடம் கொடுத்து, அவர்களும் இவர்கள் செல்வத்தில் சமமான உரிமை உள்ளவர்கள் என்று ஆக்கி விடுவதில்லை, (அவ்வாறிருக்க) அல்லாஹ்வின் அருட்கொடைப் பற்றியா இவர்கள் தர்க்கம் செய்கின்றனர்.?

ஒரு சமுதாயம் அல்லது நாடு என்று எடுத்துக் கொண்டால் பலதரப்பட்ட தொழில்கள் இருக்கும். ஒவ்வொரு தொழிலிலும் தேர்ச்சி பெற்றவர்கள் இருப்பார்கள்.

அதில் ஒவ்வொருவருக்கும் தனிச் சிறப்புகளும் இருக்கும். அவை அனைத்தும் ஒருங்கிணைந்தால் தான் சமுதாயம் என்று உருவாகும். இதில் உயர்வு தாழ்வு என்பது கிடையாது.

எனவே அனைத்துத் தரப்பு மக்களுக்கும் அடிப்படை தேவைகள் சரிசமமான முறையில் பங்கு கிடைக்க அரசு வழிசெய்ய வேண்டும். அவ்வாறு இல்லாமல் தம் இனத்தவர் என்று பிரித்துப் பார்ப்பீர்களானால் அல்லாஹ்விடம் நீங்கள் நன்றி விசுவாசத்துடன் செயலாற்றுவதில்லை என்றே பொருள்படும்.

وَٱللَّهُ جَعَلَ لَكُم مِّنۡ أَنفُسِكُمۡ أَزۡوَٰجٗا وَجَعَلَ لَكُم مِّنۡ أَزۡوَٰجِكُم بَنِينَ وَحَفَدَةٗ وَرَزَقَكُم مِّنَ ٱلطَّيِّبَٰتِۚ أَفَبِٱلۡبَٰطِلِ يُؤۡمِنُونَ وَبِنِعۡمَتِ ٱللَّهِ هُمۡ يَكۡفُرُونَ ٧٢

16:72. இன்னும், அல்லாஹ் உங்களுக்காக உங்களிலிருந்தே மனைவியரை ஏற்படுத்தி இருக்கிறான், உங்களுக்கு உங்கள் மனைவியரிலிருந்து சந்ததிகளையும், பேரன் பேத்திகளையும் ஏற்படுத்தி, உங்களுக்கு நல்ல பொருட்களிலிருந்து ஆகாரமும் அளிக்கிறான், அப்படியிருந்தும், (தாமே கற்பனை செய்து கொண்ட) பொய்யானதின் மீது ஈமான் கொண்டு அல்லாஹ்வின் அருட்கொடையை இவர்கள் நிராகரிக்கிறார்களா?

அல்லாஹ்வின் படைப்புகளில் உங்களிலிருந்தே ஜோடி ஜோடியாக படைத்திருப்பதையும் கவனித்துப் பாருங்கள்.

அதைக் கொண்டு உங்களுக்கு பிள்ளைகளும், பேரன் பேத்தி என சந்ததிகளும் உருவாகிறார்கள்.

உங்கள் குடும்பங்கள் சிறப்பாக இருக்க அனைவரின் ஒத்துழைப்பும் அவசியாமாகிறது.

இதற்காக குடும்பப் பொறுப்பை சமமாக பிரித்துக்கொள்கிறீர்கள். எனவே அவர்களுக்குத் தேவையான அடிப்படைத் தேவைகளை ஒரே சீராக நிறைவேற்றி வருகிறீர்கள்.

ஆனால் நாட்டு மக்களின் நலனைக் காக்கும் விஷயத்தில் பாரபட்சம் காட்டி அல்லாஹ்வின் அருட்கொடைகளை தவறாகப் பயன் படுத்துகிறீர்களே.

படிப்பினை: நாட்டு மக்கள் அனைவரையும் ஒரே குடும்பத்தைச் சேர்ந்த மக்களாகப் பாவித்து, அவர்கள் அனைவரையும் சரிசமமாக நடத்திச் செல்லும் ஆட்சியமைப்பு இருந்தால் தான், அந்த நாடு வேகமாக முன்னேறி தலைசிறந்த நாடாக விளங்கும். இதுதான் அல்லாஹ்வின் செயல்திட்டமாகும்.

இதிலிருந்து உங்களுக்குத் தெரிவிப்பது என்னவென்றால், உங்களுக்கு கிடைக்கின்ற வாழ்வாதாரங்கள் யாவும் நீங்களே உருவாக்கிக் கொண்ட ஏற்பாடுகளின் மூலம் அல்ல. வானத்திலிருந்து பொழியும் மழை, பூமியில் புதைந்துக் கிடைக்கின்ற அளவற்ற சத்துக்கள் தாதுப் பொருட்கள், சூரிய வெப்பம் மற்றும் காற்றின் சக்தி ஆகிய அனைத்தும் ஒருங்கிணைந்து செயல்படுவதால் தான், உங்களால் உழைத்து வாழ்வாதாரங்களைப் பெறமுடிகிறது. இவையாவும் அல்லாஹ்வின் ஏற்பாடுகளே ஆகும். எனவே அல்லாஹ்வின் அறிவுரைப்படி நீங்கள் அவற்றை சமுதாய மக்கள் அனைவருக்காகவும் சரிசமமாகப் பயன் படுத்திக்கொள்ள வேண்டும்.

6: திருக்குர்ஆன் ஓர் ஒளிவிளக்கு:

۞ ٱللَّهُ نُورُ ٱلسَّمَٰوَٰتِ وَٱلۡأَرۡضِۚ مَثَلُ نُورِهِۦ كَمِشۡكَوٰةٖ فِيهَا مِصۡبَاحٌۖ ٱلۡمِصۡبَاحُ فِي زُجَاجَةٍۖ ٱلزُّجَاجَةُ كَأَنَّهَا كَوۡكَبٞ دُرِّيّٞ يُوقَدُ مِن شَجَرَةٖ مُّبَٰرَكَةٖ زَيۡتُونَةٖ لَّا شَرۡقِيَّةٖ وَلَا غَرۡبِيَّةٖ يَكَادُ زَيۡتُهَا يُضِيٓءُ وَلَوۡ لَمۡ تَمۡسَسۡهُ نَارٞۚ نُّورٌ عَلَىٰ نُورٖۚ يَهۡدِي ٱللَّهُ لِنُورِهِۦ مَن يَشَآءُۚ وَيَضۡرِبُ ٱللَّهُ ٱلۡأَمۡثَٰلَ لِلنَّاسِۗ وَٱللَّهُ بِكُلِّ شَيۡءٍ عَلِيمٞ٣٥

24:35. வானங்கள் பூமிக்கு ஒளி (ஏற்படுத்துபவன்) அவன் (ஏற்படுத்தும்) ஒளி ஏற்படுத்தியது போல, திருக்குர்ஆன் எனும் விளக்கு மாடத்தில் வைக்கப்பட்டுள்ள விளக்கு போன்றதாகும். அவ்விளக்கு ஒரு கண்ணாடி(க் குவி)யில் இருக்கிறது, அக்க்ண்ணாடி ஒளி வீசும் நட்சத்திரத்தைப் போன்றதாகும். அது பாக்கியம் பெற்ற ஜைத்தூன் மரத்தி(ன் எண்ணையி)னால் எரிக்கப்படுகிறது. அது கீழ்த்திசையைச் சேர்ந்ததும் அல்ல, மேல்திசையைச் சேர்ந்ததும் அல்ல. அதனை நெருப்பு தீண்டாவிடினும், அதன் எண்ணெய் ஒளி வீச முற்படும். (இவை எல்லாம் சேர்ந்து) ஒளிக்கு மேல் ஒளியாகும். அல்லாஹ் தான் நாடியவரை தன்னுடைய ஒளி (என்னும் சத்தியப் பாதை)யின் பால் நடத்திச் செல்கிறான். மனிதர்களுக்கு இத்தகைய உவமைகளை அல்லாஹ் தெளிவுபடுத்துகிறான். அல்லாஹ் யாவற்றையும் நன்கு அறிபவன்.

அல்லாஹ்வின் வல்லமையும் பேராற்றலும் அகிலங்கள் அனைத்திலும் பூமியிலும் பரவி இருப்பது போல், மனிதனின் சிறப்பான வாழ்விற்கு இவ்வேதம் ஒளிவிளக்காகத் திகழ்கிறது. (மேலும் பார்க்க 5:15& 42:52)

எவ்வாறு ஒரு விளக்கு கண்ணாடி மாடத்தில் பத்திரமாகப் பாதுகாக்கப்பட்டு, அந்தக் கண்ணாடி ஒளிவீசும் நட்சத்திரமாக இருக்கிறதோ, அதே போல் இந்த இறைவழிகாட்டுதல்கள் அடங்கிய இவ்வேதமும், மனித சுயசிந்தனையின் சடங்கு, சம்பிரதாயம், முன்னோர்களின் வழிப்பாடு போன்ற தாக்கங்களிலிருந்து பாதுகாக்கப்பட்டு, மக்களின் அறியாமை என்ற இருளைப் போக்கி, நேர்வழி காட்டும் ஒளிவிளக்காக உள்ளது.

எவ்வாறு அந்த விளக்கு தொடர்ந்து ஒளிவீசுவதற்கு ஜைத்தூன் எண்ணெயின் துணை நிற்கிறதோ, அது போல இறைவழிகாட்டுதல்கள் எல்லா கால கட்டத்திற்கும் தொடர்ந்து உதவிட, முன் உதாரணங்களும், படிப்பினைகளும், பிரபஞ்சப் படைப்புகளின் செயல்பாடுகளும் மனிதனின் ஒளிமயமான வாழ்விற்கு ஊன்றுகோலாக இருக்கின்றன.

ஒளிவிளக்கு எவ்வாறு கிழக்கு மேற்கு என்று எந்தப் பக்கமும் சாயாமல், ஒளிவீசக் கூடியதாக உள்ளதோ, அதுபோல இந்த வழிகாட்டுதல்கள் நாடு, மொழி, இனம், ஆகியவற்றிற்கெல்லாம் அப்பாற்பட்டவையாக உள்ளது.

மேலும் அவை, ஏழைக்கு ஆதரவாகவோ செல்வந்தர்களுக்கு எதிராகவோ அல்லது செல்வந்தர்களை ஆதரித்து ஏழை எளிய மக்களுக்கு எதிராகவோ சாய்ந்து இல்லை.

மேலும் ஒரு குறிப்பிட்ட சமுதாயத்திற்கு மட்டும் வழிகாட்டியாக இல்லாமல், உலக மக்கள் அனைவருக்காகவும் சரிசமமான அறிவுரைகள் அடங்கிய வேதமாக உள்ளது.

அந்த வழிகாட்டுதலைக் கடைப்பிடித்தாலும் கடைப்பிடிக்கா விட்டாலும், அது தன் நிலையை மாற்றிக்கொள்ளாது.

ஒரு சமுதாயம் இந்த வழிகாட்டுதலைக் கடைப்பிடிக்கும் போது, ஒளிக்கு மேல் ஒளி கிடைத்துக் கொண்டே போகும். மேலும் இறை வழிகாட்டுதலின் படி செயல்பட நாடுவோருக்கே, அது ஒளிமயமான வாழ்வின் பக்கம் அழைத்துச் செல்லும்.

எனவே இந்த உவமைகள் யாவும் உலக மக்கள் தெளிவு பெற்று, சிறப்பாக வாழ்வதற்காகவே தரப்படுகின்றன.

ஆக யாவற்றையும் அறிந்து கொள்ளும் பேராற்றல் உடையவனே அல்லாஹ் என்பதற்கு இவ்வழிகாட்டுதல்கள் சாட்சியாக இருக்கும்.

ٱلَّذِينَ ءَاتَيۡنَٰهُمُ ٱلۡكِتَٰبَ يَعۡرِفُونَهُۥ كَمَا يَعۡرِفُونَ أَبۡنَآءَهُمُۘ ٱلَّذِينَ خَسِرُوٓاْ أَنفُسَهُمۡ فَهُمۡ لَا يُؤۡمِنُونَ٢٠

6:20. எவரும் தம் குழந்தைகளை (ச் சந்தேகமில்லாமல்) அறிவதைப் போல், வேதம் கொடுக்கப் பெற்றவர்கள், இவ்வேத உண்மைகளை நன்கறிவார்கள். எவர்கள் தமக்குத் தாமே நஷ்டமிழைத்துக் கொண்டார்களோ, அவர்கள் தாம் இவற்றை நம்பமாட்டார்கள்

ஒருவர் தாம் பெற்ற குழந்தையைப் பார்த்து எவ்வித சந்தேகமுமின்றி எவ்வாறு அறிந்து கொள்வாரோ, அவ்வாறே வேதம் பெற்றவர்கள் இவ்வேத அறிவுரைகளின் உண்மை நிலையை அறிந்து கொள்வார்கள். எனினும் இதை ஏற்க மறுப்வர்கள் துர்பாக்கியவான்களே ஆவர்.

7: இஸ்லாம் ஒரு மார்கமே ஆகும்:

فَمَن يُرِدِ ٱللَّهُ أَن يَهۡدِيَهُۥ يَشۡرَحۡ صَدۡرَهُۥ لِلۡإِسۡلَٰمِۖ وَمَن يُرِدۡ أَن يُضِلَّهُۥ يَجۡعَلۡ صَدۡرَهُۥ ضَيِّقًا حَرَجٗا كَأَنَّمَا يَصَّعَّدُ فِي ٱلسَّمَآءِۚ كَذَٰلِكَ يَجۡعَلُ ٱللَّهُ ٱلرِّجۡسَ عَلَى ٱلَّذِينَ لَا يُؤۡمِنُونَ١٢٥

6:125. எவர் அல்லாஹ்வின் நேர்வழிபெற நாடுகிறாரோ, அவருடைய நெஞ்சை இஸ்லாத்தை ஏற்றுக் கொள்வதற்காக விசாலமாக்குகிறான் - யார் வழிதவறிச் செல்ல நாடுகிறானோ, அவருடைய நெஞ்சை, வானத்தில் ஏறுபவன் நெஞ்சைப் போல் இறுகிச் சுருங்கும்படிச் செய்கிறான் - இவ்வாறே ஈமான் கொள்ளாதவர்களுக்கு அல்லாஹ் தண்டனையை ஏற்படுத்துகிறான்.

அல்லாஹ்வின் செயல்திட்டத்தின்படி, யார் இறைவழிகாட்டுதலைப் பெற நாடி வருகிறார்களோ, (பார்க்க 18:29) அவர்களைத் தான் இந்தக் குர்ஆன் எந்தக் குறையுமில்லாத அமைதியான வளம் மிக்க வாழ்வின் பக்கம் அழைத்துச் செல்கிறது

.இதுவே இஸ்லாம் என்பதாகும்.

இதற்கு மாறாக, யார் வழிகேட்டில் செல்ல நாடுகிறாரோ, (பார்க்க 17:15) அவர் வானத்தில் காற்றில்லா மண்டலத்தில் சிக்கி, எந்தப் பக்கமும் அசைய முடியாமல் தத்தளிப்பவனைப் போல், சடங்கு சம்பிரதாயங்களின் வலையில் சிக்கித் தவிக்க வேண்டியது தான்.

இதுவே இறைவழிகாட்டுதலை ஏற்க மறுத்து வாழ்பவர்களுக்கு கிடைக்கும் தண்டனையாகும்.

وَمَثَلُ كَلِمَةٍ خَبِيثَةٖ كَشَجَرَةٍ خَبِيثَةٍ ٱجۡتُثَّتۡ مِن فَوۡقِ ٱلۡأَرۡضِ مَا لَهَا مِن قَرَارٖ٢٦

14:26. (இணை வைப்போரின்) கெட்ட வாக்கியத்திற்கு உதாரணம் கெட்ட மரமாகும், பூமியின் மேல் பாகத்திலிருந்தும் (அதன் வேர்) பிடுங்கப்பட்டிருக்கும், அதற்கு நிலைத்து நிற்கும் தன்மையுமில்லை.

அல்லாஹ்வுக்கு இணையாக வேறு வழிமுறைகளை பின்பற்றி வருபவர்களுக்கு ஒரு உதாரணமாவது – எந்த பலனுமளிக்காத பட்டமரத்திற்கு ஒப்பானதாகும்.

அதன் வேர்கள் பூமியின் ஆழ்பகுதி வரையில் செல்வதில்லை.

அதனால் சற்றே காற்றடித்தாலும் தாங்கி நிற்கக் கூடிய சக்தி பெற்றிருக்காது. எனவே அவை வேரோடு சாய்ந்து விடும்.

அது போல அல்லாஹ்வுக்கு இணையாக வேறு வழிமுறைகளை பின்பற்றும் சமுதாயம் வேரோடு அழிந்து விடும்.

وَسَكَنتُمۡ فِي مَسَٰكِنِ ٱلَّذِينَ ظَلَمُوٓاْ أَنفُسَهُمۡ وَتَبَيَّنَ لَكُمۡ كَيۡفَ فَعَلۡنَا بِهِمۡ وَضَرَبۡنَا لَكُمُ ٱلۡأَمۡثَالَ٤٥

14:45. அன்றியும் தமக்குத் தாமே தீங்கிழைத்துக் கொண்டார்களே, அவர்கள் வாழ்விடங்களில் நீங்களும் வசித்தீர்கள், அவர்களை நாம் என்ன செய்தோம் என்பதும் உங்களுக்குத் தெளிவாக்கப்பட்டது, இன்னும் நாம் உங்களுக்கு (ப் பல முன்) உதாரணங்களையும் எடுத்துக் காட்டி இருக்கின்றோம் (என்றும் இறைவன் கூறுவான்).

உங்களுக்கு முன் வாழ்ந்த பல சமூகத்தாரின் வாழ்க்கை வரலாற்றைப் பற்றி நாம் உங்களுக்கு அறிவிக்கவில்லையா?

அநியாயச் செயல்களில் ஈடுபட்டு, தமக்குத் தாமே அழிவை தேடிக் கொண்டார்களே, அவர்களைப் பற்றி நாம் எச்சரிக்கை செய்யவில்லையா?

இப்படியாக இறைவன் நிர்ணயித்த மனித செயல்களின் விளைவுகளைப் பற்றி (பார்க்க 11:56) பல உதாரணங்களின் மூலம் நாம் விளக்கம் அளித்தோமே!

இந்த உண்மைகளை அறிந்திருந்தும், நீங்கள் உங்கள் நிலையை மாற்றிக் கொள்வதாகவே இல்லையே!

8இஸ்லாம் ஒரு நிலையான மார்க்கம்

أَلَمۡ تَرَ كَيۡفَ ضَرَبَ ٱللَّهُ مَثَلٗا كَلِمَةٗ طَيِّبَةٗ كَشَجَرَةٖ طَيِّبَةٍ أَصۡلُهَا ثَابِتٞ وَفَرۡعُهَا فِي ٱلسَّمَآءِ ٢٤ تُؤۡتِيٓ أُكُلَهَا كُلَّ حِينِۭ بِإِذۡنِ رَبِّهَاۗ وَيَضۡرِبُ ٱللَّهُ ٱلۡأَمۡثَالَ لِلنَّاسِ لَعَلَّهُمۡ يَتَذَكَّرُونَ٢٥

14:24&25 (நபியே!) நல்வாக்கியத்திற்கு அல்லாஹ் எவ்வாறு உதாரணம் கூறுகிறான் என்பதை நீர் கவனிக்கவில்லையா? அது மணம் மிக்க ஒரு நன்மரத்தைப் போன்றது, அதனுடைய வேர்கள் (பூமியில் ஆழமாகப்) பதிந்ததாகவும், அதன் கிளைகள் வானளாவியும் இருக்கும். அது தன்னுடைய இறைவனின் செயல்திட்டப்படி ஒவ்வொரு காலத்திலும் தன்னுடைய கனியைக் கொடுத்துக் கொண்டே இருக்கிறது, மக்கள் நல்லுணர்வு பெறும் பொருட்டு அல்லாஹ் (இத்தகைய) உதாரணங்களைக் கூறுகிறான்.

சிறப்பாக வாழ்பவர்கள் கடைபிடித்து வரும் மார்க்கத்திற்கு (வாழ்க்கை நெறிமுறைக்கு) ஒரு உதாரணமாவது, வானளாவி பரந்து விரிந்து, சதா பழங்களையும் நறுமணங்களையும் அளிக்கக் கூடிய மரமாகவும், அதன் வேர்கள் பூமியில் ஆழமாக ஊடுருவிச் சென்று, உறுதியாக இருக்கும் மரத்திற்கு ஒப்பானதாகும்.

மேலும் அம்மரம் இறைவனின் நியதிப்படி எல்லா பருவக் காலங்களிலும் தன்னுடைய கனியை கொடுத்துக் கொண்டே இருக்கும்.

இதுவே அல்லாஹ்வின் அறிவுரைப்படி சிறப்பாகச் செயல்படும் சமுதாயத்திற்கு ஒப்பான உதாரணமாகும்.

மக்கள் அறிவுரை பெறும்பொருட்டு இத்தகைய உதாரணங்கள் இறைவன் புறத்திலிருந்து தரப்படுகின்றன.

ذَٰلِكَ مَثَلُهُمۡ فِي ٱلتَّوۡرَىٰةِۚ وَمَثَلُهُمۡ فِي ٱلۡإِنجِيلِ كَزَرۡعٍ أَخۡرَجَ شَطۡـَٔهُۥ فَـَٔازَرَهُۥ فَٱسۡتَغۡلَظَ فَٱسۡتَوَىٰ عَلَىٰ سُوقِهِۦ يُعۡجِبُ ٱلزُّرَّاعَ لِيَغِيظَ بِهِمُ ٱلۡكُفَّارَۗ وَعَدَ ٱللَّهُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ مِنۡهُم مَّغۡفِرَةٗ وَأَجۡرًا عَظِيمَۢا٢٩

48:29. இன்ஜீலிலுள்ள அவர்கள் உதாரணமாவது: ஒரு பயிரைப் போன்றது, அது தன்முளையைக் கிளப்பி (ய பின்) அதை பலப்படுத்துகிறது, பின்னர் அது பருத்துக் கனமாகி, பிறகு விவசாயிகளை மகிழ்வடையச் செய்யும் விதத்தில், அது தன் அடித்தண்டின் மீது நிமிர்ந்து செவ்வையாக நிற்கிறது, இவற்றைக் கொண்டு நிராகரிப்பவர்களை அவன் கோபமூட்டுகிறான் -ஆனால் அவர்களில் எவர்கள் ஈமான் கொண்டு ஸாலிஹான (நல்ல) அமல்கள் செய்கிறார்களோ அவர்களுக்கு அல்லாஹ் பாதுகாப்பையும், மகத்தான கூலியையும் வாக்களிக்கி ன்றான்.

மூஃமின்கள் உருவாக்குகின்ற ஆட்சியமைப்பை ஒரு நன்மரத்திற்கு ஒப்பிடலாம். ஒரு பழுத்த விதையை பூமியில் விதைத்து, அது பூமியைப் பிளந்து, மிருதுவான செடியாக வளர்ந்து, அது பெரிய மரமாக வளர்ந்து அது தன்னைத் தானே காத்துக் கொள்ளும் வகையில் வலுவான வேர்களும் தண்டுகளும் கொண்டு வலிமையைப் பெற்று, சதா கனிகளை ஈட்டிக்கொண்டே இருக்கின்றதே அதற்கு ஒப்பிடலாம். (பார்க்க 14:24-25)

இப்படியாக அந்த ஆட்சி அனைவருக்கும் பலனளிக்கக் கூடிய வகையில் செயல்படும். ஆனால் இந்த முன்னேற்றம் இறை நிராகரிப்பவர்களுக்கு வெறுப்பையே உண்டாக்கும்.

ஆக யார் அல்லாஹ்வின் வழிகாட்டுதலை மனதார ஏற்று அதன்படி ஆக்கப்பூர்வமாகச் செயல்படுகிறார்களோ, அவர்களுக்கெல்லாம் இத்தகைய நற்பலன்கள் அளிக்கும் நல்லாட்சி கிடைக்கும் என்பதே அல்லாஹ்வின் வாக்காகும். (பார்க்க 24:55)

மேலும் இத்தகையவர்களுக்கு பாதுகாப்பான வாழ்வும் நிலையாக கிடைத்து வரும்.

9நூதன உலகம்

يَوۡمَ تُبَدَّلُ ٱلۡأَرۡضُ غَيۡرَ ٱلۡأَرۡضِ وَٱلسَّمَٰوَٰتُۖ وَبَرَزُواْ لِلَّهِ ٱلۡوَٰحِدِ ٱلۡقَهَّارِ٤٨

14:48. இந்த பூமி வேறு பூமியாகவும், இன்னும் வானங்களும் மாற்றப்படும் நாளில் (அவர்கள் தண்டிக்கப் படுவார்கள்.) மேலும் அடக்கியாளும் ஏகனாகிய அல்லாஹ்வின் முன்னிலையில் வெளியாகி நிற்பார்கள்.

இறைவனின் வழிகாட்டுதலின் அடிப்படையில் ஆட்சியமைப்பு இவ்வுலகில் நிலைபெறுவது உறுதி.

அப்போது இந்த உலகம் மாறுபட்ட உலகமாகத் திகழும். வானத்தைப் போல் உயர் பதவியின் மமதையில் இருப்பவர்களின் நிலை மாறி, நல்லோர்களின் கையில் ஆட்சியமைப்பு வந்துவிடும்.

அப்படி ஒரு காலத்தில் ஏக இறைவனாகிய அல்லாஹ்வின் வழிகாட்டுதலின் படியே எல்லா தீர்ப்புகளும் செயல்திட்டங்களும் நடைபெற்று வரும்.

10சுவனத்திற்கு ஒப்பான சமுதாயம்

۞ مَّثَلُ ٱلۡجَنَّةِ ٱلَّتِي وُعِدَ ٱلۡمُتَّقُونَۖ تَجۡرِي مِن تَحۡتِهَا ٱلۡأَنۡهَٰرُۖ أُكُلُهَا دَآئِمٞ وَظِلُّهَاۚ تِلۡكَ عُقۡبَى ٱلَّذِينَ ٱتَّقَواْۚ وَّعُقۡبَى ٱلۡكَٰفِرِينَ ٱلنَّارُ٣٥

13:35. பயபக்தியுடையவர்களுக்கு வாக்களிக்கப்பட்ட சுவனபதியின் உதாரணமாவது - அதன் கீழே நீர் அருவிகள் (என்றென்றும்) ஓடிக்கொண்டு இருக்கும், அதன் ஆகாரமும், அதன் நிழலும் நிலையானவை, இது தான் பயபக்தியுடையோரின் முடிவாகும், காஃபிர்களின் முடிவோ(நரக) நெருப்பேயாகும்.

அல்லாஹ்வின் வழிகாட்டுதலை ஏற்றுக்கொண்டவர்கள், அதற்கு மாற்றமாக செயல்படுவதால் ஏற்படும் பின்விளைவுகளுக்கு அஞ்சி செயல்படுபவார்கள்.

இவர்களுக்கே வாக்களிக்கப்பட்ட சுவனத்திற்கு ஒப்பான வாழ்வு நிச்சயமாக கிடைக்கும்.

அத்தகைய சமுதாயங்களில் தாராள பொருளாதார வசதிகள், வற்றாத ஜீவநதியாய் சதா பெருகி வரும்.

அங்குக் கிடைக்கும் கனிவகைகள் சுவை மிக்கதாகவும், நிழல் தொடர்வது போல் அவர்களுக்கு கிடைத்த வண்ணமும் இருக்கும்.

இவை தான் சுவன வாழ்விற்குத் தரப்படும் உதாரணமாகும். இவை இறையச்சத்துடன் செயல்படுவோருக்குக் கிடைக்கின்ற சன்மானங்களாகும்.

மாறாக இறைவழிகாட்டுதலை நிராகரித்து, தம் மனம்போன போக்கில் வாழ்பவர்களின் வாழ்வு நரகமாக மாறிவரும்.

مَّثَلُ ٱلۡجَنَّةِ ٱلَّتِي وُعِدَ ٱلۡمُتَّقُونَۖ فِيهَآ أَنۡهَٰرٞ مِّن مَّآءٍ غَيۡرِ ءَاسِنٖ وَأَنۡهَٰرٞ مِّن لَّبَنٖ لَّمۡ يَتَغَيَّرۡ طَعۡمُهُۥ وَأَنۡهَٰرٞ مِّنۡ خَمۡرٖ لَّذَّةٖ لِّلشَّٰرِبِينَ وَأَنۡهَٰرٞ مِّنۡ عَسَلٖ مُّصَفّٗىۖ وَلَهُمۡ فِيهَا مِن كُلِّ ٱلثَّمَرَٰتِ وَمَغۡفِرَةٞ مِّن رَّبِّهِمۡۖ كَمَنۡ هُوَ خَٰلِدٞ فِي ٱلنَّارِ وَسُقُواْ مَآءً حَمِيمٗا فَقَطَّعَ أَمۡعَآءَهُمۡ١٥

47:15. பயபக்தியுடையவர்களுக்கு வாக்களிக்கப்பட்டுள்ள சுவர்க்கத்தின் உதாரணமாவது: அதில் மாறுபடாத தெளிந்த நீரைக் கொண்ட ஆறுகளும், தன் சுவை மாறாத பாலாறுகளும், அருந்துவோருக்கு இன்பமளிக்கும் மது ரச ஆறுகளும், தெளிவான தேனாறுகளும் இருக்கின்றன, இன்னும், அதில் அவர்களுக்கு எல்லா விதமான கனிவகைகளும், தங்கள் இறைவனின் பாதுகாப்பும் உண்டு. (இத்தகையோர்) நரகத்தில் எவன் என்றென்றுமே தங்கியிருந்து,கொதிக்கும் நீர் புகட்டப்பட்டு (அதனால்) குடல்களெல்லாம் துண்டு துண்டாகி விடுமோ அவனுக்கு ஒப்பாவாரா?

இறைவழிகாட்டுதலைப் பேணி நடப்பவர்கள் சுவனத்திற்கு ஒப்பான சமுதாயத்தில் இருப்பார்கள் என வாக்களிக்கப்படுகிறது.

அந்தச் சுவனம் எவ்வாறு இருக்கும் என்றால், மாறுபடாத தெளிந்த நீரைக் கொண்ட ஆறுகளும், சுவை மாறாத பாலாறுகளும், அருந்துவோருக்கு இன்பமளிக்கும் மதுரச ஆறுகளும், தெளிவான தேனாறுகளும் கொண்ட நாடாக இருந்தால் எவ்வளவு சந்தோஷமாக இருக்கும்?

அது போலத்தான் அவர்களுக்கு தலைசிறந்த வாழ்வு கிடைக்கும். அவர்களுக்கு குன்றாத வாழ்வதாரங்களும், இறைவன் புறத்திலிருந்து பாதுகாப்பான வாழ்வும் கிடைத்து வரும்.

இத்தகைய சிறப்பான வாழ்வைப் பெறுவதை விட்டுவிட்டு குடலைப் புண்ணாக்கும் கொதி நீரும் வேதனை அளிக்கும் வாழ்வையும் நோக்கி பயணம் செய்வது சிறப்பா?

இவர்கள் அச்சுவனவாசிகளுக்கு ஒப்பாவார்களா?

11மூதாட்டி நெய்த ஆடை

وَلَا تَكُونُواْ كَٱلَّتِي نَقَضَتۡ غَزۡلَهَا مِنۢ بَعۡدِ قُوَّةٍ أَنكَٰثٗا تَتَّخِذُونَ أَيۡمَٰنَكُمۡ دَخَلَۢا بَيۡنَكُمۡ أَن تَكُونَ أُمَّةٌ هِيَ أَرۡبَىٰ مِنۡ أُمَّةٍۚ إِنَّمَا يَبۡلُوكُمُ ٱللَّهُ بِهِۦۚ وَلَيُبَيِّنَنَّ لَكُمۡ يَوۡمَ ٱلۡقِيَٰمَةِ مَا كُنتُمۡ فِيهِ تَخۡتَلِفُونَ ٩٢

16:92. நீங்கள் (சத்தியத்தை முறிக்கும் இவ்விஷயத்தில் மதிகெட்ட) ஒரு பெண்ணுக்கு ஒப்பாகி விடாதீர்கள் - அவள் நூலை நூற்று நன்கு முறுக்கேற்றிய பிறகு, தானே அதைத் (தறித்துத்) துண்டு துண்டாக்கி விட்டாள், ஒரு சமூகத்தார் மற்றொரு சமூகத்தாரை விட அதிகமாக இருக்கிறார்கள் என்னும் காரணத்தால் நீங்கள் உங்கள் சத்தியங்களை உங்களுக்கிடையில் ஏமாற்றுவதற்கு சாதனங்களாக ஆக்கிக் கொள்ளாதீர்கள், நிச்சயமாக அல்லாஹ் உங்களைச் சோதிப்பதெல்லாம் இதன் மூலமாகத் தான். இன்னும் நீங்கள் எ(வ்விஷயத்)தில் பேதப்பட்டுக் கொண்டிருந்தீர்களோ, (அதனை) அவன் உங்களுக்கு கியாம நாளில் நிச்சயமாகத் தெளிவாக்குவான்.

ஒரு பெண்மணி கஷ்டப்பட்டு நூலை நூற்று நன்றாக முறுக்கேற்றியபின், அதை தானே துண்டுதுண்டாக வெட்டிவிட்டாளே, அவளைப் போன்று நீங்கள் ஆகிவிடாதீர்கள்.

அதாவது சமுதாய ஒருமைப்பாட்டை கஷ்டப்பட்டு ஏற்படுத்திய பின், நீங்கள் மக்களுக்கு கொடுத்த வாக்கை காப்பாற்றாமல் சுயநலத்தோடு செயல்பட்டால், நாட்டில் எதிர்ப்பும், பிளவும் ஏற்பட்டு நாடு துண்டு துண்டாக ஆகிவிடும்.

மேலும் நாட்டிலுள்ள சிறுபான்மையினர், பெரும்பான்மையினரை மிஞ்சிவிடுவார்கள் என்ற அச்சத்தில் தேவையற்ற ஆணைகளைப் பிறப்பித்து, மக்களை ஏமாற்றாதீர்கள்.

இவையாவும் சமூக நல்லிணக்கத்திற்கு உகந்தது அல்ல. நீங்கள் எவ்வாறு நடந்துக் கொள்கிறீர்கள் என்பதே முக்கியமானதாகும்.

மேலும் அல்லாஹ்வின் கண்காணிப்பில் எப்போதும் இருக்கிறீர்கள் என்பதை மறவாதீர்கள்.

நீங்கள் இந்த அறிவுரைகளுக்கு மாற்றமாக செயல்பட்டால், உங்கள் செயல்களின் விளைவுகள் ஏற்படும் காலக் கட்டங்களில் நிச்சயமாக தெளிவாகிவிடும்.

12ஊசிமுனையின் துவாரத்தில் ஒட்டகம் நுழையுமா?

إِنَّ ٱلَّذِينَ كَذَّبُواْ بِـَٔايَٰتِنَا وَٱسۡتَكۡبَرُواْ عَنۡهَا لَا تُفَتَّحُ لَهُمۡ أَبۡوَٰبُ ٱلسَّمَآءِ وَلَا يَدۡخُلُونَ ٱلۡجَنَّةَ حَتَّىٰ يَلِجَ ٱلۡجَمَلُ فِي سَمِّ ٱلۡخِيَاطِۚ وَكَذَٰلِكَ نَجۡزِي ٱلۡمُجۡرِمِينَ٤٠

7:40. எவர்கள் நம் வசனங்களை பொய்ப்பித்து இன்னும் (அவற்றைப் புறக்கணித்து) பெருமை அடித்தார்களோ, நிச்சயமாக அவர்களுக்கு வானத்தின் (அருள்) வாயில்கள் திறக்கப்பட மாட்டா. மேலும் ஊசியின் துவாரத்தில் ஒட்டகம் நுழையும் வரையில், அவர்கள் சுவனபதியில் நுழையமாட்டார்கள் - இவ்வாறே குற்றம் செய்பவர்களுக்குக் கூலிகொடுப்போம்.

இறைவழிகாட்டுதல்கள் சரியில்லை என கர்வத்துடன் செயல்பட்டுக் கொண்டு, மற்ற சமூகத்தவர்களின் கலாச்சாரத்தைக் கண்மூடித்தனமாக ஏற்று நடக்கும் சமுதாயத்திற்கு வானுலக அருட்கொடைகள் ஒருபோதும் கிடைக்காது. (பார்க்க 5:66&7:96)

அதாவது இறைவேத அறிவுரைகளைப் பின்பற்றுவதால் கிடைக்கும் வானுலக நன்மைகள் இவர்களுக்கு ஒருபோதும் கிடைக்காது.

உதாரணமாக ஊசியின் துவாரத்தில் ஒட்டகம் நுழைய முடியுமா? அப்படித் தான் இவர்கள் தம் சொந்த வழிமுறைகளைப் பின்பற்றி, சுவன வாழ்வை ஈட்டிக்கொள்ளவே முடியாது.

இதுவே இறைவழிகாட்டுதலைப் புறக்கணித்து, தவறான வழியில் செல்பவர்களுக்குக் கிடைக்கும் தண்டனையாகும்.

சிந்தனையாளர்களே! இதுதான் உலக மக்களுக்கு இந்தக் குர்ஆன் விடும் (Challenge) அறைகூவலாகும். உலகில் சாந்தியும் சமாதானமும் நிலைக்க வேண்டும் என்றால், இந்தக் குர்ஆனின் அறிவுரைகளுக்கு உட்பட்டு வந்தே ஆக வேண்டும். இதைவிட்டு வேறு எந்த வழிமுறையைக் கடைப்பிடித்தாலும், இறுதியில் தோல்வியையே காண்பீர்கள் ( பார்க்க 3:85)

13இரவு பகலின் உதாரணம்

وَجَعَلۡنَا ٱلَّيۡلَ وَٱلنَّهَارَ ءَايَتَيۡنِۖ فَمَحَوۡنَآ ءَايَةَ ٱلَّيۡلِ وَجَعَلۡنَآ ءَايَةَ ٱلنَّهَارِ مُبۡصِرَةٗ لِّتَبۡتَغُواْ فَضۡلٗا مِّن رَّبِّكُمۡ وَلِتَعۡلَمُواْ عَدَدَ ٱلسِّنِينَ وَٱلۡحِسَابَۚ وَكُلَّ شَيۡءٖ فَصَّلۡنَٰهُ تَفۡصِيلٗا١٢

17:12. இரவையும், பகலையும் நாம் இரண்டு அத்தாட்சிகளாக ஆக்கினோம், பின்னர் இரவின் அத்தாட்சி மங்கி (இருளாகி)டச் செய்தோம், உங்கள் இறைவனுடைய அருட்கொடையை நீங்கள் தேடிக் கொள்வதற்காகவும் - ஆண்டுகளின் எண்ணிக்கைகளையும் கணக்குகளையும் நீங்கள் அறிந்து கொள்வதற்காகவும், பகலின் அத்தாட்சியைப் பிரகாசமாக்கினோம் - மேலும் நாம் ஒவ்வொரு விஷயத்தையும் தெளிவாக விவரித்திருக்கிறோம்.

இறைவனின் நியதிப்படி நிகழ்ந்து வரும் இரவையும் பகலையும் கவனித்துப் பாருங்கள்.

மேலோட்டமாக பார்க்கும்போது, இவை இரண்டும் ஒன்றுக்கொன்று எதிராகத் தோன்றலாம்.

ஆனால் பகலை மங்கச் செய்து இருளாக்கி வைப்பதும், அதை போக்கிவிட்டு பகல் வெளிச்சத்தை ஏற்படுத்துவதும், உங்கள் வாழ்வாதாரங்களைத் தேடிக்கொள்ளவும், மாதம் மற்றும் ஆண்டுகளின் எண்ணிக்கையை அறிந்து கொள்வதற்காகவுமே ஆகும்.

மேலும் நாம் ஒவ்வொரு விஷயத்தையும் தெளிவாக விவரித்து இருக்கிறோம் என்பதை நீங்கள் கவனியுங்கள்.

பகலின் ஒளியை இரவு போக்கிவிடுவது போல, நன்மையான செயல்களின் பலன்களை தீய செயல்கள் போக்கிவிடும். அவ்வாறு நற்செயலை செய்யவில்லை எனில் உங்களை அழிவில் கொண்டுபோய்ச் சேர்க்கும். மாறாக எவ்வாறு மனிதன் தன் விஞ்ஞான அறிவைப் பயன்படுத்தி, இரவையும் மின் விளக்குகளால் ஜொலிக்கச் செய்துள்ளானோ, அவ்வாறே இறைவழிகாட்டுதல் என்ற ஞானஒளியின் துணையைக் கொண்டு, சமுதாயத்தில் இருள் சூழும் நிலை ஏற்படாதவாறு மனித வாழ்வை ஒளிமயமானதாக ஆக்கிக்கொள்ள முடியும்.

أَلَمۡ يَرَوۡاْ أَنَّا جَعَلۡنَا ٱلَّيۡلَ لِيَسۡكُنُواْ فِيهِ وَٱلنَّهَارَ مُبۡصِرًاۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ٨٦

27:86. நிச்சயமாக நாமே இரவை அதில் அவர்கள் ஓய்ந்திருப்பதற்காகவும், பகலை (அவர்களுக்கு) வெளிச்சமாகவும் ஆக்கினோம் என்பதை அவர்கள் பார்க்கவில்லையா? நம்பிக்கை கொண்ட மக்களுக்கு நிச்சயமாக இதில் அத்தாட்சிகள் இருக்கின்றன.

இரவு பகல் என மாறிமாறி வருதையும் அவர்கள் கவனித்துப் பார்ப்பதே இல்லை.

ஒய்வு பெறுவதற்காக இரவும், உழைத்து வாழ்வாதாரங்களைத் தேடிக் கொள்வதற்காக பகலும் படைக்கப்பட்டுள்ளன. (பார்க்க 78:10-11) இறைவழிகாட்டுதலை ஏற்று செயல்படுபவர்களுக்கு இதில் நிச்சயமயாக அத்ததாட்சிகள் உள்ளன.

அதவாது அறிவாற்றலோடு உழைத்து வாழும் சமுதாயங்களின் வாழ்க்கைத் தரம் மிகவும் பிரகாசமாகவும், உழைக்காமல் வாழும் சமுதயாங்களின் வாழ்வில் இருள் சூழ்ந்த நிலையும் ஏற்பட்டு வரும். இவை யாவும் திடீர் திருப்பங்கள் என்ற அடிப்படையில் ஏற்படுகின்ற ஒன்றல்ல. அதுவும் நிர்ணயிக்கப்பட்ட கால அளவுபடி படிப்படியாக ஏற்பட்டு வரும். அந்தக் கால அளவு ஐம்பது, நூறு வருடங்கள் எனவும் ஆகலாம். எனவே ஒரு சமுதாயம் ஆற்றலின்றி உழைக்காமல் சில காலம்தான் இன்புற்று வாழ முடியும். ஆனால் இறுதியில் அதற்கு இருள் சூழ்ந்த நிலைதான் ஏற்படும். இதையே ஜீவனுள்ள சமுதாயம் என்றும் மரணமடைந்த சமுதாயம் என்றும் சொல்லப்படும். இப்படியாக உழைக்காமல் பிறர் உழைப்பில் சொகுசாக வாழ்பவர்களுக்கு எதிராகத்தான் கலகம், கலவரம், மோதல் என்று இவ்வுலகில் ஏற்பட்டு வரும்.

14தேனீயின் உதாரணம்

وَأَوۡحَىٰ رَبُّكَ إِلَى ٱلنَّحۡلِ أَنِ ٱتَّخِذِي مِنَ ٱلۡجِبَالِ بُيُوتٗا وَمِنَ ٱلشَّجَرِ وَمِمَّا يَعۡرِشُونَ٦٨

16:68. உம் இறைவன் தேனீக்கு அதன் உள்ளுணர்வை அளித்தான். “நீ மலைகளிலும், மரங்களிலும், உயர்ந்த கட்டடங்களிலும் கூடுகளை அமைத்துக் கொள்" (என்றும்),

ثُمَّ كُلِي مِن كُلِّ ٱلثَّمَرَٰتِ فَٱسۡلُكِي سُبُلَ رَبِّكِ ذُلُلٗاۚ يَخۡرُجُ مِنۢ بُطُونِهَا شَرَابٞ مُّخۡتَلِفٌ أَلۡوَٰنُهُۥ فِيهِ شِفَآءٞ لِّلنَّاسِۚ إِنَّ فِي ذَٰلِكَ لَأٓيَةٗ لِّقَوۡمٖ يَتَفَكَّرُونَ٦٩

16:69. “பின், நீ எல்லா விதமான கனிகளிலிருந்தும் உணவருந்தி உன் இறைவன் (காட்டித் தரும்) எளிதான வழிகளில் (உன் கூட்டுக்குள்) ஒடுங்கிச் செல்" (என்றும் உள்ளுணர்ச்சி உண்டாக்கினான்). அதன் வயிற்றிலிருந்து பலவித நிறங்களையுடைய ஒரு பானம் (தேன்) வெளியாகிறது, அதில் மனிதர்களுக்கு (பிணி தீர்க்க வல்ல) சிகிச்சை உண்டு, நிச்சயமாக இதிலும் சிந்தித்துணரும் மக்களுக்கு ஓர் அத்தாட்சி இருக்கிறது.

இறைவனின் படைப்புகளில் மனிதனைத் தவிர்த்து, மற்ற உயிரினங்களைப் பற்றி கவனித்துப் பாருங்கள்.

உதாரணத்திற்கு தேனீயை எடுத்துக்கொள்ளுங்கள். இறைவனின் நியதிப்படி, அதனுள் உள்ளூர உணர்வுகள் அளிக்கப்பட்டுள்ளன.

அதனால் அவை மலைகளிலும், மரங்களிலும், உயர்ந்த கட்டிடங்களிலும் தேன் கூடுகளை அமைத்து தேனை சேகரிக்கின்றன.

அதன்பின் இறைவன் நிர்ணயித்த விதிமுறைப்;படி, எல்லா வகையான கனி வகைகளிலும் பூக்களிலும் உள்ள தேனை உறுஞ்சி எளிதாக அந்த தேன்கூட்டிற்குள் சேகரித்து விடுகின்றன.

இவ்வாறு உறிஞ்சிய தேன், அதன் வயிற்றுக்குள் சென்று பல நிறங்களாக மாறிவிடுகின்றன. எனவேதான் தேனும் பல நிறங்களை உடையவையாக உள்ளது.

இந்தத் தேன் மக்களின் பல்வேறு நோய்களின் சிகிச்சைக்காகப் பயன்படுகின்றன. நிச்சயமாக சிந்தித்துணரும் மக்களுக்கு அத்தாட்சிகள் பல கிடைக்கும்.

இந்த வாசகத்தில் தேனீக்கு வஹீ அனுப்பியதாக வருகிறது. அதாவது மனிதனை தவிர்த்து, மற்ற எல்லா படைப்புகளும் தம் இயல்பின் அடிப்படையில் செயல்படும்படி அதனுள் ‘வஹீ’ என்னும் இறைவழிகாட்டுதல்கள் அமைக்கபட்டுள்ளன. அவை எல்லாம் அதன்படியே வாழ்ந்து வருகின்றன. அதாவது அவை எங்கு வாழவேண்டும்? அதன் ஆகாரம் எங்கு கிடைக்கும்? தம் இனப்பெருக்கத்தை எவ்வாறு செய்துக்கொள்ள வேண்டும்? தமக்கு யாரால் ஆபத்துகள் வரும்? அதிலிருந்து பாதுகாப்பாக இருப்பது எப்படி? இதுபோன்ற விஷயங்களை அந்த படைப்பினங்களுக்கு யாரும் கற்றுத் தருவதில்லை.

ஆனால் மனித விஷயத்தில் அவ்வாறு இருப்பதில்லை. மனிதன் குழந்தைப் பருவத்தில் இருக்கும் போது, நல்லது எது கெட்டது எது என்ற பாகுபாடு தெரிவதில்லை. அவனுடைய சுற்றுப்புற சூழல் எவ்வாறு செயல்படுகிறதோ, அதன்படியே அவனும் வளர்ந்து வருவான். அவனுடைய சிந்தனையும் அவ்வாறே வளரும். அவனைச் சுற்றியுள்ளவர்கள் பேசும் மொழியையே இவனும் பேசுவான். அவனைச் சுற்றியுள்ளவர்களின் கலாச்சாரத்தையே இவனும் பின்பற்றுவான்.

சுருங்கச் சொன்னால் மனிதனைத் தவிர்த்து, மற்ற படைப்பினங்கள் யாவும் இறைவனின் நேரடி கட்டுப்பாட்டில் வாழ்கின்றன. எனவே அவையாவும் ஏதாவது ஒரு வகையில் உலக மக்களுக்கு பலனளிக்கக் கூடியவையாக உள்ளன. மனிதனும் இறைவனின் அறிவுரைகளை ஏற்று, அதன்படி வாழ்ந்தால், அவனும் உலக மக்களுக்கு பலனளிக்கும் வகையில் செயல்படுவான். அவன் மனிதனாய் பிறந்ததற்கு ஒரு அர்த்தமும் இருக்கும்.

தேனீக்கள் எவ்வாறு தாம் உழைத்துப் பெற்ற தேனை, தேன்கூட்டில் சேர்த்து விடுகிறதோ, அதேபோல மனிதனும் தாம் உழைத்துப் பெற்ற செல்வங்களில் தம் தேவைக்குப் போக மிகுதியை பொது நிதியில் சேர்த்து அனைத்து தரப்பு மக்களின் நலனுக்காக பயன்படுத்தினால், ஏற்றத்தாழ்வு இல்லாத, சமச்சீர்நிலைக் கொண்ட சமுதாயம் உருவாகும். சமுதாய மக்களின் துயர் துடைப்புக்கு அவை பயன்படும்.

மேலும் தேன்கூட்டை தக்க நேரத்தில் எடுத்து பதப்படுத்தி விநியோகித்தால் தான் அவை மக்களுக்கு பலனளிக்கும். இல்லையென்றால் அந்தத் தேனை தேனீக்களே குடித்து பறந்துவிடும். அதுபோல செல்வங்களைக் குவித்து வைத்துக் கொண்டால், அவை நாட்டு மக்களின் வளர்ச்சிக்காகப் பயன்படாது, மேலும் அத்தகைய செல்வங்களே அவனை தவறான வழியில் செல்லும்படி செய்து அழிவைத் தேடி தந்து விடும்.

15சிலந்திப் பூச்சியின் உதாரணம்

مَثَلُ ٱلَّذِينَ ٱتَّخَذُواْ مِن دُونِ ٱللَّهِ أَوۡلِيَآءَ كَمَثَلِ ٱلۡعَنكَبُوتِ ٱتَّخَذَتۡ بَيۡتٗاۖ وَإِنَّ أَوۡهَنَ ٱلۡبُيُوتِ لَبَيۡتُ ٱلۡعَنكَبُوتِۚ لَوۡ كَانُواْ يَعۡلَمُونَ٤١

29:41. அல்லாஹ் அல்லாதவற்றை (த் தங்களுக்குப்) பாதுகாவலர்களாக எடுத்துக் கொள்பவர்களுக்கு உதாரணம், சிலந்திப் பூச்சியின்உதாரணம் போன்றது, அது (தனக்காக) ஒரு வீட்டைக் கட்டியது, ஆனால் நிச்சயமாக வீடுகளிலெல்லாம் மிகவும் பலஹீனமானது சிலந்திப்பூச்சியின் வீடேயாகும் - இதை அவர்கள் அறிந்து கொண்டிருப்பார்களாயின் (தாங்கள் இணையாக எடுத்துக் கொண்டவற்றின்பலஹீனத்தை அறிவார்கள்).

அல்லாஹ் அல்லாதவற்றை தங்களுடைய பாதுகவலராக எடுத்துக் கொள்பவருக்கு உதாரணம், சிலந்திப் பூச்சி கட்டும் வீட்டைப் போன்றதாகும். தனக்காகக் கட்டிக்கொள்ளும் அதன் வீடு மிகவும் பலவீனமானதாக இருக்கும். இதை அவர்கள் அறிந்து கொள்வாராயின், அவர்கள் இணையாக எடுத்துக் கொண்டது மிகவும் பலவீனமானது என்பதை அறிவார்கள்.

அதாவது அனைத்துத் தரப்பு மக்களின் பாதுகாப்பைக் கருதி தலைசிறந்த, வலுவான நாட்டை உருவாக்கவே அல்லாஹ்வின் வழிகாட்டுதல் நாடுகிறது. இதைப் புரிந்துக் கொள்ளாமல், அவர்கள் வேறு வழிமுறைகளைக் கடைப்பிடிக்கிறார்கள். இதனால் அவர்கள் பலவீனமுள்ளவர்களை நசுக்கி தன் ஆட்சி அதிகாரத்தை தக்க வைத்துக் கொள்வதே சிறப்பு என நினைக்கிறார்கள்.

சிலந்திப்பூச்சி எவ்வாறு வலையைக் கட்டி தன்னைவிட பலவீனமுள்ள பூச்சிகளை அதில் சிக்கவைத்து தன் உணவாகப் பயன்படுத்திக் கொள்கிறதோ, அதுபோலத் தான் இவர்களும். ஆனால் தன்னைவிட பலம் வாய்ந்த பிராணி தாக்கினால், அதை எதிர்க்கும் சக்தி இல்லாமல் அது ஓடிவிடும். அது கட்டிய வீடும் பலனளிக்காது. அது போல் ஏழை எளிய மக்களை பலவீனமாக்கி, தன் அதிகாரத்தை அரசு தக்க வைத்துக்கொண்டால், அதைவிட பலம் வாய்ந்த நாடு தாக்கும் போது, அதை எதிர்கொள்ள முடியாமல் வீழ்ச்சி அடைந்துவிடும். அல்லாஹ்வின் வழிகாட்டுதலைப் புறக்கணித்துவிட்டு சுயமாக சட்டங்களை உருவாக்கி நடத்தும் ஆட்சிமுறை யாவும் சிலந்திப் பூச்சியின் வலைக்கு ஒப்பான பலம் இல்லாததாக இருகும்.

மேலும் தர்கா போன்ற வழிபாட்டு தலங்களிலும் ஜோசியம் மற்றும் போதைப் பொருள் விநியோகம் போன்றவற்றிலும் நலிந்த மக்களை தம் வலையில் சிக்க வைத்து அவர்களிடமிருந்து பணம் காசு பிடுங்குவதிலேயே கண்ணும் கருத்துமாக இருப்பார்கள். ஏழை எளிய மக்களுக்கு உதவி செய்யும் எண்ணமே இருக்காது.

إِنَّ ٱللَّهَ يَعۡلَمُ مَا يَدۡعُونَ مِن دُونِهِۦ مِن شَيۡءٖۚ وَهُوَ ٱلۡعَزِيزُ ٱلۡحَكِيمُ٤٢

29:42. நிச்சயமாக அல்லாஹ்வையன்றி அவர்கள் எதை (நாயனென) அழைக்கிறார்களோ, அதை அவன் அறிகிறான் - இன்னும் அவன் (யாவரையும்) மிகைத்தவன், ஞானம் மிக்கவன்.

விளக்கம்: அல்லாஹ்வின் வழிகாட்டுதலை விட்டுவிட்டு வேறு வழிமுறைகளைப் பின்பற்றி ஆட்சி செய்யும் சமுதாயத்தின் உண்மை நிலை என்னவென்பது அல்லாஹ்வுக்குத் தெரியும். ஆனால் அல்லாஹ்வின் வழிகாட்டுதலின் அடிப்படையில் உருவாகும் ஆட்சிமுறைதான் எல்லாவற்றையும் விட தலைசிறந்த ஆட்சியாகவும் ஞானத்தின் அடிப்படையிலும் இருக்கும். (பார்க்க 9:33)

16மழை நீரின் உதாரணம்

وَهُوَ ٱلَّذِي يُرۡسِلُ ٱلرِّيَٰحَ بُشۡرَۢا بَيۡنَ يَدَيۡ رَحۡمَتِهِۦۖ حَتَّىٰٓ إِذَآ أَقَلَّتۡ سَحَابٗا ثِقَالٗا سُقۡنَٰهُ لِبَلَدٖ مَّيِّتٖ فَأَنزَلۡنَا بِهِ ٱلۡمَآءَ فَأَخۡرَجۡنَا بِهِۦ مِن كُلِّ ٱلثَّمَرَٰتِۚ كَذَٰلِكَ نُخۡرِجُ ٱلۡمَوۡتَىٰ لَعَلَّكُمۡ تَذَكَّرُونَ ٥٧

7:58. (ஒரே விதமான மழையைக் கொண்டே) வளமான பூமி தன் இறைவன் கட்டளையைக் கொண்டு (செழுமையாகப்) பயிர் (பச்சை)களை வெளிப்படுத்துகிறது, ஆனால் கெட்ட களர் நிலம் சொற்பமான விளைச்சலையே வெளிப்படுத்துகிறது, நன்றி செலுத்தும் மக்களுக்கு இவ்வாறே நாம் வசனங்களை விவரிக்கின்றோம்.

இறைவனின் நியதிப்படி, மழை நீரைக் கொண்டு வளமான பூமி பயிர்களைச் செழிப்பாக வளரச் செய்து, நல்ல விளைச்சலைத் தருகிறது.

ஆனால் மழை நீரைத் தக்க வைத்துக் கொள்ளும் சக்தி பெறாத நிலத்தில் விளைச்சல்கள் மிக சொற்பமாகவே இருக்கும்.

நன்றி விசுவாசத்துடன் செயலாற்ற முன்வரும் சமுதாயங்களுக்கு இவ்வாறே இறைவழிகாட்டுதல் ஆதாரப்பூர்வமாக தெளிவாக்கப் படுகிறது.

அது போல இறைவழிகாட்டுதலை ஏற்றுக்கொள்ளும் மனப்பக்குவம் உள்ள சமுதாயம், அவற்றை ஏற்று அதன்படி ஆக்கப்பூர்மான நற்செயல்களைச் செய்து, வளம் மிக்க நாடாக உருவாக்கும்.

அத்தகைய ஆற்றல் இல்லாத சமுதாயம் குறைவான பலன்களையே பெறும்.

இதே அடிப்படையில் தான் ஆதி காலம் முதல் இன்று வரையில் உலகிலுள்ள பல தரப்பட்ட சமுதாயங்களின் வளர்ச்சியும், வீழ்ச்சியும் ஏற்பட்டு வந்தன.

فَٱنظُرۡ إِلَىٰٓ ءَاثَٰرِ رَحۡمَتِ ٱللَّهِ كَيۡفَ يُحۡيِ ٱلۡأَرۡضَ بَعۡدَ مَوۡتِهَآۚ إِنَّ ذَٰلِكَ لَمُحۡيِ ٱلۡمَوۡتَىٰۖ وَهُوَ عَلَىٰ كُلِّ شَيۡءٖ قَدِيرٞ ٥٠

30:50. (நபியே!) அல்லாஹ்வுடைய ரஹ்மத்தின் (இத்தகைய) அத்தாட்சிகளைச் சிந்தித்துப் பார்ப்பீராக! (வரண்டு) மரித்த பிறகு பூமியை அவன் எவ்வாறு உயிர்ப்பிக்கிறான்? (இவ்வாறே) மரித்தவர்களையும் அவன் நிச்சயமாக உயிர்ப்பிப்பவனாக இருக்கிறான், மேலும் அவன் எல்லாப் பொருட்கள் மீதும் பேராற்றலுடையவன்.

وَلَئِنۡ أَرۡسَلۡنَا رِيحٗا فَرَأَوۡهُ مُصۡفَرّٗا لَّظَلُّواْ مِنۢ بَعۡدِهِۦ يَكۡفُرُونَ ٥١

30:51. ஆனால் (வரண்ட) ஒரு காற்றை நாம் அனுப்பி அத(ன் காரணத்தி)னால் (பயிர்கள் உலர்ந்து) மஞ்சள் நிறமாவதை அவர்கள் பார்த்தால், அதன்பின், (முன்னர் நன்மழை அனுப்பியதற்கு நன்றி மறந்து) நிராகரிப்போராகவே இருந்து விடுகின்றனர்.

فَإِنَّكَ لَا تُسۡمِعُ ٱلۡمَوۡتَىٰ وَلَا تُسۡمِعُ ٱلصُّمَّ ٱلدُّعَآءَ إِذَا وَلَّوۡاْ مُدۡبِرِينَ٥٢

30:52. ஆகவே, (நபியே!) மரித்தவர்களையும் நிச்சயமாக நீர் கேட்கச் செய்யமுடியாது, (உம்முடைய அழைப்பைப்) புறக்கணித்துத் திரும்பிவிடும் செவிடர்களையும் (உம்முடைய) அழைப்பை நிச்சயமாக நீர் கேட்கச்செய்ய முடியாது.

அல்லாஹ் செய்துள்ள மழையின் மாபெரும் ஏற்பாட்டை நீங்களே சற்று சிந்தித்துப் பாருங்கள்.

உயிரற்ற நிலையில் இருக்கின்ற பூமி, மழை நீரைக் கொண்டு எவ்வாறு செழிப்பாகிறது என்பதை கவனியுங்கள்.

இவ்வாறே அல்லாஹ் இறந்தவர்களை உயிர்ப்பிக்கிறான். நிச்சயமாக ஒவ்வொரு படைப்பிலும் அல்லாஹ்வின் அளவற்ற வல்லமை பிரதிபலிப்பதைக் கவனியுங்கள்.

அதாவது காற்றை உருவாக்கி அதிலிருந்து மழையை பொழிய வைப்பது தான் அல்லாஹ்வின் நடைமுறைச் சட்டம். அந்த மழைநீரைப் பயன்படுத்தி அதிலிருந்து வாழ்வாதாரங்களை ஏற்படுத்திக் கொள்வது மனிதனின் கடமையாகும்.

அதைப் பயன்படுத்திக் கொள்ளாவிட்டால், அதனால் ஏற்படும் நஷ்டம் மனிதனுக்குத் தானே அன்றி மழையைப் பொழிய வைத்த அல்லாஹ்வுக்கு அல்ல.

அது போல இறைவழிகாட்டுதலை நபிமார்கள் மூலம் அருள்வது தான் அல்லாஹ்வின் புறத்திலிருந்து செய்யப்பட்ட ஏற்பாடாகும்.

அவற்றை ஏற்று செயல்படுவதும் செயல்படாததும் மனித விருப்பத்திற்கு விடப்பட்ட விஷயமாகும். (பார்க்க 18:29) அதை ஏற்று செயல்பட்டால் நடை பிணமாக வாழும் இச்சமுதாயம், புத்துயிர் பெற்று சிறப்பாக வாழ வழிகள் கிடைக்கும்.

ஆக நீங்கள் எவ்வாறு செயல்படுகிறீர்களோ, அவ்வாறே விளைவுகள் ஏற்படும். உலகமும் உருவாகும்.

இது அல்லாஹ்வின் பேராற்றலாகும்.

அல்லாஹ் ஏற்படுத்தியுள்ள அதே காற்று பயிர்களை பழுக்க வைத்து பொன் நிறமாக மாற்றிவிடுகிறது. அப்போது நீங்கள் அதை அறுவடை செய்து எடுத்துச் சென்றுவிடுகிறீர்கள்.

அதன்பின் அந்த மகசூல் யாவும் தனக்கு மட்டுமே சொந்தம் என நினைத்து அல்லாஹ்வின் அறிவுரைக்கு எதிராகச் செயல்படுகிறீர்கள்.

அல்லாஹ்வின் ஏற்பாடுகள் எல்லாம் இல்லாதிருந்தால் உங்களால் விவசாயம் செய்து தானியங்களைப் பெற்றிருக்க முடியுமா? (56:63-73)

எனவே அல்லாஹ்வின் அறிவுரைப் படி சமுதாய மக்கள் அனைவருக்கும் அந்த விளைச்சல்கள் போய் சேரும்படி ஆவன செய்ய வேண்டும். இதுவே அல்லாஹ்வுக்கு நீங்கள் செலுத்தும் நன்றிக் கடனாகும்.

இந்த அறிவுரைகளை எல்லாம் சிந்தித்து ஏற்காதவர்கள்தாம் நடைபிணமாக வாழ்பவர்கள் ஆவர்.

இத்தகைய ஜடங்களுக்கு நீங்கள் மார்க்க உண்மைகளை கேட்கும்படி செய்ய முடியாது. நன்மையின் பக்கம் நீங்கள் விடும் அழைப்பைக் கேட்காத செவிடர்கள் இவர்கள். இத்தகையவர்களையும் நீங்கள் கேட்கச் செய்ய முடியாது.

17குர்ஆனை மலைமீது இறக்கி வைத்தால்?

لَا يَسْتَوِىٓ أَصْحَٰبُ ٱلنَّارِ وَأَصْحَٰبُ ٱلْجَنَّةِ ۚ أَصْحَٰبُ ٱلْجَنَّةِ هُمُ ٱلْفَآئِزُونَ.

59:20. நரகவாசிகளும், சுவர்க்கவாசிகளும் சமமாக மாட்டார்கள், சுவர்க்கவாசிகளே பெரும் பாக்கியம் உடையோர்.

لَوْ أَنزَلْنَا هَٰذَا ٱلْقُرْءَانَ عَلَىٰ جَبَلٍۢ لَّرَأَيْتَهُۥ خَٰشِعًۭا مُّتَصَدِّعًۭا مِّنْ خَشْيَةِ ٱللَّهِ ۚ وَتِلْكَ ٱلْأَمْثَٰلُ نَضْرِبُهَا لِلنَّاسِ لَعَلَّهُمْ يَتَفَكَّرُونَ.

59:21. (நபியே!) நாம் ஒரு மலையின் மீது இந்த குர்ஆனை இறக்கி இருந்தோமானால், அல்லாஹ்வின் பயத்தால், அது நடுங்கிப் பிளந்து போவதாகக் கண்டிருப்பீர், மேலும், மனிதர்கள் சிந்திக்கும் பொருட்டு இத்தகைய உதாரணங்கள் மூலம் நாம் அவர்களுக்கு விளக்குகிறோம்.

இறைவழிகாட்டுதலுக்கு எதிராகச் செயல்பட்டு தாளா வேதனைகளை அனுபவிக்கும் நரகவாசிகளும், இறைவழிகாட்டுதலுக்கு உட்பட்டு வாழ்ந்து வாழ்வில் எல்லா சுகங்களையும் அனுபவிக்கும் சுவனவாசிகளும் சமமாவார்களா? சுவனவாசிகள் தானே பாக்கிய மிக்கவர்கள்.

இத்தகைய சுவனத்திற்கு யார் வாரிசுதாரர்களாக ஆக முடியும் என்று தெரியுமா?

அவர்களின் உள்ளங்களில் இறைவழிகாட்டுதல்கள் எந்த அளவுக்கு வேரூன்றி இருக்கும் என்றால், அதற்கு எதிராகச் செயல்படும்படி அவர்ளுக்குக் கூறப்பட்டால், மலையே வெடித்து சிதறி அவர்கள் மேல் விழுவது போல் பயப்படுவார்கள்.

மக்கள் இதைப் பற்றி சிந்தித்து செயலாற்றுவதற்காகவே இத்தகைய உதாரணங்களைத் தருகிறோம்.

அன்பர்களே! இந்த வாசகத்தில் மலையின் மீது நாம் இந்தக் குர்ஆனை இறக்கி வைத்தால், அல்லாஹ்வின் பயத்தால் அது நடுங்கிப் பிளந்துவிடுவதை நீர் காண்பீர் என்று வருகிறது. இது ஒரு பழமொழியாகும். நாமும் வேலியே பயிரை மேய்கிறது என்கிறோம். ஒருபோதும் வேலி பயிரை மேயாது. வேலியைப் போல் பாதுகாக்க வேண்டியவனே அதை பாழ்படுத்தினால் அதைப் பார்த்து இப்படி சொல்கிறோம். அதுபோல குர்ஆனை மலை மேல் வைத்தால் அது ஒருபோதும் வெடிக்காது. எனவே குர்ஆனைப் பின்பற்றுபவர்களை நாம் உவமையாக வைத்து பொருள் தந்துள்ளோம்.

18பாழ்நிலத்தின் உதாரணம்

إِنَّا جَعَلۡنَا مَا عَلَى ٱلۡأَرۡضِ زِينَةٗ لَّهَا لِنَبۡلُوَهُمۡ أَيُّهُمۡ أَحۡسَنُ عَمَلٗا ٧

18:7. (மனிதர்களில்) அழகிய செயலுடையவர்கள் யார் என்று அவர்களைச் சோதிப்பதற்காக, நிச்சயமாக பூமியிலுள்ளவற்றை அதற்கு அலங்காரமாக நாம் ஆக்கினோம்.

وَإِنَّا لَجَٰعِلُونَ مَا عَلَيۡهَا صَعِيدٗا جُرُزًا٨

18:8. இன்னும், நிச்சயமாக நாம்அதன் மீது உள்ளவற்றை (ஒரு நாள் அழித்துப்) புற்பூண்டில்லாப் பாலைநிலமாக்கி விடுவோம்.

இவ்வுலகிலுள்ள அனைத்து படைப்புகளும் அழகாக இருப்பதால் மக்களுக்கு அதில் ஈர்ப்பு ஏற்படுவது இயல்பானதே. (பார்க்க 3:14)

ஆனால் இந்த பாக்கியங்களைப் பெற்றவர்களில் யார் அழகிய முறையில் செயல்பட்டு சிறப்பாக வாழ்கிறார்கள் என்பதையும்,

யார் அவற்றைத் தவறாகப் பயன்படுத்தி அழிவைச் சந்தித்துக் கொள்கிறார்கள் என்பதையும் பார்த்துக் கொள்வதே இறைவன் அவற்றைப் படைத்ததன் நோக்கமாகும்.

இதை ஒரு உதாரணத்தைக் கொண்டு விளங்கிக் கொள்ளலாம். ஒரு காணி நிலத்தை எடுத்து கொள்ளுங்கள்.

அதை நன்றாகப் பதப்படுத்தி, சீர் செய்து, உழுது, நீர் பாய்ச்சி, பயிரிட்டு வந்தால் அது பசுமையாகவும் பலனளிக்கக் கூடியதாகவும் இருக்கும்.

அதை அப்படியே விட்டுவிட்டால் அது காலப் போக்கில் பலனற்றுப் போயிவிடும். அந்நிலத்தின் மேல்பரப்பில் மாசு படிந்து புற்பூண்டும் விளையாத பாழ்நிலமாக மாறிவிடும். இதுதான் இறைவனின் நியதியாகும் அல்லவா?

அது போலவே மக்களும் இறைவழிகாட்டுதலை ஏற்று, சிறப்பாக ஆக்கப்பூர்வமான செயல்திட்டங்களைத் தீட்டி, அதற்காகத் தம் செல்வங்களைப் பயன்படுத்தி உழைத்து வந்தால், அந்தச் சமுதாயமும் சிறப்பாக வாழும். உலக மக்களுக்கும் பலன்கள் கிடைத்து வரும்.

மாறாக இறைவழிகாட்டுதலை விட்டுவிட்டு மக்களிடம் சுயநலம் வளர விட்டால், அந்த சமுதாயத்தில் காலப் போக்கில் ஏற்றத்தாழ்வு ஏற்பட்டு, உழைப்பில் தொய்வு ஏற்பட்டு, கற்பனைக் கதைகளும் ஜப பீடங்களுகமே உருவாகி வரும்.

காலப்போக்கில் அது அழிந்து போன சமுதாயமாகத் திகழும்.

وَٱضۡرِبۡ لَهُم مَّثَلَ ٱلۡحَيَوٰةِ ٱلدُّنۡيَا كَمَآءٍ أَنزَلۡنَٰهُ مِنَ ٱلسَّمَآءِ فَٱخۡتَلَطَ بِهِۦ نَبَاتُ ٱلۡأَرۡضِ فَأَصۡبَحَ هَشِيمٗا تَذۡرُوهُ ٱلرِّيَٰحُۗ وَكَانَ ٱللَّهُ عَلَىٰ كُلِّ شَيۡءٖ مُّقۡتَدِرًا٤٥

18:45. மேலும், இவ்வுலக வாழ்க்கைக்கு ஓர் உதாரணம், அவர்களுக்கு (நபியே!) நீர் கூறுவீராக! “அது நாம் வானத்திலிருந்து இறக்கி வைத்த நீரைப் போலிருக்கிறது; பூமியிலுள்ள தாவரங்கள் அதனுடன் கலந்(து செழித்)தன; ஆனால் அவை காய்ந்து, பதராகி அவற்றைக் காற்று அடித்துக் கொண்டு போய் விடுகிறது - மேலும், எல்லாப் பொருளின் மீதும் அல்லாஹ் ஆற்றலுடையவனாக இருக்கின்றான்.

ٱلۡمَالُ وَٱلۡبَنُونَ زِينَةُ ٱلۡحَيَوٰةِ ٱلدُّنۡيَاۖ وَٱلۡبَٰقِيَٰتُ ٱلصَّٰلِحَٰتُ خَيۡرٌ عِندَ رَبِّكَ ثَوَابٗا وَخَيۡرٌ أَمَلٗا٤٦

18:46. செல்வமும், பிள்ளைகளும் இவ்வுலக வாழ்க்கையின் அலங்காரங்களேயாகும், என்றும் நிலைத்து நிற்கக்கூடிய நற்கருமங்களே உம்முடைய இறைவனிடத்தில் நன்மைப் பலனுடையவையாகவும், (அவனிடத்தில்) நம்பிக்கையுடன் ஆதரவு வைக்கத்தக்க செயல்களாகவும் இருக்கின்றன.

சுயநலப் போக்குடனும் கர்வத்துடனுடம் தற்காலிக சுகங்களை மட்டும் நோக்கமாக வாழும் சமுதாயத்தின் நிலையை ஓர் உதாரணத்தைக் கொண்டு விளங்கிக் கொள்ளலாம்.

அதாவது இறைவனின் நியதிப்படி வானத்தலிருந்து மழை பொழிகிறது. அதனால் அப்பூமியிலிருக்கும் தாவரங்களும் செடி கொடிகளும் செழிப்பாகின்றன.

அதே தாவரங்களும் செடிக் கொடிகளும் காய்ந்து பதராகி அவற்றைக் காற்று அடித்துக் கொண்டு போய் விடுகிறது.

இப்படியாக எல்லா விஷயங்களிலும் அல்லாஹ்வின் பேராற்றலே மிகைத்து நிற்கிறது

அதாவது வானத்திலிருந்து பொழியும் மழையைக் கொண்டு எவ்வாறு பூமி செழிப்படைகிறதோ, அது போல வானத்திலிருந்து அருளப்படும் இறைவழிகாட்டுதலைக் கொண்டு ஒரு சமுதாயத்தை ஜீவனுள்ள சமுதாயமாக மாற்றிவிடலாம்.

மேலும் செழிப்படைந்த அந்நிலத்தை சரிவர பராமரிக்காமல் விட்டுவிட்டால் அது எவ்வாறு பாழடைந்து விடுகிறதோ, அது போல சமுதாய ஒழுக்க மாண்புகளை கட்டிக் காக்க வலியுறுத்தும் இறைவழிகாட்டுதலைப் பேணி காக்காமல் விட்டுவிட்டால், அந்த சமுதாயம் எவ்வளவு தான் பொருளாதார ரீதியாக வளர்ச்சிப் பெற்று செழித்திருந்தாலும் அது சீரழிந்து கொண்டே போய்விடும்;

எனவே வாழ்வாதார வசதிகளை ஏற்படுத்தும் செல்வங்களும் பிள்ளைகளும் தேவையற்ற ஒன்றா என்ற கேள்வி எழுகிறது. அவையாவும் இவ்வுலக வாழ்வை அலங்கரிக்கும் அரிய சாதனங்களே என்பதில் சந்தேகமில்லை.

அதன் மேல் மக்களுக்கு ஈர்ப்பு ஏற்படுவதும் இயல்பானதே. (பார்க்க 3:14-15) அவை எல்லாம் விலக்கப்படவும் வேண்டியதில்லை (பார்க்க 7:32)

ஆனால் அதை மட்டுமே நோக்கமாகக் கொண்டு வாழக்கூடாது என்பதே இறைவழிகாட்டுதலின் நிலைப்பாடாகும்.

உலக செல்வங்கள் யாவும் நிலைத்திருக்க வேண்டும் என்றால், இறைவழிகாட்டுதலின் அடிப்படையில் தூய சமுதாயத்தை உருவாக்கி, அதன் மேம்பாட்டிற்காக நலத்திட்டங்களை தீட்டி அதற்காக உதவி செய்வதும் உழைப்பதும் அவசியமான ஒன்றாகும்.

இதை நீங்கள் உளப்பூவர்மாக ஏற்று அதன்படி செயல்பட வேண்டும்.

ٱعۡلَمُوٓاْ أَنَّمَا ٱلۡحَيَوٰةُ ٱلدُّنۡيَا لَعِبٞ وَلَهۡوٞ وَزِينَةٞ وَتَفَاخُرُۢ بَيۡنَكُمۡ وَتَكَاثُرٞ فِي ٱلۡأَمۡوَٰلِ وَٱلۡأَوۡلَٰدِۖ كَمَثَلِ غَيۡثٍ أَعۡجَبَ ٱلۡكُفَّارَ نَبَاتُهُۥ ثُمَّ يَهِيجُ فَتَرَىٰهُ مُصۡفَرّٗا ثُمَّ يَكُونُ حُطَٰمٗاۖ وَفِي ٱلۡأٓخِرَةِ عَذَابٞ شَدِيدٞ وَمَغۡفِرَةٞ مِّنَ ٱللَّهِ وَرِضۡوَٰنٞۚ وَمَا ٱلۡحَيَوٰةُ ٱلدُّنۡيَآ إِلَّا مَتَٰعُ ٱلۡغُرُورِ ٢٠

57:20. அறிந்து கொள்ளுங்கள்: “நிச்சயமாக இவ்வுலக வாழ்க்கை விளையாட்டும், வேடிக்கையும், அலங்காரமுமேயாகும், மேலும் (அது) உங்களிடையே பெருமையடித்துக் கொள்வதும், பொருள்களையும், சந்ததிகளையும் பெருக்குவதுமே ஆகும், (இது) மழையின் உதாரணத்துக்கு ஒப்பாகும், (அதாவது) அது முளைப்பிக்கும் பயிர் விவசாயிகளை ஆனந்தப்படுத்துகிறது, ஆனால் சீக்கிரமே அது உலர்ந்து மஞ்சள்நிறம் ஆவதை நீர் காண்கின்றீர், பின்னர் அது கூளமாகி விடுகிறது, (உலக வாழ்வும் இத்தகையதே: எனவே உலக வாழ்வில் மயங்கியோருக்கு) மறுமையில் கடுமையான வேதனையுண்டு, (முஃமின்களுக்கு) அல்லாஹ்வின் பாதுகாப்பும், அவன் பொருத்தமும் உண்டு –ஆகவே, இவ்வுலக வாழ்க்கை ஏமாற்றும் சொற்ப சுகமே தவிர (வேறு) இல்லை.

இன்னும் இதையும் தெரிந்து கொள்ளுங்கள்.

இறை நிராகரிப்பவர்களுக்கு உலக வாழ்க்கை என்பது வெறும் வீண் விளையாட்டாகவே இருக்கும்.

அவர்களுடைய சமுதாயங்களில் கேளிக்கைகளும் வேடிக்கைகளும் மிகைத்திருக்கும்.

அவையே அவர்களுக்கு அழகாகத் தோன்றும். அவற்றைக் கொண்டு அவர்கள் பெருமிதப்பட்டுக் கொள்வார்கள்.

மேலும் தங்களுடைய பிள்ளைகளுக்காகச் செல்வங்களைக் குவிப்பதிலேயே ஒருவரையொருவர் மிஞ்சும் வகையில் போட்டியும் இருக்கும்.

இத்தகையவர்களுடைய வாழ்க்கை முறையை ஓர் உதாரணத்தைக் கொண்டு விளங்கிக் கொள்ளலாம்.

வானத்திலிருந்து மழை பொழிந்து, நிலம் பசுமையடைந்து செழிப்பாகிறது. அதைக் காணும் விவசாயி ஆனந்த பரவசமடைகிறான். ஆனால் அதன் பயிர்கள் விரைவிலேயே உலர்ந்து கூளமாகிவிடுகின்றன.

அந்தப் பயிர்கள் கூளமாவதற்கு முன் அவற்றைப் பாதுகாக்கும் திறமையோ அவனிடம் இருந்ததில்லை. எனவே அவனுடைய சந்தோஷங்கள் தற்காலிகமானதாகவே என ஆகிவிடுகிறது.

அதுபோலத் தான் வருங்கால நலத்திட்டங்களைப் பற்றி கவலைக் கொள்ளாமல், தற்காலிக சந்தோஷங்களை மட்டும் நோக்கமாகக் கொண்டு வாழ்பவர்களுக்கு வருங்கால சந்தோஷங்களில் எந்த பங்கும் கிடைப்பதில்லை.

அவர்களுடைய வாழ்வு வருங்காலத்தில் துயர்மிக்கதாய் ஆகிவிடுகிறது. எனவே அல்லாஹ்வின் வழிகாட்டுதல் நிகழ்காலம் மற்றும் வருங்காலத்தின் நிலையான சந்தோஷமான, பாதுகாப்பான வாழ்விற்கு வழிவகுக்கிறது.

ஆக வருங்கால நிலையான சந்தோஷங்களை வைத்துப் பார்க்கும்போது, நிகழ்கால சந்தோஷங்கள் அற்பமானவையே என்பதை அவர்கள் தெரிந்து கொள்ளட்டும்.

19உறுதியற்ற அஸ்திவாரம்

أَفَمَنۡ أَسَّسَ بُنۡيَٰنَهُۥ عَلَىٰ تَقۡوَىٰ مِنَ ٱللَّهِ وَرِضۡوَٰنٍ خَيۡرٌ أَم مَّنۡ أَسَّسَ بُنۡيَٰنَهُۥ عَلَىٰ شَفَا جُرُفٍ هَارٖ فَٱنۡهَارَ بِهِۦ فِي نَارِ جَهَنَّمَۗ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ١٠٩

9:109. யார் மேலானவர்? பயபக்தியுடன் அல்லாஹ்வின் திருப்பொருத்தத்தை நாடி ஒரு கட்டடத்தின் அடிப்படையை அமைத்தவரா? அல்லது (தானே சரிந்து விடக்கூடிய) பூமியை ஒட்டி அடிப்படையிட்டு (அந்த அடிப்படையில்) கட்டடத்தை - அதுவும் சரிந்து பொடிப்பொடியாக நொறுங்கி அவருடன் நரக நெருப்பில் விழுந்து விடும் (கட்டடத்தை அமைத்தவரா?) அல்லாஹ் அநியாயக்கார மக்களை நேர்வழியில் நடத்தமாட்டான்.

لَا يَزَالُ بُنۡيَٰنُهُمُ ٱلَّذِي بَنَوۡاْ رِيبَةٗ فِي قُلُوبِهِمۡ إِلَّآ أَن تَقَطَّعَ قُلُوبُهُمۡۗ وَٱللَّهُ عَلِيمٌ حَكِيمٌ ١١٠

9:110. அவர்கள் எழுப்பிய அவர்களுடைய கட்டடம் (இடிக்கபட்டது), அவர்கள் உள்ளங்களிலே ஒரு வடுவாக இருந்து கொண்டே இருக்கும். அவர்களின் உள்ளங்கள் துண்டு துண்டாக ஆகும்வரை (அதாவதுமரணிக்கும் வரை). அல்லாஹ் நன்கறிந்தவன், ஞானம் மிக்கவன்.

நீங்களே சற்று சிந்தித்துப் பாருங்கள். ஒருவர் அல்லாஹ்வின் வழிகாட்டுதலுக்கு ஏற்ற வகையில், நிலையான பலன்களுக்காக ஒரு கட்டிடத்தை எழுப்புகிறார். அது சிறந்ததா?

அல்லது ஒருவர் கடலோரத்தில், சரிந்து விழக் கூடிய வகையில், பூமியின் மேற்பரப்பில் திடமான அஸ்திவாரம் எதுவும் இல்லாமல், ஒரு கட்டிடத்தை எழுப்புகிறார். அது சிறந்ததா?

மேலும் அது பொடிப்படியாய நொருங்கி போவதுடன், அங்குள்ளவர்களையும் நரக வேதனையின் பக்கம் அழைத்துச் செல்வதாக இருந்தால், அது எப்படி சிறப்பான கட்டிடமாக இருக்க முடியும்?

எனவே அநியாயக்கார கூட்டத்தாருக்கு அல்லாஹ்வின் வழிகாட்டுதல்கள் ஒருபோதும் கிடைப்பதில்லை.

அல்லாஹ்வின் வழிகாட்டுதலின் அடிப்படையில் உருவாகும் சமூக அமைப்பே நிலையான சந்தோஷங்களை அளிக்கும். காரணம் அது உறுதியான கொள்கை கோட்பாட்டின் அடிப்படையில் உருவாக்கப்படுகிறது.

தவறான அடிப்படையில் எழுப்பப்படும் கட்டிடம் இவ்வுலகில் நீடிக்க வாய்ப்பில்லை. அது இடிந்து தரைமட்டமாகிவிடும்.

இவ்வாறு நடப்பது அவர்கள் உள்ளங்கள்pல் ஒரு வடுவாக இருந்துக் கொண்டே இருக்கும். மேலும் அவர்களின் உள்ளங்கள் துயரத்தில் சுக்குநூறாக உடைந்துவிடும்.

இது வெறும் மிரட்டல் அல்ல. அனைத்தையும் நன்கறியும் ஞானமிக்க வல்லமையுடையவனின் சொல் இது.

அதாவது தவறான கொள்கையின் அடிப்படையில் செயல்படும் சமூக அமைப்பு நீண்ட காலத்திற்கு இவ்வுலகில் நீடிக்க வாய்ப்பில்லை.

20சமுதாயங்களின் இழி நிலை

وَلَوۡ شِئۡنَا لَرَفَعۡنَٰهُ بِهَا وَلَٰكِنَّهُۥٓ أَخۡلَدَ إِلَى ٱلۡأَرۡضِ وَٱتَّبَعَ هَوَىٰهُۚ فَمَثَلُهُۥ كَمَثَلِ ٱلۡكَلۡبِ إِن تَحۡمِلۡ عَلَيۡهِ يَلۡهَثۡ أَوۡ تَتۡرُكۡهُ يَلۡهَثۚ ذَّٰلِكَ مَثَلُ ٱلۡقَوۡمِ ٱلَّذِينَ كَذَّبُواْ بِـَٔايَٰتِنَاۚ فَٱقۡصُصِ ٱلۡقَصَصَ لَعَلَّهُمۡ يَتَفَكَّرُونَ١٧٦

7:176. நம் நாட்டப்படி அவர்கள் செயல்பட்டிருந்தால், நம் வழிகாட்டுதல்களைக் கொண்டு அவனை உயர்த்தியிருப்போம், எனினும் அவன் இவ்வுலக வாழ்வை(யே சதமென)மதித்து, தன்னுடைய இச்சைகளையே பின்பற்றினான், அவனுக்கு உதாரணம் நாயைப் போன்று. அதை நீர் விரட்டினாலும் நாக்கைத் தொங்கவிடுகிறது, அதை நீர் விட்டு விட்டாலும் நாக்கைத் தொங்கவிடுகிறது - இதுவே நம் வசனங்களைப் பொய்யெனக் கூறும் கூட்டத்தாருக்கு உதாரணமாகும் - ஆகவே அவர்கள் சிந்தித்து நல்லுணர்வு பெறும் பொருட்டு (இத்தகைய) வரலாறுகளைக் கூறுவீராக.

விளக்கம்: உலகிலுள்ள சமூகத்தவர்கள் அல்லாஹ்வின் நாட்டத்திற்கு ஏற்ப செயல்பட்டிருந்தால் அவர்கள் மிகவும் உயர்ந்த நிலைக்குச் சென்றிருப்பார்கள். ஆனால் அவர்களோ வாழ்வின் உயர் இலட்சியங்களுக்குப் பதிலாக தற்காலிக சொகுசு வாழ்வின் பக்கமே சாய்ந்து, தம் மன இச்சைக்கு அடிமையாகி விட்டார்கள். இதனால் அவர்களுடைய நிலைமை நாளுக்கு நாள் மோசமாகி, பிடுங்கித் தின்னும் நாய்களைப் போன்று தாழ்ந்து போனார்கள். நாய்களை நீங்கள் விரட்டினாலும் விரட்டா விட்டாலும் அவை நாக்கைத் தொங்கவிட்டு திருப்தி அடையாமல் அலையும்.

அதுபோன்று அவர்களுக்கு மனநிறைவு என்று ஒருபோதும் ஏற்படுவதில்லை. இதனால் சமுதாயத்தில் ஏற்றத்தாழ்வு ஏற்பட்டு கலகம், கலவரம் மூண்டு அழிந்து போனார்கள். ஆக இறைவழிகாட்டுதல்கள் என்பதெல்லாம் பொய்யெனக் கூறி தம் மனஇச்சைப் படி நடக்கும் சமுதாயத்தவர்களுக்கு இதுவே ஒரு முன் உதாரணமாகும். ஆகவே உலக மக்கள் சிந்தித்து உணரும் பொருட்டு இந்த வரலாற்றுச் சான்றுகளை உதாரணமாக மேற்கோள்காட்டி எடுத்துரையுங்கள்.

سَآءَ مَثَلًا ٱلۡقَوۡمُ ٱلَّذِينَ كَذَّبُواْ بِـَٔايَٰتِنَا وَأَنفُسَهُمۡ كَانُواْ يَظۡلِمُونَ١٧٧

7:177. நம்முடைய வசனங்கைளப் பொய்யெனக் கூறிய மக்களின் உதாரணம் மிகவும் கெட்டதாகும், அவர்கள் தமக்குத் தாமே தீங்கிழைத்துக் கொண்டார்கள்.

விளக்கம்: மீண்டும் வலியுறுத்திச் சொல்கிறோம். அல்லாஹ்வின் வழிகாட்டுதல்கள் எல்லாம் சரி வராது எனக் கூறி, தம் மன இச்சையின் படி செயல்படும் சமுதாயங்களின் உதாரணம், மிகவும் கெட்டதாகும் என்பதை நினைவில் கொள்ளுங்கள். அப்படிப்பட்டவர்கள் தமக்குத் தாமே தீங்கிழைத்துக் கொள்கிறார்களே அன்றி அல்லாஹ் அவர்களுக்கு அணுவளவும் அநியாயம் செய்வதில்லை (பார்க்க 4:40)

وَلَقَدۡ ذَرَأۡنَا لِجَهَنَّمَ كَثِيرٗا مِّنَ ٱلۡجِنِّ وَٱلۡإِنسِۖ لَهُمۡ قُلُوبٞ لَّا يَفۡقَهُونَ بِهَا وَلَهُمۡ أَعۡيُنٞ لَّا يُبۡصِرُونَ بِهَا وَلَهُمۡ ءَاذَانٞ لَّا يَسۡمَعُونَ بِهَآۚ أُوْلَٰٓئِكَ كَٱلۡأَنۡعَٰمِ بَلۡ هُمۡ أَضَلُّۚ أُوْلَٰٓئِكَ هُمُ ٱلۡغَٰفِلُونَ١٧٩

7:179. நிச்சயமாக நாம் ஜின்களிலிருந்தும், மனிதர்களில் இருந்தும் அநேகரை நரகத்திற்கென்று படைத்துள்ளோம், அவர்களுக்கு இருதயங்கள் இருக்கின்றன - ஆனால் அவற்றைக் கொண்டு அவர்கள் நல்லுணர்வு பெறமாட்டார்கள், அவர்களுக்கு கண்கள் உண்டு, ஆனால், அவற்றைக் கொண்டு அவர்கள் (இறைவனின் அத்தாட்சிகளைப்) பார்ப்பதில்லை, அவர்களுக்குக் காதுகள் உண்டு, ஆனால் அவற்றைக் கொண்டு அவர்கள் (நற்போதனைளைக்) கேட்கமாட்டார்கள்- இத்தகையோர் கால் நடைகளைப் போன்றவர்கள். இல்லை! அவற்றை விடவும் வழிக்கேடர்கள், இவர்கள் தாம் (நம் வசனங்களை) அலட்சியம் செய்தவர்கள் ஆவார்கள்.

மக்களில் சிலரின் வாழ்க்கை தரத்தைப் பார்த்தால் நரகத்திற்கென்றே படைக்கப்பட்டவர்கள் போல் காணப்படுவார்கள்.

காரணம்: உலகில் வாழும் நகர்ப்புற மக்களும் சரி கிராமவாசிகளும் சரி. அவர்களுக்குச் சிந்தனா சக்திகள் இருந்தும், அவற்றைக் கொண்டு நல்லுணர்வு பெற நாடுவதில்லை.

அவர்களுக்குக் கண்கள் இருந்தும், அவற்றைக் கொண்டு உலகில் நடைபெற்று வரும் அநியாயத்தைப் பற்றி கண்டு கொள்வதில்லை.

அவர்களுக்கு காதுகள் இருந்தும், அவற்றைக் கொண்டு இறை அறிவுரைகளைக் கேட்கவும் நாடுவதில்லை. இத்தகையவர்கள் கால்நடைகளைப் போன்றவர்களே ஆவர்.

இல்லை. அவையாவது தம் இயல்பின் அடிப்படையில் சிறப்பாக வாழ்ந்து வருகின்றன. இவர்களுக்கு அதுவும் கிடையாது. எனவே இவர்கள் அவற்றைவிட மோசமானவர்கள். இத்தகையவர்களே இறைவழிகாட்டுதலில் அலட்சியம் செய்து நரகவாசிகளாக வாழ்பவர்கள்.

مَّثَلُ ٱلَّذِينَ كَفَرُواْ بِرَبِّهِمۡۖ أَعۡمَٰلُهُمۡ كَرَمَادٍ ٱشۡتَدَّتۡ بِهِ ٱلرِّيحُ فِي يَوۡمٍ عَاصِفٖۖ لَّا يَقۡدِرُونَ مِمَّا كَسَبُواْ عَلَىٰ شَيۡءٖۚ ذَٰلِكَ هُوَ ٱلضَّلَٰلُ ٱلۡبَعِيدُ ١٨

14:18. எவர்கள் தங்களுடைய இறைவனை நிராகரிக்கிறார்களோ, அவர்களுக்கு உதாரணமாவது: அவர்களுடைய செயல்கள் சாம்பல் போன்றவை, புயல் காற்று கடினமாக வீசும் நாளில் அச்சாம்பலைக் காற்று அடித்துக் கொண்டு போய்விடும் (அவ்வாறே) தாங்கள் சம்பாதித்த பொருள்களில் எதன் மீதும் அவர்களுக்கு அதிகாரம் இராது, இதுவே வெகு தூரமான வழிகேடாகும்.

விளக்கம்: யாரெல்லாம் இறைவழிகாட்டுதலை ஏற்க மறுத்து அதற்கு மாறு செய்கிறார்களோ, அவர்களுடைய உழைப்புகள் எல்லாம் எரிந்து சாம்பல் போலாகிவிடும். அந்தச் சாம்பல் ஒரே ஒரு காற்றில் பறந்தோடி விடுவது போல் இவர்களுடைய உழைப்புகள் எல்லாம் இவ்வுலகில் நிலையான பலன்களை ஒருபோதும் தராது. அப்படி ஒரு கால கட்டத்தில் அவர்கள் சம்பாதித்து வைத்திருக்கும் செல்வங்கள் எதுவும் அவர்களுக்கு பயன் தராது. இப்படி ஒரு நிலை ஏற்படுவதே வழிகேட்டில் வெகு தூரம் சென்றதற்கு உண்மையான அர்த்தமாகும்.

21சமுதாயங்களின் அழிவு

أَيَوَدُّ أَحَدُكُمۡ أَن تَكُونَ لَهُۥ جَنَّةٞ مِّن نَّخِيلٖ وَأَعۡنَابٖ تَجۡرِي مِن تَحۡتِهَا ٱلۡأَنۡهَٰرُ لَهُۥ فِيهَا مِن كُلِّ ٱلثَّمَرَٰتِ وَأَصَابَهُ ٱلۡكِبَرُ وَلَهُۥ ذُرِّيَّةٞ ضُعَفَآءُ فَأَصَابَهَآ إِعۡصَارٞ فِيهِ نَارٞ فَٱحۡتَرَقَتۡۗ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَتَفَكَّرُونَ٢٦٦

2:266. உங்களில் யாராவது ஒருவர் இதை விரும்புவாரா? - அதாவது அவரிடம் பேரீச்ச மரங்களும், திராட்சைக் கொடிகளும் கொண்ட ஒரு தோட்டம் இருக்கிறது, அதன் கீழே நீரோடைகள் (ஒலித்து) ஓடுகின்றன, அதில் அவருக்கு எல்லா வகையான கனி வர்க்கங்களும் உள்ளன, (அப்பொழுது) அவருக்கு வயோதிகம் வந்து விடுகிறது, அவருக்கு (வலுவில்லாத) பலகீனமான சிறு குழந்தைகள் தாம் இருக்கின்றன - இந்நிலையில் நெருப்புடன் கூடிய ஒரு சூறாவளிக் காற்று, அ(ந்தத் தோட்டத்)தை எரித்து(ச் சாம்பலாக்கி) விடுகிறது. (இதையவர் விரும்புவாரா?) நீங்கள் சிந்தனை செய்யும் பொருட்டு அல்லாஹ் (தன்) அத்தாட்சிகளை உங்களுக்குத் தெளிவாக விளக்குகின்றான்.

1. ஒருவரிடம் பேரீச்ச மரங்களும் திராட்சைக் கொடிகளும் கொண்ட தோட்டம் ஒன்று இருக்கிறது. அதன் பக்கமாக நீரோடைகள் ஒலித்து ஓடுகின்றன. அதில் எல்லா வகையான கனி வர்க்கங்களும் விளைகின்றன.

2. முதுமை அடைந்த அவருக்கு, அறியா வயதில் பிள்ளைகளும ;இருக்கிறார்கள். அப்படி ஒரு நிலையில், அனல் பறக்கும் சூறாவளிக் காற்று வந்து அந்தத் தோட்டத்தை நாசமாக்கிவிடுகிறது என்று வைத்துக் கொள்ளுங்கள்.

3. அப்போது அவருக்கு எந்த அளவிற்கு வேதனையும் துக்கமும் ஏற்படும்? அப்படி ஒரு நிலை ஏற்படுவதை நீங்கள் விரும்புவீர்களா? நீங்கள் தெளிவு பெறவேண்டும் என்பதற்காகத் தான் இந்த உதாரணங்கள் தரப்படுகின்றன.

4. அது போல நீங்கள் காலம் காலமாகக் கட்டிக் காத்து வந்த சமுதாய அமைப்பு அழிந்து போவதை விரும்புவீர்களா? அல்லது நீங்கள் பாதுகாத்து வந்த சொத்துச் செல்வங்கள் அழிவதை விரும்புவீர்களா? அப்படி அழியாமல் இருக்கத் தான் இறைவழிகாட்டுதல் அளிக்கப்படுகின்றன.

5. அதன்படி சமுதாய சமச்சீர்நிலையை பாதுகாத்து வாருங்கள். அனைத்து தரப்பு மக்களும் பயன் பெறும் வகையில் அமைப்பு ஏற்படுத்தி அதற்கு உதவி செய்து வாருங்கள். அப்போது தான் சமூக சீர்கேடுகளின் விபரீத விளைவுகள் இருந்து பாதுகாப்பாக இருப்பீர்கள். இல்லையெனில் சமுதாய அழிவுக்கு என்ன காரணம் என்பதை வருங்காலத்தில் வரும் இளைஞர்களுக்கு தெரியாமலே போய்விடும். இதனால் காலப்போக்கில், வெறுப்பும் கசப்பும் ஏற்பட்டு அவர்களே மென்மேலும் அழிவு ஏற்படுத்துவதற்குக் காரணமாகி விடுவார்கள்.

إِنَّ ٱلَّذِينَ كَفَرُواْ لَن تُغۡنِيَ عَنۡهُمۡ أَمۡوَٰلُهُمۡ وَلَآ أَوۡلَٰدُهُم مِّنَ ٱللَّهِ شَيۡـٔٗاۖ وَأُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ ١١٦

3:116. நிச்சயமாக எவர் நிராகரிக்கின்றார்களோ, அவர்களை விட்டு அவர்களுடைய செல்வமும், அவர்களுடைய சந்ததியும், அல்லாஹ்விடமிருந்து எந்த ஒரு பொருளையும் காப்பாற்ற முடியாது - அவர்கள் நரக நெருப்பிற்குரியவர்கள், அவர்கள் அதில் என்றென்றும் இருப்பார்கள்.

விளக்கம்: இறைவனுடைய வழிகாட்டுதலுக்கு எதிராகச் செயல்படுபவர்கள், தம் அழிவினைத் தாமே தேடிக் கொள்கிறார்கள். அந்த அழிவுகள் ஏற்படும் போது, அவர்களுடைய செல்வங்களோ பிள்ளைகளோ அதிலிருந்து காப்பாற்ற முடிவதில்லை. இப்படியாக அவர்களுடைய தற்காலிக உலக வாழ்வும், வருங்கால நிலையான வாழ்வும் துயர் மிக்கதாய் ஆகிவிடுகிறது. அதிலிருந்து மீள்வதற்கு எந்த வழிமுறையும் இருப்பதில்லை.

مَثَلُ مَا يُنفِقُونَ فِي هَٰذِهِ ٱلۡحَيَوٰةِ ٱلدُّنۡيَا كَمَثَلِ رِيحٖ فِيهَا صِرٌّ أَصَابَتۡ حَرۡثَ قَوۡمٖ ظَلَمُوٓاْ أَنفُسَهُمۡ فَأَهۡلَكَتۡهُۚ وَمَا ظَلَمَهُمُ ٱللَّهُ وَلَٰكِنۡ أَنفُسَهُمۡ يَظۡلِمُونَ١١٧

3:117. இவ்வுலக வாழ்வில் அவர்கள் செலவழிப்பது ஒரு காற்றுக்கு ஒப்பாகும், அது (மிகவும்) குளிர்ந்து (பனிப்புயலாக மாறித்) தமக்குத் தாமே தீங்கிழைத்துக் கொண்ட அக்கூட்டத்தாரின் (வயல்களிலுள்ள) விளைச்சலில் பட்டு அதை அழித்து விடுகிறது - அவர்களுக்கு அல்லாஹ் கொடுமை செய்யவில்லை, அவர்கள் தமக்குத் தாமே கொடுமை இழைத்துக் கொள்கிறார்கள்.

விளக்கம்: எந்த ஒரு முன் யோசனையுமின்றி சொகுசான வாழ்விற்காக செல்வத்தைக் குவித்து செலவழிப்பவர்களின் உதாரணம் அவ்வப்போது அடிக்கும் தென்றல் காற்றுக்கு ஒப்பானதாகும். அதாவது தற்காலிக சந்தோஷங்கள் மட்டும் கிடைத்து விடுகின்றன. ஆனால் காலப்போக்கில் அதுவே சமுதாயத்தில் ஏற்றத்தாழ்வை ஏற்படுத்தி, கலகம், கலவரம் என புயலாக மாறி அழிவு ஏற்படுத்தும்போது, அதிலிருந்து மீள எந்த வழிமுறையும் இருப்பதில்லை. இப்படியாக அவர்கள் தமக்குத்தாமே தீங்கிழைத்துக் கொள்கிறார்களே அன்றி அல்லாஹ் ஒருபோதும் தீங்கிழைப்பதில்லை.

إِنَّمَا مَثَلُ ٱلۡحَيَوٰةِ ٱلدُّنۡيَا كَمَآءٍ أَنزَلۡنَٰهُ مِنَ ٱلسَّمَآءِ فَٱخۡتَلَطَ بِهِۦ نَبَاتُ ٱلۡأَرۡضِ مِمَّا يَأۡكُلُ ٱلنَّاسُ وَٱلۡأَنۡعَٰمُ حَتَّىٰٓ إِذَآ أَخَذَتِ ٱلۡأَرۡضُ زُخۡرُفَهَا وَٱزَّيَّنَتۡ وَظَنَّ أَهۡلُهَآ أَنَّهُمۡ قَٰدِرُونَ عَلَيۡهَآ أَتَىٰهَآ أَمۡرُنَا لَيۡلًا أَوۡ نَهَارٗا فَجَعَلۡنَٰهَا حَصِيدٗا كَأَن لَّمۡ تَغۡنَ بِٱلۡأَمۡسِۚ كَذَٰلِكَ نُفَصِّلُ ٱلۡأٓيَٰتِ لِقَوۡمٖ يَتَفَكَّرُونَ٢٤

10:24. இவ்வுலக வாழ்க்கைக்கு உதாரணம், நாம் வானத்திலிருந்து இறக்கி வைக்கும் மழை நீரைப் போன்றது, (அதன் காரணமாக) மனிதர்களும் கால்நடைகளும் உண்ணக் கூடிய வகைகளிலிருந்து பூமியின் பயிர்கள் பல்வேறு வகைகளாகின்றன, முடிவில் பூமி (அந்தப் பயிர்கள் மூலம்) தன் அலங்காரத்தைப் பெற்று கவர்ச்சியடைந்த பொழுது அதன் சொந்தக்காரர்கள் (கதிரை அறுவடை செய்து கொள்ளக்கூடிய) சக்தியுடையவர்கள் என்று தங்களை எண்ணிக் கொண்டிருந்தனர், அச்சமயம் இரவிலோ பகலிலோ அதற்கு நம் கட்டளை வந்து (அதை நாம் அழித்து விட்டோம்). அது முந்திய நாள் (அவ்விடத்தில்) இல்லாதது போன்று அறுக்கப் பட்டதாக அதை ஆக்கிவிட்டோம். இவ்வாறே நாம் சிந்தனை செய்யும் மக்களுக்கு (நம்) அத்தாட்சிகளை விவரிக்கின்றோம்.

1. ஆக தற்காலிக சுக வாழ்வை மட்டும் ٱلْحَيَوٰةِ ٱلدُّنْيَا நோக்கமாகக் கொண்டு வாழும் சமுதாயத்தை ஓர் உதாரணத்தைக் கொண்டு விளங்கிக் கொள்ளலாம்.

2. இறைவனின் நியதிப்படி வானிலிருந்து மழை பொழிகிறது. அதைக் கொண்டு மனிதர்களுக்கும், மற்ற ஜீவராசிகளுக்கும் வாழ்வாதாரங்கள் கிடைக்கின்றன. பல வகையான பயிர்களும் விளைகின்றன. இப்படியாகப் பூமி பசுமை நிறைந்ததாய் அழகாகக் காணப்படுகிறது.

3. அந்நிலத்தின் சொந்தக்காரர்கள் அதன் விளைச்சல்கள் யாவும் தமக்கு மட்டுமே சொந்தம் என நினைத்தார்கள். அச்சமயம் அவர்கள் சற்றும் எதிர்பாராத விதமாய் இரவிலோ பகலிலோ இறைவனின் நியதியின்படி சூறாவளிக் காற்று, புயல், வெள்ளம் போன்றவற்றால் அழிந்து, இதற்குமுன் அங்கு எதுவுமே இல்லாதது போல் ஆகிவிடுகிறது என்று வைத்துக் கொள்ளுங்கள்.

4. அப்போது அவர்களின் மனவேதனை எவ்வாறு இருக்கும்? இவ்வாறே சிந்தனைச் செய்யும் மக்களுக்கு இதுபோன்ற உதாரணங்களின் மூலம் நடக்கவிருக்கும் உண்மைகள் விளக்கப்படுகின்றன.

5. காலம் காலமாக உழைத்து முன்னேற்றம் அடைந்த நாடுகள், தற்காலிக் சுக வாழ்வை மட்டும் நோக்கமாகக் கொண்டு சுயநலத்துடன் வாழ்ந்தால், அங்கு தீயச் செயல்களும், அவற்றின் விளைவுகளும் கூடவே வளர்ந்து வரும். அத்தீய செயல்களின் விளைவாக எதிர்பாராத விதமாக சண்டை சச்சரவு, கலவரம் மற்றும் போர் போன்றவை ஏற்பட்டு அந்த நாடே அழிந்து போகும். அப்போது அவர்களுக்கு எந்த அளவிற்கு மனவேதனை எற்படும் என்பதை எண்ணிப் பாருங்கள். அப்படியொரு நிலை ஏற்படக்கூடாது என்பதற்காகவே தற்காலிக சுகமான வாழ்வுடன் வருங்கால நிலையான பலன்களையும் நோக்கமாகக் கொண்டு வாழ இறைவழிகாட்டுதல்கள் அறிவுருத்துகின்றன. (மேலும் பார்க்க 2:266)

أَوَلَمۡ يَنظُرُواْ فِي مَلَكُوتِ ٱلسَّمَٰوَٰتِ وَٱلۡأَرۡضِ وَمَا خَلَقَ ٱللَّهُ مِن شَيۡءٖ وَأَنۡ عَسَىٰٓ أَن يَكُونَ قَدِ ٱقۡتَرَبَ أَجَلُهُمۡۖ فَبِأَيِّ حَدِيثِۭ بَعۡدَهُۥ يُؤۡمِنُونَ١٨٥

7:185. வானங்கள், பூமி இவற்றின் ஆட்சியையும் அல்லாஹ் படைத்திருக்கும் மற்றப் பொருட்களையும் அவர்கள் நோட்டமிடவில்லையா? அவர்களுடைய தவணை நெருங்கியிருக்கக் கூடும் என்பதையும் (அவர்கள் சிந்திக்கவில்லையா?) இதற்குப் பின்னர் எந்த விஷயத்தைத் தான் அவர்கள் ஈமான் கொள்ளப் போகிறார்கள்?

விளக்கம்: மேலும் பிரபஞ்சப் படைப்புகளையும், பூமியையும் அவற்றில் படைக்கப்பட்டுள்ள எண்ணற்ற படைப்புகளையும் மக்கள் ஆராய்ந்து பார்ப்பதில்லையா? அங்கு எல்லாமே முறைப்படி நடந்து வருவதை கவனிப்பதில்லையா? ஒரு விதை செடியாகி மரமாக வளர்ந்து காய்ப்பதற்கு காலஅளவு நிர்ணயிக்கப்பட்டு இருப்பது போல் ஒவ்வொரு படைப்பும் வளர்ந்து இறுதி இலக்கை அடைய காலஅளவு நிர்ணயிக்கப்பட்டுள்ளது என்பதை அவர்கள் கவனிப்பதில்லையா?

அதே போல மனித செயல்களுக்கும் விளைவுகள் தோற்றத்திற்கு வர காலஅளவு நிர்ணயிக்கப்பட்டுள்ளது என்பதையும் அவர்கள் அறிந்து கொண்டு முன்னெச்சரிக்கையுடன் செயலாற்ற வேண்டாமா? இந்த அளவிற்குத் தெளிவாக எடுத்துரைத்தும், வேறு எந்தப் பேச்சை (ஹதீஸை) இவர்கள் நம்பி ஏற்றுக்கொள்ளப் போகிறார்கள்?

وَضَرَبَ ٱللَّهُ مَثَلٗا قَرۡيَةٗ كَانَتۡ ءَامِنَةٗ مُّطۡمَئِنَّةٗ يَأۡتِيهَا رِزۡقُهَا رَغَدٗا مِّن كُلِّ مَكَانٖ فَكَفَرَتۡ بِأَنۡعُمِ ٱللَّهِ فَأَذَٰقَهَا ٱللَّهُ لِبَاسَ ٱلۡجُوعِ وَٱلۡخَوۡفِ بِمَا كَانُواْ يَصۡنَعُونَ١١٢

16:112. மேலும்,அல்லாஹ் ஓர் ஊரை (அவர்களுக்கு) உதாரணம் கூறுகிறான்: அது அச்சமில்லாததும், நிம்மதியுடனும் இருந்தது. அதன் உணவு(ம்மற்றும் வாழ்க்கை)ப் பொருட்கள் யாவும் ஒவ்வோர் இடத்திலிருந்தும் ஏராளமாக வந்து கொண்டிருந்தன - ஆனால் (அவ்வூர்) அல்லாஹ்வின் அருட்கொடைகளுக்கு நன்றி செலுத்தாமல் மாறு செய்தது, ஆகவே, அவ்வூரார் செய்து கொண்டிருந்த (தீச்)செயல்களின் காரணமாக, அல்லாஹ் பசியையும் பயத்தையும் அவர்களுக்கு ஆடையாக (அணிவித்து அவற்றை) அனுபவிக்குமாறு செய்தான்.

1. ஓர் ஊரில் எல்லோரும் அச்சமில்லாமல் நிம்மதியாக வாழ்ந்து வந்தனர். அங்கு அவர்களுக்கு வேண்டிய உணவு மற்றும் வாழ்வாதாரங்கள் யாவும் தாராளமாகக் கிடைத்து வந்தன.

2. ஆனால் காலப்போக்கில் அவர்கள் அல்லாஹ்வின் கட்டளைக்கு அடிபணிந்து வாழ தவறிவிட்டனர். அதாவது அனைத்து தரப்பு மக்களுக்கும் சேர வேண்டிய வாழ்வாதாரங்களில் மோசடி செய்ய ஆரம்பித்தார்கள்.

3. அதனால் அச்சமுதாயத்தில் பசியின் கொடுமையும், பாதிக்கப்பட்டவர்களால் ஏற்படும் ஆபத்துகளின் பயமும் நாலாப் புறமும் சூழ்ந்துக் கொண்டன. இப்படியாக சிறப்பாக வாழ்ந்து வந்த அச்சமுதாயம் சீரழிந்து வேதனைக்குள் ஆனது.

وَلَقَدۡ جَآءَهُمۡ رَسُولٞ مِّنۡهُمۡ فَكَذَّبُوهُ فَأَخَذَهُمُ ٱلۡعَذَابُ وَهُمۡ ظَٰلِمُونَ ١١٣

16:113. இன்னும், நிச்சயமாக அவர்களிடத்தில் அவர்களிலிருந்தே (இறைத்)தூதர் வந்தார், ஆனால் அவரைப் பொய்ப்பித்தனர், ஆகவே, அவர்கள் அநியாயம் செய்தவர்களாக இருக்கிற நிலையில் அவர்களை வேதனைப் பிடித்துக் கொண்டது.

விளக்கம்: இத்தகைய ஏற்றத் தாழ்வுகளையும், சீரழிவுகளையும் சரி செய்து சமுதாயத்தை சீரமைக்க, இறைத்தூதர் ஒருவர் அவர்களிலிருந்தே அவர்களிடம் வந்தார். அவர் சமுதாயத்தினரை திருத்த அறிவுரைகளை செய்து வந்தார். அவர்களுடைய தவறான செயல்களால் ஏற்படும் விபரீத விளைவுகளைப் பற்றி எடுத்துரைத்து எச்சரிக்கை செய்து வந்தார். ஆனால் அவருடைய அறிவுரைகளை அந்த அநியாயக்காரர்கள் ஏற்கவில்லை. எனவே அவர்கள் அநியாயம் செய்து வந்ததன் காரணமாக அவர்களிடம் வேதனைகள் வந்தடைந்தன.

فَكُلُواْ مِمَّا رَزَقَكُمُ ٱللَّهُ حَلَٰلٗا طَيِّبٗا وَٱشۡكُرُواْ نِعۡمَتَ ٱللَّهِ إِن كُنتُمۡ إِيَّاهُ تَعۡبُدُونَ١١٤

16:114. (முஃமின்களே!) அல்லாஹ் உங்களுக்கு அளித்துள்ளவற்றிலிருந்து ஹலாலான நல்லவற்றையே நீங்கள் புசியுங்கள், நீங்கள் அவனையே வணங்குபவர்களாக இருப்பின் அல்லாஹ்வின் அருட்கொடைக்கு நன்றி செலுத்துங்கள்.

விளக்கம்: இறைவழிகாட்டுதலை ஏற்றுக்கொண்டவர்களே! நீங்கள் இந்த உதாரணத்தின் மூலம் படிப்பினை பெறுங்கள். நீங்கள் அவ்வாறு அநியாயமாகச் செயல்படாதீர்கள். அல்லாஹ்வின் கட்டளைப்படி நியாயமான முறையில் வாழ்வாதார பங்கீட்டு முறையை கடைப்பிடித்து நீங்களும் உங்கள் பங்கிற்கு பெற்றக் கொள்ளுங்கள். இப்படியாக நீங்கள் அல்லாஹ்வின் கட்டளைப்படி நன்றி விசுவாசத்துடன் நடந்து கொள்ளுங்கள்.

நபித்துவத் தொடர் முற்று பெற்றுவிட்டதால் (பார்க்க 33:40) இந்தக் கால கட்டத்தில் நபிமார்கள் யாரும் வரமாட்டார்கள். ஆனால் அவர்கள் செயல்படுத்திக் காட்டிய குர்ஆனின் வழியில் நாமும் செயல்பட்டு சமுதாய முன்னேற்றத்திற்காக பாடுபட முடியும்

22ஆற்றல்களை இழந்து இறந்து கிடக்கும் சமுதாயம்.

أَوۡ كَٱلَّذِي مَرَّ عَلَىٰ قَرۡيَةٖ وَهِيَ خَاوِيَةٌ عَلَىٰ عُرُوشِهَا قَالَ أَنَّىٰ يُحۡيِۦ هَٰذِهِ ٱللَّهُ بَعۡدَ مَوۡتِهَاۖ

2:259. அல்லது, ஒரு கிராமத்தின் பக்கமாகச் சென்றவரைப் போல் - (அந்த கிராமத்திலுள்ள வீடுகளின்) உச்சிகளெல்லாம் (இடிந்து, விழுந்து)பாழடைந்து கிடந்தன, (இதைப் பார்த்து அவர்) இவ்வூர் (இவ்வாறு அழிந்து) மரித்தபின் இதனை அல்லாஹ்எப்படி உயிர்ப்பிப்பான்? என்று (வியந்து) கூறினார்,

فَأَمَاتَهُ ٱللَّهُ مِاْئَةَ عَامٖ ثُمَّ بَعَثَهُۥۖ قَالَ كَمۡ لَبِثۡتَۖ قَالَ لَبِثۡتُ يَوۡمًا أَوۡ بَعۡضَ يَوۡمٖۖ قَالَ بَل لَّبِثۡتَ مِاْئَةَ عَامٖ

அல்லாஹ் அவ்வூரை நூறாண்டுகள்வரை இறந்து போகும்படிச் செய்தான், பின்னர் அவ்வூரைஉயிர்பெற்றெழும்படிச் செய்து, "எவ்வளவு காலம் (இந்நிலையில்) இருந்தீர்கள்?" என்று அவரைக் கேட்டதற்கு, ஒரு நாள் அல்லதுஒரு நாளின் சிறு பகுதியில் (இவ்வாறு) இருந்தேன்" என்று கூறினார்:“இல்லை! நீங்கள் (இந்நிலையில்) நூற்றா ண்டுகள் இருந்தீர்கள்!

فَٱنظُرۡ إِلَىٰ طَعَامِكَ وَشَرَابِكَ لَمۡ يَتَسَنَّهۡۖ وَٱنظُرۡ إِلَىٰ حِمَارِكَ وَلِنَجۡعَلَكَ ءَايَةٗ لِّلنَّاسِۖ وَٱنظُرۡ إِلَى ٱلۡعِظَامِ كَيۡفَ نُنشِزُهَا ثُمَّ نَكۡسُوهَا لَحۡمٗاۚ

இதோ பாரும். உம்முடைய உணவையும், உம்முடைய பானத்தையும், (கெட்டுப் போகாமையினால்) அவை எந்த விதத்திலும் மாறுதல் அடையவில்லை, ஆனால் உம்முடைய கழுதையைப் பாரும், உம்மை மனிதர்களுக்கு ஓர்அத்தாட்சி ஆக்குவதற்காக (இவ்வாறு மரிக்கச் செய்து உயிர் பெறச்)செய்கிறோம், இன்னும் எலும்புகளைப் பாரும், அவற்றை நாம் எப்படிச் சேர்க்கிறோம், பின்னர் அவற்றின் மேல்சதையைப் போர்த்துகிறோம்" எனக் கூறி (அதனை உயிர் பெறச்செய்தான் –

فَلَمَّا تَبَيَّنَ لَهُۥ قَالَ أَعۡلَمُ أَنَّ ٱللَّهَ عَلَىٰ كُلِّ شَيۡءٖ قَدِيرٞ ٢٥٩

இதுவெல்லாம்) அவருக்குத் தெளிவான போது, அவர், நிச்சயமாக அல்லாஹ் எல்லாப் பொருள்களின் மீதும் வல்லமையுடையவன் என்பதை நான் அறிந்து கொண்டேன்" என்று கூறினார்.

விளக்கம்: இறைவழிகாட்டுதல் இன்றி வாழும் சமுதாயங்களின் நிலையை ஓர் உதாரணத்தைக் கொண்டு விளங்கிக் கொள்ளலாம். பாழடைந்த ஒரு கிராமத்தின் வழியாக ஒருவன் செல்கின்றான். அதில் வீடுகளும் இடிந்து கிடக்கின்றன. இப்படியாக அவ்வூர் செத்து மடிந்து கிடக்கிறது. இதை சரி செய்ய முடியுமா என்று எண்ணி அவன் அதைக் கடந்து சென்று விடுகிறான்.

அதன்பின் அல்லாஹ்வின் நியதிப்படி அவ்வூர் நூறு ஆண்டுகள் வரையில் மடிந்தே கிடக்க நேர்கிறது. அவ்வூராரிடம் எத்தனை ஆண்டுகளாக இப்படி வாழ்கிறீர்கள் என்று கேட்டால், சில நாட்களாகத் தான் இப்படி வாழ்ந்து வருகிறோம் என்கிறார்கள். இல்லை. அவ்வூர் நூறு ஆண்டுகளாக இப்படித்தான் மடிந்து கிடக்கிறது.

ஆனால் உங்கள் உணவு மற்றும் பானங்கள் விஷயங்களில் எவ்வித மாறுதலும் இல்லை. காரணம் மனிதன் உயிர்வாழ அவை தவிர்க்க முடியாத ஒன்றாக உள்ளது. அதுபோலவே போக்குவரத்து சாதனங்களும் நிலைத்து நிற்கின்றன. இதை உவமானமாக வைத்து உண்மையை விளங்கிக் கொள்ளுங்கள்.

மேலும் மனித படைப்பு எவ்வாறு உள்ளது என்பதையும் கவனியுங்கள். முறைப்படி எலும்புகளின் சேர்க்கை, அவற்றின் மேல் சதை என்று எல்லா அங்கங்களும் ஒன்றிணைந்தால் தான் மனிதன் என்று உருவம் பெற முடியும்.ஆக இந்த எடுத்துக்காட்டைக் கொண்டு உண்மை விளங்கிய போது, அவன் நிச்சயமாக எல்லா விஷயங்களிலும் அல்லாஹ்வின் பேராற்றலும் அளவிலா வல்லமையும் மகத்தானவை என்பதையும் அறிந்துகொண்டான்.

அதாவது எலும்பும் சதையும் தனித்தனியே இருந்தால், மக்கிப் போன எலும்புகளும் பாழடைந்த சதைகளும் தான் மிஞ்சும். அது போல ஊர் மக்கள் அனைவரும் ஒருங்கிணைந்து செயல்பட்டால் தான் செழிப்பான சமுதாயமாக உருவாக்க முடியும். தனித்தனியே அவரவர் சுயநலப் போக்கின்படி வாழ்ந்தால் அந்த ஊரும், ஊர் மக்களும் நடைபிணங்களாகத் தான் வாழ்ந்து மடிந்துப் போவார்கள்.

ஆக திசை மாறிச் செல்லும் இவ்வுலகத்தைப் பார்த்து, நம்மால் என்ன செய்ய முடியும் என்;று எண்ணி காலத்தைக் கடத்திவிட்டால், இவ்வுலகம் காலம் காலமாய் அப்படியே அழிவை நோக்கிச் சென்று விடும். இறைவழிகாட்டுதலின் உண்மைநிலை அறிந்தவர்கள், இங்குள்ள ஏற்றத் தாழ்வைப் போக்கி சமுதாயச் சமர்ச் சீர்நிலை உருவாகப் பாடுபட வேண்டும் என்பதே இந்த உதாரணத்தின் மூலம் கிடைக்கின்ற படிப்பினை ஆகும். இன்னொரு வசனத்தையும் கவனியுங்கள்.

وَٱللَّهُ أَنزَلَ مِنَ ٱلسَّمَآءِ مَآءٗ فَأَحۡيَا بِهِ ٱلۡأَرۡضَ بَعۡدَ مَوۡتِهَآۚ إِنَّ فِي ذَٰلِكَ لَأٓيَةٗ لِّقَوۡمٖ يَسۡمَعُونَ٦٥

16:65. இன்னும், அல்லாஹ் வானத்திலிருந்து மழையைப் பொழிய வைத்து, அதைக் கொண்டு உயிரிழந்த பூமியை உயிர் பெறச் செய்கிறான் -நிச்சயமாக செவியேற்கும் மக்களுக்கு இதில் (தக்க) அத்தாட்சி இருக்கிறது.

விளக்கம்: எவ்வாறு அல்லாஹ்வின் விதிமுறைப் படி வானத்தில் இருந்து மழை பொழிய வைத்து, அதன்மூலம் உயிரற்று கிடக்கும் பூமியை உயிர்பெறச் செய்து செழிப்பாக ஆகுகிறதோ, அவ்வாறே வானுலக வேதமான இந்தக் குர்ஆன் மூலமாக ஆற்றலின்றி நடைபிணமாக வாழும் சமுதாயத்தை, புத்துயிர்ப் பெறச்செய்து அனைத்து வளத்துடன் சிறப்பாக வாழும் வழியை காட்டுகிறது. இவ்வாறே அல்லாஹ்வின் வழிகாட்டுதலின் அழைப்பை செவிசாய்க்கும் மக்களுக்கு இதில் தக்க அத்தாட்சி கிடைத்துவிடுகிறது.

وَإِنَّ لَكُمۡ فِي ٱلۡأَنۡعَٰمِ لَعِبۡرَةٗۖ نُّسۡقِيكُم مِّمَّا فِي بُطُونِهِۦ مِنۢ بَيۡنِ فَرۡثٖ وَدَمٖ لَّبَنًا خَالِصٗا سَآئِغٗا لِّلشَّٰرِبِينَ ٦٦

16:66. நிச்சயமாக உங்களுக்கு (ஆடு, மாடு, ஒட்டகம் போன்ற) கால்நடைகளிலும் (தக்க) படிப்பினை இருக்கிறது, அவற்றின் வயிற்றிலுள்ள சாணத்திற்கும், இரத்தத்திற்கும் இடையிலிருந்து கலப்பற்ற பாலை அருந்துபவர்களுக்கு இனிமையானதாக (தாராளமா கப்) புகட்டுகிறோம்.

விளக்கம்: இறைவன் படைத்துள்ள கால்நடைகளைப் பற்றி கவனித்துப் பாருங்கள். அவற்றிலும் உங்களுக்குப் பலப் படிப்பினைகள் கிடைக்கும். அவை உண்ணும் தீனிகள் வயிற்றில் ஜீரணித்த பின், சாணமாகவும் இரத்தமாகவும் பிரிந்து விடுகின்றன. இவ்விரண்டிற்கும் இடையே பரிசுத்தமான அருசுவைப் பாலும் உருவாகிறது.

அது போல சமுதாயத்தில் நல்லவர்களும் கெட்டவர்களும் இருப்பார்கள். இறைவழிகாட்டுதல் என்ற ஊட்டச் சத்தை இவர்களுக்கிடையில் புகட்டினால், மாசற்ற பால் உருவாவது போல், பரிசுத்தமான பலனளிக்கக் கூடிய உத்தமர்களை உருவாக்கலாம். பால் அனைத்துத் தரப்பு மக்களுக்கும் பலனுள்ளதாக விளங்குவது போல, இந்த உத்தமர்கள் அனைத்துத் தரப்பு மக்களின் வாழ்வை சிறப்பிக்க முன்வருவார்கள்.

وَمِن ثَمَرَٰتِ ٱلنَّخِيلِ وَٱلۡأَعۡنَٰبِ تَتَّخِذُونَ مِنۡهُ سَكَرٗا وَرِزۡقًا حَسَنًاۚ إِنَّ فِي ذَٰلِكَ لَأٓيَةٗ لِّقَوۡمٖ يَعۡقِلُونَ٦٧

16:67. பேரீச்சை, திராட்சைப் பழங்களிலிருந்து மதுவையும், நல்ல ஆகாரங்களையும் நீங்கள் உண்டாக்குகிறீர்கள், நிச்சயமாக இதிலும் சிந்திக்கும் மக்களுக்கு ஓர் அத்தாட்சி இருக்கிறது.

விளக்கம்: இறைவனின் படைப்புகளான பேரீச்சை, திராட்சைப் போன்ற பழங்களை எடுத்துக் கொள்ளுங்கள். அவற்றைக் கொண்டு போதை அளிக்கும் மதுவும் உருவாகிறது. நல்ல ஆரோக்கியமளிக்கும் ஆகாரமாகவும் அவை விளங்குகின்றன. நிச்சயமாக இதிலும் சிந்திக்கும் மக்களுக்கு அத்தாட்சிகள் பல கிடைக்கும்.

அதாவது பூமியில் விளையும் பழங்களை தக்க முறையில் பாதுகாத்து, நேர காலத்தோடு பயன்படுத்தினால், அவை மக்களின் நல்வாழ்விற்கு உறுதுணையாக விளங்கும். அவற்றை சரிவர பராமரிக்காமல் விட்டுவிட்டால் அது அழுகிவிடும். அந்த அழுகல்களைக் கொண்டு மது பானங்களைத்தான் தயாரிக்க முடியும். அல்லது அவற்றை குப்பையில்தான் வீசி எறியவேண்டி வரும்.

அதுபோலவே உலகில் பிறக்கும் குழந்தைகளை நன்றாக வளர்த்து இறைவனின் வழிகாட்டுதலை அந்தந்த நேரத்தில் அவர்களுக்கு ஊட்டி சீராக வளர்த்தால், அவர்கள் சமுதாயத்திற்கு நன்மை அளிப்பவர்களாக உருவாகி வருவார்கள். அப்படி எல்லாம் செய்யாமல் அவர்களாகவே வளரட்டும் என்று எண்ணி எந்த கல்வியையும் நேரக் காலத்தோடு அளிக்காமல் விட்டுவிட்டால், சமுதாயத்தில் அவர்கள் தீமை செய்பவர்களாக மாறி விடுவார்கள். அதன்பின் அவர்களை சிறைச்சாலை அல்லது நரகம் என்ற குப்பையில்தான் தள்ளவேண்டி வரும்.

ذَٰلِكَ بِأَنَّ ٱللَّهَ يُولِجُ ٱلَّيۡلَ فِي ٱلنَّهَارِ وَيُولِجُ ٱلنَّهَارَ فِي ٱلَّيۡلِ وَأَنَّ ٱللَّهَ سَمِيعُۢ بَصِيرٞ٦١

22:61 அது (ஏனென்றால்) நிச்சயமாக அல்லாஹ் இரவைப் பகலில் புகுத்துகிறான், பகலை இரவில் புகுத்துகிறான், இன்னும், நிச்சயமாக அல்லாஹ் (எல்லாவற்றையும்) கேட்பவனா கவும், பார்ப்பவனாகவும் இருக்கின்றான்.

விளக்கம்: எவ்வாறு இருள் சூழ்ந்த நிலை மாறி வெளிச்சம் ஏற்படுகிறதோ, மேலும் எவ்வாறு வெளிச்சத்துடன் இருக்கும் பகலை இருள் சூழ்ந்துக் கொள்கிறதோ, அவ்வாறே அக்கிரமம் செய்யப்பட்டவர்களுக்கு விடுவுகாலம் பிறக்கும். அக்கிரம் செய்பவர்கள் வாழ்வில் இருள் சூழ்ந்துக்கொள்ளும். ஆக உலகில் நிகழந்து வரும் அனைத்து விஷயங்களையும் கேட்கும் வல்லமையும் அறிந்து கொள்ளும் வல்லமையும் அல்லாஹ்வுக்கு நிச்சயம் உண்டு என்பதை நினைவில் கொள்ளுங்கள்.

இறைவழிகாட்டுதலைப் பின்பற்றி சமூக வளர்ச்சிக்காகப் பாடுபட்டால் நசுக்கப்பட்டவர்களுடைய துயரங்கள் நீங்கி அவர்களுக்கு விடுவுக்காலம் பிறக்கும். இல்லாவிட்டால் காலா காலத்திற்கு சமுதாயம் இருளிலேயே மூழ்கிக் கிடக்கும்.

أَلَمۡ تَرَ أَنَّ ٱللَّهَ أَنزَلَ مِنَ ٱلسَّمَآءِ مَآءٗ فَتُصۡبِحُ ٱلۡأَرۡضُ مُخۡضَرَّةًۚ إِنَّ ٱللَّهَ لَطِيفٌ خَبِيرٞ٦٣

22:63. நிச்சயமாக அல்லாஹ் வானத்திலிருந்து (மழை) நீரை இறக்குகிறான், அதனால் பூமி பசுமையாகி விடுகிறது என்பதை நீர் பார்க்கவில்லையா? நிச்சயமாக அல்லாஹ் கிருபையுடையவன், நன்கறிந்தவன

விளக்கம்: இறைவனின் செயல்திட்டப்படி வானத்திலிருந்து மழை பொழிவதை நீங்கள் பார்ப்பதில்லையா? அந்த மழை நீரைக் கொண்டு வறண்ட பூமி பசுமையாகி விடுவதை நீங்கள் கவனிப்பதில்லையா? அதுபோலத் தான் ஆற்றலின்றி வாடி வதங்கிப் போயிருக்கும் சமுதாயத்தை, புதுப்பொலிவுடன் வாழ இறைவழிகாட்டுதல்கள் வழிவகுக்கின்றன. நிச்சயமாக அல்லாஹ்வின் செயல் திட்டங்கள் மிகமிக நுணுக்கத்துடன் செயல்படக் கூடியவையாக உள்ளன என்பதை அறிந்து கொள்ளுங்கள்.

23முன்னோர்களை வழிபடுபவர்களின் நிலை

وَمَثَلُ ٱلَّذِينَ كَفَرُواْ كَمَثَلِ ٱلَّذِي يَنۡعِقُ بِمَا لَا يَسۡمَعُ إِلَّا دُعَآءٗ وَنِدَآءٗۚ صُمُّۢ بُكۡمٌ عُمۡيٞ فَهُمۡ لَا يَعۡقِلُونَ ١٧١

2:171 அந்த காஃபிர்களுக்கு உதாரணம் என்னவென்றால்: ஒரு (ஆடு, மாடுமேய்ப்ப)வனின் கூப்பாட்டையும், கூச்சலையும் தவிர வேறெதையும் கேட்டு, அறிய இயலாத (கால்நடை) போன்றவர்கள், அவர்கள் செவிடர்களாக வும், ஊமையர்களாகவும், குருடர்களாகவும் இருக்கின்றனர், அவர்கள் எ(ந்த நற்போ)தனை யும் உணர்ந்து கொள்ளமாட்டார்கள்.

விளக்கம்: இறைவழிகாட்டுதலை ஏற்க மறுத்து முன்னோர்களைக் கண்மூடித்தனமாகப் பின்பற்றுவோருக்கு ஓர் எடுத்துக்காட்டு கூறலாம். ஆடு மாடுகளை மேய்ப்பவனின் கூச்சலும் கூப்பாட்டையும் போன்றதே அவர்களுடைய பிரார்த்தனைகளும், வழிபாடுகளும் இருக்கும். அதைத் தவிர அவர்களுக்கு வேறு எதுவும் கேட்க இயலாது. அந்த ஆடு மேய்ப்பவனுக்கும் அவன் உச்சரிக்கும் வார்த்தைகளுக்கு அர்த்தம் என்னவென்று தெரியாது. அந்த ஆடுகளுக்கும் தெரியாது. அதுபோலத் தான் இவர்களும். இத்தகையவர்கள் தாம் செவிடர்களாகவும், ஊமைகளாகவும், குருடர்களாகவும் வாழ்பவர்கள் ஆவார்கள். அவர்களிடம் வரும் நற்போதனைகளை அவர்கள் விளங்கிக் கொள்ளவே மாட்டார்கள். (பார்க்க 7:179)

எனவே அவர்களுடைய செயல்களின் தீய விளைவுகள் தோற்றத்திற்கு வரும் கால கட்டத்தில்

وَقَالُواْ رَبَّنَآ إِنَّآ أَطَعۡنَا سَادَتَنَا وَكُبَرَآءَنَا فَأَضَلُّونَا ٱلسَّبِيلَا۠٦٧

33:67. “எங்கள் இறைவா! நிச்சயமாக நாங்கள் எங்கள் தலைவர்களுக்கும், எங்கள் பெரியவர்களுக்கும் வழிப்பட்டோம், அவர்கள் எங்களை வழிகெடுத்து விட்டார்கள்" என்றும் அவர்கள் கூறுவார்கள்.

விளக்கம்: அவர்கள், “எங்கள் இறைவா! நாங்கள் எங்கள் தலைவர்களுக்கும் பெரியார்களுக்கும் வழிப்பட்டோமே! ஆனால் அவர்களோ எங்களை வழிகெடுத்து விட்டார்களே!” என்று அவர்கள் குரல் தெரிக்க கத்திக் கொண்டிருப்பார்கள்.

رَبَّنَآ ءَاتِهِمۡ ضِعۡفَيۡنِ مِنَ ٱلۡعَذَابِ وَٱلۡعَنۡهُمۡ لَعۡنٗا كَبِيرٗا٦٨

33:68 “எங்கள் இறைவா! அவர்களுக்கு இரு மடங்கு வேதனையைத் தருவாயாக, அவர்களைப் பெருஞ் சாபத்தைக் கொண்டு சபிப்பாயாக" (என்பார்கள்)

விளக்கம்:மேலும் அவர்கள்,“எங்கள் இறைவா! எங்களை வழிகெடுத்த எங்கள் தலைவர்களை இருமடங்கு வேதனை அளிப்பாயாக. அவர்களை நரகத்திலேயே மிக மோசமான பாழ்குழியில் தள்ளி வேதனை அளிப்பாயாக!” என்று கதறுவார்கள்.

ஆக இப்;படிப்பட்ட கேவலமான நிலை ஏற்படாமல் இருக்க வேண்டும் என்றால், இறைவழிகாட்டுதலின்படி முழு வேகத்துடன் ஆக்கப்பூர்வமாக செயல்பட வேண்டும். திருக்குர்ஆனின் போதனைகளை மட்டும் மக்களுக்கு எடுத்துரைக்க வேண்டும். ஆனால் மூட நம்பிக்கையில் மூழ்கி இருப்பவர்களின் நலைமை இதோ:

إِنَّا جَعَلۡنَا فِيٓ أَعۡنَٰقِهِمۡ أَغۡلَٰلٗا فَهِيَ إِلَى ٱلۡأَذۡقَانِ فَهُم مُّقۡمَحُونَ٨

36:8. நிச்சயமாக நாம் அவர்களுடைய கழுத்துகளில் மோவாய்க் கட்டைகள் வரையில், அரிகண்டங்களைப் போட்டிருக்கின்றோம். ஆகவே, அவர்கள் (குனிய முடியாதவாறு) தலை நிமிர்ந்து விட்டனர்.

விளக்கம்: குதிரைக்கு கடிவாளம் கட்டிவிட்டது போல், அவர்களுடைய கழுத்துகளில் தாடைவரையில் சடங்கு சம்பிரதாயங்களின் வலைகள் பொருத்தப்பட்டன. எனவே அவர்களால் முன்னோர்களின் வழிபாட்டைத் தவிர, வேறு எதையும் சிந்திக்க முடியாத நிலையில் இருக்கிறார்கள்.

24கானல் நீர்

وَٱلَّذِينَ كَفَرُوٓاْ أَعۡمَٰلُهُمۡ كَسَرَابِۭ بِقِيعَةٖ يَحۡسَبُهُ ٱلظَّمۡـَٔانُ مَآءً حَتَّىٰٓ إِذَا جَآءَهُۥ لَمۡ يَجِدۡهُ شَيۡـٔٗا وَوَجَدَ ٱللَّهَ عِندَهُۥ فَوَفَّىٰهُ حِسَابَهُۥۗ وَٱللَّهُ سَرِيعُ ٱلۡحِسَابِ ٣٩

24:39. அன்றியும், எவர்கள் காஃபிராக இருக்கிறார்களோ, அவர்களுடைய செயல்கள் பாலைவனத்தில் (தோற்றமளிக்கும்) கானல் நீரைப் போலாகும், தாகித்தவன் அதைத் தண்ணீர் என்றே எண்ணுகிறான் -(எதுவரை யெனில்) அதற்கு (அருகில்) அவன் வரும் பொழுது ஒரு பொருளையும் (அங்கே) காணமாட்டானே (அது வரை), ஆனால், அங்கு அவன் அல்லாஹ் (அவனுக்கு விதித்திருக்கும் முடி) வை(யே) காண்கின்றான், (அதன்படி அல்லாஹ்); அவன் கணக்கைத் தீர்க்கிறான், மேலும், அல்லாஹ் கணக்குத் தீர்ப்பதில் துரிதமானவன்.

விளக்கம்: எந்தச் சமுதாயம் வானுலக ஒளியாகிய இறைவழிகாட்டுதலை ஏற்க மறுத்து, அதற்கு மாற்றமாகச் செயல்படுமோ, அவர்களுடைய செயல்களின் பலன்கள் திறந்த வெளியில் தென்படும் கானல் நீரைப் போன்றதாக இருக்கும். தாகமுள்ளவன் அந்தக் கானல் நீரைப் பார்த்து, தண்ணீர் என நினைத்து அதன் பக்கம் விரைவதுபோல, இவர்கள் செய்து வரும் செயல்கள் யாவும் நன்மையானவை என்று நம்பி அவற்றின் பலன்களை எதிர்பார்த்து காத்து கிடக்கிறார்கள்.

அவன் அந்த கானல் நீரின் பக்கம் வரும்போது, அங்கு ஒன்றுமில்லாததைக் காண்பது போலவே அவர்கள் எதிர் பார்க்கும் பலன்கள் ஒருபோதும் கிடைக்கவே கிடைக்காது. இப்படியாக ஒவ்வொரு செயலின் விளைவுகளை ஏற்படுத்தும் விஷயத்திலும் அல்லாஹ்வின் கணக்கு வழக்கு ஒருபோதும் தவறாது. இப்படியாக ஒவ்வொருவருடைய செயல்களின் விளைவுகளும், அல்லாஹ் நிர்ணயித்த விதிமுறைப்படியே ஏற்படுவதைக் காண்பான்.

أَوۡ كَظُلُمَٰتٖ فِي بَحۡرٖ لُّجِّيّٖ يَغۡشَىٰهُ مَوۡجٞ مِّن فَوۡقِهِۦ مَوۡجٞ مِّن فَوۡقِهِۦ سَحَابٞۚ ظُلُمَٰتُۢ بَعۡضُهَا فَوۡقَ بَعۡضٍ إِذَآ أَخۡرَجَ يَدَهُۥ لَمۡ يَكَدۡ يَرَىٰهَاۗ وَمَن لَّمۡ يَجۡعَلِ ٱللَّهُ لَهُۥ نُورٗا فَمَا لَهُۥ مِن نُّورٍ٤٠

24:40. அல்லது (அவர்களின் நிலை) ஆழ்கடலில் (ஏற்படும்) பல இருள்களைப் போன்றதாகும், அதனை ஓர் அலை மூடுகிறது. அதற்கு மேல் மற்றோர் அலை, அதற்கும் மேல் மேகம் (இப்படி) பல இருள்கள். சில சிலவற்றுக்கு மேல் இருக்கின்றன. (அப்பொழுது) அவன் தன் கையை வெளியே நீட்டினால் அவனால் அதைப் பார்க்க முடியாது, எவனுக்கு அல்லாஹ் ஒளியை ஏற்படுத்த வில்லையோ அவனுக்கு எந்த ஒளியுமில்லை.

விளக்கம்: அத்தகைய சமூகத்தவர்களின் வாழ்வு இருளில் மூழ்கி சூனியம் ஆகிவிடுகிறது. எவ்வாறு ஒருவர் ஆழ்கடல் இருளில் மூழ்கித் தத்தளிக்கிறானோ, அது போல அத்தகைய சமுதாயங்களில் பிரச்சனைகள் பல ஏற்பட்டு அதற்குத் தீர்வு காணமுடியாமல் தத்தளித்து வரும். அது மட்டுமின்றி அவரை அந்தக் கடல் அலைகள் இழுத்துச் சென்று, மூழ்கடித்து, அலைக்கு மேல் அலைகளும் அதன்மேல் மேகங்களும் அவனை இருளில் தத்தளிக்க வைப்பது போல, சமுதாயத்தில் பிரச்சனைக்கு மேல் பிரச்சனைகளும், அவற்றைத் தீர்த்துவைக்க முயன்றால் அந்தத் தீர்வுகளால் மேலும் பல சிக்கல்களும் ஏற்பட்டு வரும். (மேலும் பார்க்க 2:17-20)

எவ்வாறு இத்தகைய இருளில் சிக்கித் தவிப்பவன் தன் கைகளை வெளியே நீட்ட முடியாதோ அல்லது தன் கையை வெளியே நீட்டினாலும் அதைப் பார்க்க முடியாதோ, அவ்வாறே சமுதாய சிக்கல்களுக்கு ஒருபோதும் நிலையான தீர்வைக் காணவே முடியாது. இதுவே அல்லாஹ்வின் பேரொளியாக இருக்கும் இறைவழிகாட்டுதலைப் புறக்கணித்து வாழும் சமுதாயங்களின் இழிநிலையாகும்.

25குரங்குகளாகவும் பன்றிகளாகவும் மாறிப் போனவர் கள்?

சட்டம் ஒழுங்கு என்பது அனைவரும் கடைப்பிடிக்க வேண்டிய முக்கிய கடமையாகும். யார் அதை விட்டு தவறிப் போனாலும் சீர்கேடுகள் ஏற்படும். அதுபோல மீனவ இனத்திலும் சட்ட ஒழுங்கு இருந்து வந்தது. அவர்கள் என்ன செய்தார்கள் என்பதைக் கவனியுங்கள்.

وَلَقَدۡ عَلِمۡتُمُ ٱلَّذِينَ ٱعۡتَدَوۡاْ مِنكُمۡ فِي ٱلسَّبۡتِ فَقُلۡنَا لَهُمۡ كُونُواْ قِرَدَةً خَٰسِـِٔينَ٦٥

2:65. உங்க(ள் முன்னோர்க) ளிலிருந்து சனிக்கிழமையன்று (மீன் பிடிக்கக்கூடாது என்ற) வரம்பை மீறியவர்களைப் பற்றி நீங்கள் உறுதியாக அறிவீர்கள். அதனால் அவர்களை நோக்கி "சிறுமையடைந்த குரங்குகளாக ஆகி விடுங்கள்" என்று கூறினோம்.

விளக்கம்: வருடத்தில் சில காலம், மீன் பிடிக்கத் தடை உத்தரவு இருந்து வந்தது. அந்தத் தடை உத்தரவை மீறி நடக்கவே, அவர்களிடையே சண்டை, போட்டி, பொறாமையும் வளர்ந்து குரங்குகள் போன்ற குணங்கள் ஏற்பட்டு, சிறுமை அடைந்தோராய் மாறிப் போனார்கள். வரலாற்றின் இந்த உண்மை உங்களுக்கு நன்றாகத் தெரியும். இதுவும் அல்லாஹ்வின் நிரந்தர சட்டமாகும். (மேலும் பார்க்க 7:167)

قُلۡ هَلۡ أُنَبِّئُكُم بِشَرّٖ مِّن ذَٰلِكَ مَثُوبَةً عِندَ ٱللَّهِۚ مَن لَّعَنَهُ ٱللَّهُ وَغَضِبَ عَلَيۡهِ وَجَعَلَ مِنۡهُمُ ٱلۡقِرَدَةَ وَٱلۡخَنَازِيرَ وَعَبَدَ ٱلطَّٰغُوتَۚ أُوْلَٰٓئِكَ شَرّٞ مَّكَانٗا وَأَضَلُّ عَن سَوَآءِ ٱلسَّبِيلِ٦٠

5:60. அல்லாஹ்விடமிருந்து இதைவிடக் கெட்ட பிரதிபலனை அடைந்தவர்களைப் பற்றி உங்களுக்கு அறிவிக்கட்டுமா? (அவர்கள் யாரெனில்) எவரை அல்லாஹ் சபித்து, இன்னும் அவர்கள் மீது கோபமுங்கொண்டு, அவர்களில் சிலரைக் குரங்குகளாகவும், பன்றிகளாகவும் ஆக்கினானோ அவர்களும், ஷைத்தானை வழிப்பட்டவர்களும் தான். அவர்கள் தாம் மிகவும் தாழ்ந்த நிலையினர், நேரான வழியிலிருந்தும் தவறியவர்கள்" என்று (நபியே!) நீர் கூறுவீராக.

விளக்கம்:“அல்லாஹ்வின் நியதிப்படி மனித செயல்களின் விளைவாக மிக மோசமான நிலைக்கு ஆளான சமூகத்தவர்களைப் பற்றி நான் அறிவிக்கட்டுமா? அவர்கள் (இஸ்ரவேலரகள்) முன்னோர்களின் வரலாறே இதற்கு ஆதாரமாக உள்ளது. அல்லாஹ்வின் கட்டளைகளை மீறிச் செயல்பட்டதால், எல்லா அருட்கொடைகளையும் சுமூகமான சூழ்நிலையும் இழந்து தவிப்புக்குள் ஆயினர். இதனால் மனிதத் தன்மைகள் அவர்களை விட்டு போய்விட்டன. அவர்களுடைய வாழ்க்கைத் தரமும் குரங்குகள் மற்றும் பன்றிகளின் குணங்கள் போன்று ஆயிற்று. (பார்க்க 2:65) அவர்கள் அனைவரும் தம் மனோ இச்சையையே பின்பற்றலானார்கள். நேரான வழியிலிருந்து தவறிச் சென்றவர்களின் நிலை இப்படியாகத் தான் நாளுக்கு நாள் தாழ்ந்து போய்விடும். அப்படி ஒரு நிலை உங்களுக்கும் ஏற்படுவதை நீங்கள் விரும்புகிறீர்களா?” என்று அவர்களிடம் கேளுங்கள்.

وَسۡـَٔلۡهُمۡ عَنِ ٱلۡقَرۡيَةِ ٱلَّتِي كَانَتۡ حَاضِرَةَ ٱلۡبَحۡرِ إِذۡ يَعۡدُونَ فِي ٱلسَّبۡتِ إِذۡ تَأۡتِيهِمۡ حِيتَانُهُمۡ يَوۡمَ سَبۡتِهِمۡ شُرَّعٗا وَيَوۡمَ لَا يَسۡبِتُونَ لَا تَأۡتِيهِمۡۚ كَذَٰلِكَ نَبۡلُوهُم بِمَا كَانُواْ يَفۡسُقُونَ ١٦٣

7:163 (நபியே!) கடற்கரையிலிருந்த (ஓர்) ஊர் மக்களைப் பற்றி நீர் அவர்களைக் கேளும் - அவர்கள் (தடுக்கப்பட்ட ஸப்து) சனிக்கிழமையன்று வரம்பை மீறி (மீன் வேட்டையாடி)க் கொண்டிருந்தார்கள் ஏனென்றால் அவர்களுடைய சனிக்கிழமையன்று (கடல்) மீன்கள், அவர்களுக்கு(த் தண்ணீருக்கு மேலே தலைகளை வெளியாக்கி)க் கொண்டு வந்தன - ஆனால் சனிக்கிழமையல்லாத நாட்களில் அவர்களிடம் (அவ்வாறு வெளியாகி) வருவதில்லை - அவர்கள் செய்து கொண்டிருந்த பாவத்தின் காரணமாக அவர்களை நாம் இவ்வாறு சோதனைக்குள் ஆக்கினோம்.

விளக்கம்: கடலோரம் வாழ்ந்த மீனவ இனத்தைச் சேர்ந்தவர்களுக்கு நேர்ந்த கதி என்ன என்பதை அவர்களிடம் நீர் கேளும். அவர்களிடையே வருடத்தில் சில நாட்கள், மீன் பிடிக்கத் தடை உத்தரவு இருந்து வந்தது. ஆனால் அவர்கள் சிறுக சிறுக தடை உத்தரவை மீறி, மீன் பிடிக்க ஆரம்பித்தார்கள். தடை செய்யப்பட்ட காலத்தில் மீன்களும் தம் இனப் பெருக்கத்திற்காக இயல்பாகவே கடலின் மேல்பரப்பிற்கு வந்து துள்ளி விளையாடும். மற்ற காலங்களில் அவ்வாறு வருவதில்லை. இதனால் அந்தத் தடை உத்தரவு இருந்து வந்தது. இதை அறிந்த அம்மீனவர்கள் தடை உத்தரவை மீறி, மீன் பிடிக்க ஆரம்பித்தார்கள். எனவே அங்குள்ள அனைவரும் கட்டுப்பாட்டை மீறி நடக்கவே, மற்ற விஷயங்களிலும் சட்ட ஒழுங்கு சீரழிந்துவிட்டது. அதனால் அவர்கள் குரங்குகள் மற்றும் பன்றிகளின் குணங்கள் போன்று தரங்கெட்டுப் போனார்கள். (பார்க்க- 2:65,4:47,5:60,16:124)

وَإِذۡ قَالَتۡ أُمَّةٞ مِّنۡهُمۡ لِمَ تَعِظُونَ قَوۡمًا ٱللَّهُ مُهۡلِكُهُمۡ أَوۡ مُعَذِّبُهُمۡ عَذَابٗا شَدِيدٗاۖ قَالُواْ مَعۡذِرَةً إِلَىٰ رَبِّكُمۡ وَلَعَلَّهُمۡ يَتَّقُونَ ١٦٤

7:164. (அவ்வூரிலிருந்த நல்லடியார் சிலர் அறிவுரை சொன்ன போது) அவர்களில் சிலர், “அல்லாஹ் எவர்களை அழிக்கவோ, அல்லது கடினமான வேதனைக்காகவோ நாடியிருக்கிறானோ, அந்தக் கூட்டத்தார்களுக்கு நீங்கள் ஏன் உபதேசம் செய்கிறீர்கள்?" என்று கேட்டார்கள், அதற்கு (அந்த நல்லடியார்கள்): “உங்கள் இறைவனிடம்(நம்) பொறுப்பிலிருந்து நீங்கி விடுவதற்காகவும் இன்னும் அவர்கள் (ஒருவேளை தாங்கள் செய்து வருவதிலிருந்து) விலகி விடலாம் என்பதற்காகவும் (நாங்கள் உபதேசம் செய்கிறோம்) என்றுகூறினார்கள்."

விளக்கம்: ஏற்கனவே 7:159இல் சொன்னது போல அவர்களில் சில நல்லவர்களும் இருந்தார்கள். அவர்கள் இவர்களிடம் இறைக் கட்டளையை மீறி நடப்பதால் ஏற்படும் விபரீத விளைவுகளை எடுத்துரைத்து வந்தார்கள். அவர்களிடம்,“அல்லாஹ்வின் நியதிப்படி அழிந்து வேதனைகளுக்கு ஆளாகப் போகிறவர்களுக்கு நீங்கள் ஏன் வீணாக உபதேசம் செய்கிறீர்கள்?” என்று கேட்டார்கள். அதற்கு அவர்கள்,“இறைவனின் கட்டளைப்படி அவர்களுக்கு நேர்வழியைக் காட்டுவது நம் மீதுள்ள கடமையாகும். எனவே நாம் நேர்வழி காட்டும் பொறுப்பை நிறைவேற்றிக் கொள்கிறோம். ஒரு வேளை அவர்கள் திருந்தி, நேர்வழி பெற வந்திடலாம் அல்லவா? எனவே நாம் அவர்களுக்கு உபதேசம் செய்கிறோம்” என்று கூறினார்கள்.

அதாவது தெரிந்தோ தெரியமாலோ, ஒரு சமுதாயம் தவறான வழியில் செல்கிறது என்றால், அதை அவர்களிடம் எடுத்துரைத்து சீர்த்திருத்துவது வேத ஞானம் பெற்றவர்களின் கடமையாகும். அவர்கள் எப்படி வேண்டுமானாலும் அழிந்து போகட்டும். நமக்கென்ன வந்தது என்று இருந்துவிட்டால், நீங்கள் வேத ஞானம் பெற்றும் அதை மக்கள் நலனுக்காகப் போதிக்கவில்லை என்று பொருள்படும். (பார்க்க 3:104) எனவே நீங்களும் குற்றவாளி ஆகிவிடுகிறீர்கள். மேலும் அந்த அழிவு ஏற்படும் போது நீங்களும் அதில் மடிவீர்கள்.

فَلَمَّا عَتَوۡاْ عَن مَّا نُهُواْ عَنۡهُ قُلۡنَا لَهُمۡ كُونُواْ قِرَدَةً خَٰسِـِٔينَ ١٦٦

7:166. தடுக்கப்பட்டிருந்த வரம்பை அவர்கள் மீறிவிடவே,“நீங்கள் இழிவடைந்த குரங்குகளாகி விடுங்கள்" என்று அவர்களுக்கு நாம் கூறினோம்.

விளக்கம்: வரம்பு மீறின செயல்கள் அதிகமாகிவிடவே அவர்களுடைய நிலைமையும் மோசமாகி குரங்குகள் போன்றத் தன்மை உடைய பாவிகளாக ஆகிவிட்டார்கள்.

சிந்தனையாளர்களே! மீன் பிடிக்க தடை உத்தரவை மீறிய ஒரே குற்றத்திற்காக அவர்களை அல்லாஹ் இழி நிலைக்குத் தள்ளிவிடவில்லை. அந்தத் தடை உத்தரவை மீறியதால் சமுதாயத்தில் இருந்த மற்ற கட்டுப்பாடுகளும் கொஞ்சம் கொஞ்சமாகத் தளர்ந்து விட்டன. இறுதியில் அனைவருமே ஒருவருக்கொருவர் போட்டி, பொறாமை, கலகம் செய்து அங்கு அக்கிரமங்களும், அநியாயங்களும் தலை விரித்தாடின. இதனால் சமுதாயம் பலவீனம் அடைந்து எல்லா தகுதிகளையும் இழந்துவிட்டது. இன்றைய உலகில் நடப்பதும் இதுவே ஆகும்.

26அல்லாஹ்வின் பாதையில் செலவிடுவது

مَّثَلُ ٱلَّذِينَ يُنفِقُونَ أَمۡوَٰلَهُمۡ فِي سَبِيلِ ٱللَّهِ كَمَثَلِ حَبَّةٍ أَنۢبَتَتۡ سَبۡعَ سَنَابِلَ فِي كُلِّ سُنۢبُلَةٖ مِّاْئَةُ حَبَّةٖۗ وَٱللَّهُ يُضَٰعِفُ لِمَن يَشَآءُۚ وَٱللَّهُ وَٰسِعٌ عَلِيمٌ٢٦١

2:261. அல்லாஹ்வின் பாதையில் தங்கள் செல்வத்தைச் செலவிடுபவர்களுக்கு உவமையாவது: ஒவ்வொரு கதிரிலும் நூறு தானிய மணிகளைக் கொண்ட ஏழு கதிர்களை முளைப்பிக்கும் ஒரு வித்தைப் போன்றது, அல்லாஹ் தான் நாடியவர்களுக்கு (இதை மேலும்) இரட்டிப்பாக்குகின்றான், இன்னும் அல்லாஹ் விசாலமான (கொடையுடைய)வன், யாவற்றையும் நன்கறிபவன்.

விளக்கம்: தனக்குக் கிடைத்துள்ள உபரி செல்வங்களை அல்லது வருவாயை அல்லாஹ் காட்டிய வழியில் செயலாற்றும் சமூக அமைப்புக்குக் கொடுத்து விட்டால், அவை குறைந்து விடுமே என்று நினைக்கத் தோன்றும். உதாரணமாக ஒரு விவசாயி தம்மிடமுள்ள தானியத்தை பூமியில் போட்டுவிட்டால், அது அழிந்து விடுமே என்று எண்ணி, அதை அவன் முழுவதுமாகப் பயன்படுத்திக் கொண்டால், உணவு உற்பத்தியை எப்படி பெருக்க முடியும்? எனவே அவன் முறைப்படி பயிரிடுவதால் தான் அது பன்மடங்காகி, அவனுக்கும் மற்றவர்க்கும் உணவு கிடைத்து வருகிறது.

அது போல அல்லாஹ்வின் ஆட்சியமைப்பு அல்லது சமூக அமைப்பின் செயல் திட்டங்களுக்கு நீங்கள் உதவி செய்யாவிட்டால் மக்கள் நலத் திட்டங்களை எப்படி நிறைவேற்றுவது? எனவே இறைவனின் ஆட்சியமைப்புக்கு உதவி செய்வது எதுவும் வீண் போகாது. அதுவும் பன்மடங்காகப் பெருகி உங்களிடமே வந்தடையும். அல்லாஹ்வின் அறிவுரையின்படி உழைத்து வாழ்பவர்களின் செல்வங்கள் பெருகி விடுகிறது. ஆக அல்லாஹ்வின் செயல் திட்டம் மிகவும் விசாலமான ஞானத்தின் அடிப்படையில் உள்ளதாகும் என்பதை அறிந்து கொள்ளுங்கள். (அத்தியாயம் 2:261)

அத்தகைய ஆட்சியமைப்பு இல்லாதிருந்தால் ஒரு கூட்டமைப்பை ஏற்படுத்தி சமூக நலப்பணிகளை செய்து வாருங்கள்.

27பிறருக்குக் காட்டிக்கொள்வதற்காக செய்யும் தான தர்மங்கள்

يَٰٓأَيُّهَا ٱلَّذِينَ ءَامَنُواْ لَا تُبۡطِلُواْ صَدَقَٰتِكُم بِٱلۡمَنِّ وَٱلۡأَذَىٰ كَٱلَّذِي يُنفِقُ مَالَهُۥ رِئَآءَ ٱلنَّاسِ وَلَا يُؤۡمِنُ بِٱللَّهِ وَٱلۡيَوۡمِ ٱلۡأٓخِرِۖ فَمَثَلُهُۥ كَمَثَلِ صَفۡوَانٍ عَلَيۡهِ تُرَابٞ فَأَصَابَهُۥ وَابِلٞ فَتَرَكَهُۥ صَلۡدٗاۖ لَّا يَقۡدِرُونَ عَلَىٰ شَيۡءٖ مِّمَّا كَسَبُواْۗ وَٱللَّهُ لَا يَهۡدِي ٱلۡقَوۡمَ ٱلۡكَٰفِرِينَ ٢٦٤

2:264. நம்பிக்கை கொண்டவர்களே! அல்லாஹ்வின் மீதும், இறுதி நாளின் மீதும் நம்பிக்கை கொள்ளாமல், மனிதர்களுக்கு காட்டுவதற்காகவே தன் பொருளைச் செலவழிப்பவனைப் போல், கொடுத்ததைச் சொல்லி க் காண்பித்தும், நோவினைகள் செய்தும் உங்கள் ஸதக்காவை (தானதர்மங்களைப்) பாழாக்கி விடாதீர்கள், அ(ப்படிச் செய்ப)வனுக்கு உவமையாவது: ஒரு வழுக்குப் பாறையாகும், அதன் மேல் சிறிது மண் படிந்துள்ளது, அதன் மீது பெருமழை பெய்து (அதிலிருந்த சிறிதுமண்ணையும் கழுவித்) துடைத்து விட்டது, இவ்வாறே அவர்கள் செய்த - (தானத்)திலிருந்து யாதொரு பலனையும் அடைய மாட்டார்கள், இன்னும், அல்லாஹ் காஃபிரான மக்களை நேர்வழியில் செலுத்துவதில்லை.

விளக்கம்: இறைவழிகாட்டுதலை மனதார ஏற்றுக்கொண்டவர்களே! நீங்கள் மக்கள் மத்தியில் விளம்பரம் பெறுவதற்காக, தான தர்மம் செய்யாதீர்கள். அவ்வாறு செய்தால் உண்மையிலேயே அல்லாஹ்வையும் அவன் நிர்ணயித்துள்ள மனித செயலுக்கு ஏற்ற இறுதி விளைவுகள் என்ற ஆஃகிரத்தையும் ஏற்றுக் கொள்ளவில்லை என்று தான் பொருள்படும். நீங்கள் அவ்வாறு செய்து வரும் தான தர்மங்களால் ஒரு பலனும் ஏற்படாது. எவ்வாறு கற்பாறைகள் மீது மழை பெய்யும் போது, அதன் மீது படிந்துள்ள தூசியை அடித்துச் சென்று விடுகின்றதோ, அது போல நீங்கள் செய்த தர்மங்கள் பலனற்றுப் போயிவிடும். அல்லாஹ்வின் அறிவுரைக்கு மாற்றமாகச் செயல்படுபவர்கள் நேர்வழி பெறமாட்டார்கள்.

சிந்தனையாளர்களே! மக்களுக்கு காட்டிக் கொள்வதற்காகச் செய்யும் தர்மத்திற்கும் ஆஃகிரத்திற்கும் ஒப்பிட்டுச் சொல்லப்படுகிறது. அதாவது இப்படி தனிப்பட்ட முறையில் தான தர்மம் செய்தால், நலிந்த மக்களிடம் கையேந்தும் பழக்கம் ஏற்பட்டு பிச்சைக்காரர்களாக மாறி விடுவார்கள். இது அல்லாஹ்வின் விருப்பத்திற்கு எதிரானாதாகும்.

وَمَثَلُ ٱلَّذِينَ يُنفِقُونَ أَمۡوَٰلَهُمُ ٱبۡتِغَآءَ مَرۡضَاتِ ٱللَّهِ وَتَثۡبِيتٗا مِّنۡ أَنفُسِهِمۡ كَمَثَلِ جَنَّةِۭ بِرَبۡوَةٍ أَصَابَهَا وَابِلٞ فَـَٔاتَتۡ أُكُلَهَا ضِعۡفَيۡنِ فَإِن لَّمۡ يُصِبۡهَا وَابِلٞ فَطَلّٞۗ وَٱللَّهُ بِمَا تَعۡمَلُونَ بَصِيرٌ٢٦٥

2:265 அல்லாஹ்வின் திருப்பொருத்தத்தை அடையவும், தங்கள் ஆத்மாக்களை உறுதியாக்கிக் கொள்ளவும், யார் தங்கள் செல்வங்களைச் செலவு செய்கிறார்களோ அவர்களுக்கு உவமையாவது: உயரமான (வளமுள்ள) பூமியில் ஒரு தோட்டம் இருக்கிறது, அதன் மேல் பெருமழை பெய்கிறது, அப்பொழுது அதன் விளைச்சல் இரட்டிப்பாகிறது, இன்னும், அதன் மீது அப்படிப் பெருமழை பெய்யா விட்டாலும் பொடிமழையே அதற்குப் போதுமானது, அல்லாஹ் நீங்கள் செய்வதை எல்லாம் பார்க்கின்றவனாக இருக்கின்றான்.

விளக்கம்: மாறாக அல்லாஹ்வின் விருப்பப்படி ஓர் அமைப்பை ஏற்படுத்தி, அதற்கு தம்மாலான பொருளுதவி செய்து அதன் மூலமாக அனைத்துத் தரப்பு மக்களின் துயரங்களையும் நீக்கி அவர்களின் மேம்பாட்டிற்காக உதவி செய்து வரவேண்டும். இப்படிச் செய்யும் உதவிகள் தாம் பலனுள்ளதாக இருக்கும்.

எவ்வாறு மேட்டுப் பகுதியில் இருக்கும் பூமியில் பெருமழை பெய்தாலும் கொஞ்சமே பெய்தாலும் அது செழிப்புடன் இரட்டிப்பான நல்ல விளைச்சலைத் தருகின்றதோ, அது போல நீங்கள் இறை சமூக அமைப்பிற்கு, உங்களிடம் உள்ள செல்வத்தை அளித்து, சிறப்பான சமுதாயம் உருவாக பங்கெடுத்துக் கொண்டால், உங்களுள் சிறப்பான ஒழுக்க மாண்புகளும் செயல்வேகமும் வளரும். ஆக நீங்கள் செய்வது எதுவும் அல்லாஹ்வின் கண்காணிப்பிலிருந்து தப்புவதில்லை என்பதை நினைவில் கொண்டு செயல்படுங்கள். அதாவது அதற்குரிய பலன்கள் நிச்சயமாகக் கிடைக்கும்.

28இவ்விருவரும் சமமாவார்களா?

لَّا يَسۡتَوِي ٱلۡقَٰعِدُونَ مِنَ ٱلۡمُؤۡمِنِينَ غَيۡرُ أُوْلِي ٱلضَّرَرِ وَٱلۡمُجَٰهِدُونَ فِي سَبِيلِ ٱللَّهِ بِأَمۡوَٰلِهِمۡ وَأَنفُسِهِمۡۚ فَضَّلَ ٱللَّهُ ٱلۡمُجَٰهِدِينَ بِأَمۡوَٰلِهِمۡ وَأَنفُسِهِمۡ عَلَى ٱلۡقَٰعِدِينَ دَرَجَةٗۚ وَكُلّٗا وَعَدَ ٱللَّهُ ٱلۡحُسۡنَىٰۚ وَفَضَّلَ ٱللَّهُ ٱلۡمُجَٰهِدِينَ عَلَى ٱلۡقَٰعِدِينَ أَجۡرًا عَظِيمٗا٩٥

4:95. ஈமான் கொண்டவர்களில் உட்கார்ந்திருப்பவர்களும், தங்களுடைய சொத்துக்களையும், தங்களுடைய உயிர்களையும் (அர்ப்பணித்தவர்களாக) அல்லாஹ்வின் பாதையில் போர் புரிபவர்களும் சமமாக மாட்டார்கள், தங்களுடைய பொருட்களையும், தங்களுடைய உயிர்களையும் (அர்ப்பணித்தவர்களாக) அறப்போர் செய்வோரை, உட்கார்ந்திருப்பவர்களை விட அந்தஸ்தில் அல்லாஹ் மேன்மையாக்கி வைத்துள்ளான்,

விளக்கம்: மேலும் மூஃமின்களில் இருபிரிவினர் இருக்கிறார்கள். அவர்களில் ஒரு பிரிவினர் அல்லாஹ்வின் பாதையில் சமூக நலப்பணிகளில் அல்லும் பகலும் அயராது உழைப்பவர்கள், அதற்காகத் திட்டங்களைத் தீட்டி தம் செல்வத்தையும் உயிரையும் பணயம் வைத்துச் செயல்படும் செயல்வீரர்கள்-இவர்கள் ஒரு பக்கம். இப்படிப்பட்ட எந்தச் செயலிலும் பங்கெடுக்காமல் தத்தம் தொழிலில் நிலைத்திருப்பவர்கள் மறுபக்கம். இவர்கள் இருவரும் சமமாக மாட்டார்கள்.

قُل لَّا يَسۡتَوِي ٱلۡخَبِيثُ وَٱلطَّيِّبُ وَلَوۡ أَعۡجَبَكَ كَثۡرَةُ ٱلۡخَبِيثِۚ فَٱتَّقُواْ ٱللَّهَ يَٰٓأُوْلِي ٱلۡأَلۡبَٰبِ لَعَلَّكُمۡ تُفۡلِحُونَ١٠٠

5:100. (நபியே!) தீயவை அதிகமாக இருப்பது உம்மை ஆச்சரியப்படுத்திய போதிலும்,“தீயதும், நல்லதும் சமமாகா, எனவே, அறிவாளிகளே! அல்லாஹ்வுக்கு அஞ்சி நடந்துக் கொள்ளுங்கள். அதனால் நீங்கள் வெற்றியடைவீர்கள்" என்று நீர் கூறுவீராக.

விளக்கம்: மனிதவள மேம்பாட்டிற்காகவும், உலக அமைதிக்காகவும் செயல்படுவது நன்மையான செயல்களாகும். அழிவை ஏற்படுத்தும் செயல்கள் யாவும் பாவச் செயல்களாகும். எனவே இவை இரண்டும் சமமாகாது. ஆனால் உலகில் தீயவை அதிகமாக இருப்பதைப் பார்த்து யாரும் ஆச்சரியப்படத் தேவையில்லை. தீய செயலை அனைவரும் இணைந்து செய்தால் அதில் தவறு ஒன்றுமில்லை என்ற நினைப்பில் இருப்பார்கள். எனவே அறிவாளிகளே! நீங்கள் அவ்வாறு செயல்படாதீர்கள். அல்லாஹ்வின் கட்டளைக்கு மட்டும் அடிபணிந்து செயல்படுங்கள். உங்கள் வாழ்வின் இலட்சிய இலக்கை அடைவதில் வெற்றி பெறுவீர்கள்.

قُلۡ هَلۡ يَسۡتَوِي ٱلۡأَعۡمَىٰ وَٱلۡبَصِيرُۚ أَفَلَا تَتَفَكَّرُونَ٥٠

6:50. இன்னும் நீர் கூறும்: "குருடனும், பார்வையுடையவனும் சமமாவாரா? நீங்கள் சிந்திக்க வேண்டாமா?"

விளக்கம்: “எவ்வாறு குருடனும் பார்வை உடையவனும் சமமாக மாட்டாரோ, அதே போல் இறைவழிகாட்டுதலை ஏற்று சிறப்பாக வாழ்பவர்களும், அவற்றை நிராகரித்து குருட்டுத்தனமாக வாழ்பவர்களும் சமமாக மாட்டார்கள். இதைப் பற்றி நீங்கள் சிந்திக்க வேண்டாமா?” என்று அவர்களிடம் கேளுங்கள்.

أَوَمَن كَانَ مَيۡتٗا فَأَحۡيَيۡنَٰهُ وَجَعَلۡنَا لَهُۥ نُورٗا يَمۡشِي بِهِۦ فِي ٱلنَّاسِ كَمَن مَّثَلُهُۥ فِي ٱلظُّلُمَٰتِ لَيۡسَ بِخَارِجٖ مِّنۡهَاۚ كَذَٰلِكَ زُيِّنَ لِلۡكَٰفِرِينَ مَا كَانُواْ يَعۡمَلُونَ١٢٢

6:122. மரணம் அடைந்த ஒருவனை நாம் உயிர்ப்பித்து எழுப்பினோம் -இன்னும் அவனுக்கு ஓர் ஒளியையும் கொடுத்தோம். அதைக் கொண்டு அவன் மனிதர்களிடையே நடமாடுகிறான். மற்றொருவன் இருள்களில் சிக்கிக் கிடக்கிறான், அதைவிட்டு அவன் வெளியேறவே முடியாது -இவ்விருவரும் சமமாவாரா? இவ்வாறே காஃபிர்களுக்கு அவர்கள் செய்யக் கூடிய (பாவச்)செயல்கள் அழகாக்கப்பட்டுள்ளன.

விளக்கம்: நடைபிணமாக வாழும் ஒருவனுக்கு நாம் உயிரோட்டமுள்ள வாழ்வைக் கொடுக்கிறோம். இதற்காக ஒளிமயமான வழிகாட்டுதலை அளிக்கிறோம். அவன் மக்கள் மத்தியில் அதை பரப்புகிறான். மற்றொருவன் இருளில் சிக்கித் தவிக்கிறான். அதை விட்டு அவனால் வெளியே வரவே முடியவில்லை. இவ்விருவரும் சமமாவார்களா? இவ்வாறே இறைவழிகாட்டுதலை ஏற்க மறுப்பவர்கள் செய்யும் செயல்கள் யாவும் அவர்களுக்கு அழகாகத் தோன்றுகின்றன.

அதாவது இறைவழிகாட்டுதலை நிராகரிப்பவர்களுக்கு கிணற்றின் வாழும் தவளை போல் இருட்டில் இருப்பதே ஆனந்தமாக இருக்கிறது. வெளிச்சத்திற்கு வர கசப்பாக இருக்கிறது. எனவே அவர்கள் தாங்களே உருவாக்கி வைத்துள்ள சடங்கு சம்பிரதாயங்களைக் கொண்டு மகிழ்வடைகிறார்கள்.

۞ أَجَعَلۡتُمۡ سِقَايَةَ ٱلۡحَآجِّ وَعِمَارَةَ ٱلۡمَسۡجِدِ ٱلۡحَرَامِ كَمَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَجَٰهَدَ فِي سَبِيلِ ٱللَّهِۚ لَا يَسۡتَوُۥنَ عِندَ ٱللَّهِۗ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ ١٩

9:19. ஹாஜிகளுக்குத் தண்ணீர் புகட்டுவோரையும், கஃபத்துல்லாஹ்வை நிர்வாகம் செய்வோரையும், அல்லாஹ்வின் மீதும், இறுதிநாள் மீதும் ஈமான் கொண்டு, அல்லாஹ்வின் பாதையில் அறப்போர் புரிந்தோருக்குச் சமமாக ஆக்கிவிட்டீர்களா? அல்லாஹ்வின் சமூகத்தில் (இவ்விருவரும்) சமமாக மாட்டார்கள் - அநியாயக்காரர்களை அல்லாஹ் நேர்வழியில் செலுத்தமாட்டான்.

விளக்கம்: கஅபா என்கிற தலைமைச் செயலகத்தை நிர்வகிப்பதாகச் சொல்லிக் கொண்டு, அங்கு வருடந்தோறும் ஹஜ்ஜுக்காகத் திரளாகக் கூடும் மக்களுக்குத் தண்ணீரையும், சாப்பாட்டையும் கொடுத்து விட்டால் மட்டும் போதுமா? அல்லாஹ்வின் வழிகாட்டுதலை ஏற்று, “மனித செயல்களுக்கேற்ற இறுதி விளைவுகள்” என்கிற ஆஃகிரத்தையும் ஏற்று, சமுதாய மேம்பாட்டிற்காக தம்மை அர்ப்பணித்துக் கொண்டவர்களுக்கு இவர்கள் சமமாகி விடுவார்களா? இவ்விருவரும் ஒருபோதும் சமமாக மாட்டார்கள். எனவே அவர்களை அந்த செயலகத்தை விட்டு வெளியேற்றிவிட வேண்டும். இத்தகைய நற்செயல்கள் எதையும் செய்யாதவர்களே அநியாயக்காரர்கள் ஆவார்கள். இவர்களுக்கு நேர்வழி கிடைப்பது எப்படி?

۞ مَثَلُ ٱلۡفَرِيقَيۡنِ كَٱلۡأَعۡمَىٰ وَٱلۡأَصَمِّ وَٱلۡبَصِيرِ وَٱلسَّمِيعِۚ هَلۡ يَسۡتَوِيَانِ مَثَلًاۚ أَفَلَا تَذَكَّرُونَ ٢٤

11:24. இவ்விரு பிரிவினர்களுக்கு உதாரணம்: (ஒரு பிரிவினர்) குருடர், செவிடர்போலவும் (இனியொரு பிரிவினர் (நல்ல) பார்வையுள்ளவர், (நல்ல) கேட்கும் சக்தியையுடையவர் போலவும் இருக்கின்றனர். இவ்விரு பிரிவினரும் ஒப்புவமையில் சமமாவாரா? நீங்கள் சிந்திக்க வேண்டாமா?

விளக்கம்: இரு பிரிவினர்களுக்கு ஒரு உதாரணத்தைக் கொண்டு விளங்கிக் கொள்ளலாம். ஒரு பிரிவினர் சிந்தித்து உணர முடியாத குருடர்கள், செவிடர்களைப் போன்றவர்களாக இருக்கின்றனர். மற்றொரு பிரிவினர் எதையும் சிந்தித்து செயலாற்றும் தகுதியுடையவர்களாக இருக்கிறார்கள். இவ்விரு பிரிவினரும் சமம் ஆவார்களா? நீங்களே சிந்தித்துப் பதில் கூறுங்கள். (மேலும் பார்க்க 13:16-19&35:19)

மேற்சொன்ன இந்த உதாரணத்திற்கு இன்றைய நடைமுறை உலகமே சாட்சியாகும். சிந்தித்து செயலாற்றும் நாடுகள் சிறப்பாகவும், மூடநம்பிக்கையில் மூழ்கிக் கிடக்கும் நாடுகள் மிகவும் பின்தங்கிய நிலையில் இருப்பதையும் நாம் காண்கிறோம். இருந்தபோதிலும் பொருளாதார ரீதியாக முன்னேற்றம் அடைந்த நாடுகளில் மனித ஒழுக்க மாண்புகள் சம்பந்தப்பட்ட இறைவழிகாட்டுதல்கள் இல்லாததால், அவர்களுடைய வளர்ச்சியே அவர்களை அழிவின் பக்கம் அழைத்துச் சென்று விடுகிறது. இது இன்றைய உலகில் நடக்கின்ற விஷயமல்ல. காலம் காலமாய் இப்படித் தான் நடந்து வந்துள்ளது.

۞ ضَرَبَ ٱللَّهُ مَثَلًا عَبۡدٗا مَّمۡلُوكٗا لَّا يَقۡدِرُ عَلَىٰ شَيۡءٖ وَمَن رَّزَقۡنَٰهُ مِنَّا رِزۡقًا حَسَنٗا فَهُوَ يُنفِقُ مِنۡهُ سِرّٗا وَجَهۡرًاۖ هَلۡ يَسۡتَوُۥنَۚ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ٧٥

16:75. அல்லாஹ் (இருவரை) உதாரணம் கூறுகிறான்: பிறிதொருவனுக்கு உடமையாக்கப் பட்ட எந்தப் பொருளின் மீதும் (அதிகார) உரிமை பெறாத ஓர் அடிமை, மற்றொருவனோ, நம்மிடமிருந்து அவனுக்கு நல்ல உணவு (ம் மற்றும்) பொருள்களும் கொடுத்து இருக்கின்றோம், அவனும் அவற்றிலிருந்து ரகசியமாகவும் பகிரங்கமாகவும் (நம்வழியில்) செலவு செய்கிறான். இவ்விருவரும் சமமாவாரா? அல்ஹம்து லில்லாஹ் (புகழ் எல்லாம் அல்லாஹ்வு;க்கே) - என்றாலும் அவர்களில் பெரும்பாலோர் (இதனை) அறிந்து கொள்வதில்லை.

விளக்கம்: நீங்கள் உதாரணங்களையே கூற விரும்பினால், அல்லாஹ் காட்டும் உதாரணங்களையே நீங்களும் கூறலாம். ஒருவர் ஏழை அடிமையாக வாழ்கிறார். அவர் தன்னிச்சையாக செயல்பட முடியாது. மற்றொருவர் இருக்கிறார். அவருக்கு எல்லா வசதி வாய்ப்புகளும் கிடைத்துள்ளன. அவன் அவற்றிலிருந்து மற்றவர்க்கு மறைமுகமாகவும் வெளிப்படையாகவும் சமுதாய மேம்பாட்டிற்காக கொடுத்து உதவுகிறார். நீங்களே சொல்லுங்கள். இவர்கள் இருவரும் சமமாவார்களா? இரண்டாம் வகையைச் சேர்ந்தவர் அல்லாஹ்வின் செயல்திட்டங்களை புகழுக்குரியவையாக ஆக்குகிறார் அல்லவா? ஆனால் பெரும்பாலான மக்கள் இந்த உண்மையை அறிந்து கொள்வதில்லை.

அதாவது எல்லா மனிதனுக்கும் ஒரே மாதிரியான ஆற்றலை அல்லாஹ் கொடுத்திருந்தால், அவன் இயந்திரங்களைப் போலவே ஒரே பணியை செய்து வரும் நிர்பந்தத்தில் இருந்திருப்பான். அவனுக்கு எந்த சுதந்திரமும் திறமையும் கிடைத்திருக்காது. ஆனால் மனிதனுக்கு முழு சுதந்திரத்தையும் அளித்து விட்டு, ஒவ்வொருவரும் தம்மிடமுள்ள திறமைக்கு ஏற்றவாறு உழைத்து, தம் வாழ்வாதார வசதிகளை பெருக்கிக்கொள்ள முயலவேண்டும். அவ்வாறு உழைத்துப் பெற்ற செல்வங்களை தம் தேவைக்கு போக மிகுதியானவற்றை பிறருடைய தேவைகளை நிறைவேற்ற பயன்படுத்த வேண்டும். அவ்வாறு செய்வது தம் கடமை என்ற எண்ணத்தோடு இருக்கவேண்டும். ஏதோ நன்றிக் கடனுக்காக என நினைத்து செய்யக் கூடாது. இப்படிப்பட்ட சமூக அமைப்பு உருவானால் அல்லாஹ்வின் செயல்திட்டங்கள் யாவும் ஆயிரமாயிரம் புகழுக்குரியவையாக ஆகிவிடுகின்றன. இதை மக்களிடமும் எடுத்துரைக்க வேண்டும். சிறு வயதிலிருந்தே மாணவ மாணவிகளுக்குப் பாடங்களாகக் இதைக் கற்றுத்தர வேண்டும்.

وَضَرَبَ ٱللَّهُ مَثَلٗا رَّجُلَيۡنِ أَحَدُهُمَآ أَبۡكَمُ لَا يَقۡدِرُ عَلَىٰ شَيۡءٖ وَهُوَ كَلٌّ عَلَىٰ مَوۡلَىٰهُ أَيۡنَمَا يُوَجِّههُّ لَا يَأۡتِ بِخَيۡرٍ هَلۡ يَسۡتَوِي هُوَ وَمَن يَأۡمُرُ بِٱلۡعَدۡلِ وَهُوَ عَلَىٰ صِرَٰطٖ مُّسۡتَقِيمٖ٧٦

16:76. மேலும், அல்லாஹ் இரு மனிதர்களைப் பற்றிய (மற்றும்) ஓர் உதாரணம் கூறுகிறான்: அவ்விருவரில் ஒருவன் ஊமை (யான அடிமை), எந்தப் பொருளின் மீது (உரிமையும்) சக்தியும் அற்றவன், தன் எஜமானனுக்குப் பெரும் சுமையாகவும் அவன் இருக்கின்றான், எங்கு அவனை அனுப்பினாலும் அவன் யாதொரு நன்மையும் கொண்டு வரமாட்டான், மற்றவனோ, தானும் நேர்வழியிலிருந்து, (பிறரையும் நன்மை செய்யுமாறு) நீதியைக் கொண்டு ஏவுகிறான் - இவனுக்கு (முந்தியவன்)சமமாவானா?

விளக்கம்: அல்லாஹ் கூறும் இன்னொரு உதாரணத்தையும் கவனியுங்கள். ஒருவர் ஊமையாக இருக்கிறார். எந்த திறமையும் இல்லாதவர். அவர் தம் எஜமானனுக்குப் பெரும் சுமையாக இருக்கிறார். அவரை எங்கு அனுப்பினாலும் அவரால் எந்த நன்மையும் கொண்டு வர முடியாத நிலையில் இருக்கிறார். மற்றவரோ தானும் நேர்வழியில் இருந்து கொண்டு, நீதி நியாயத்தை வழங்கி, நன்மையான செயல்களை செய்து வரும்படி அறிவிறுத்தி வருகிறார். ஆக இவர்கள் இருவரும் சமமாவார்களா?

அதாவது மூட நம்பிக்கைகளுக்கு அடிமையாகி வாழ்பவர்களால், உலகிற்கு எந்த நன்மையும் செய்ய முடியாது. மாறாக எதையும் சிந்தித்துச் செயலாற்றும் தகுதியுடையவர்ளால் மட்டுமே நாட்டிற்கும் உலகிற்கும் நன்மைகளை சேர்க்க முடியும். இந்த உண்மைகள் எல்லாம் அவர்களுடைய சிந்தனைப் புலனகளை விட்டு மறைவாக உள்ளவையாகும். எனவே வஹீ எனும் இறைவழிகாட்டுதலை மக்களுக்கு எடுத்துரைத்து, விழிப்புணர்ச்சி ஏற்படுத்துவது ஒவ்வொரின் முக்கிய கடமையாகும். மேலும் அவர்களுக்கு இத்தகைய உதாரணங்களின் மூலம் விளக்கவேண்டும்.

أَفَمَن كَانَ مُؤۡمِنٗا كَمَن كَانَ فَاسِقٗاۚ لَّا يَسۡتَوُۥنَ١٨

32:18. எனவே, (அத்தகைய) முஃமினானவர் (வரம்பு மீறிய) பாவியைப் போல்ஆவாரா? (இருவரும்) சமமாக மாட்டார்கள்.

விளக்கம்: நீங்களே சிந்தித்துப் பாருங்கள். அழகான சமூக அமைப்பும், தலைச்சிறந்த நாடும் உருவாக பாடுபடும் மூஃமின்களும், சமூக நல்லிணக்கத்தை சீரழிக்கும் பாவிகளும் சமமாகி விடுவார்களா? இவ்விருவரும் ஒருபோதும் சமமாக மாட்டார்கள். காரணம்:

أَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَلَهُمۡ جَنَّٰتُ ٱلۡمَأۡوَىٰ نُزُلَۢا بِمَا كَانُواْ يَعۡمَلُونَ١٩

32:19. எவர்கள் ஈமான் கொண்டு ஸாலிஹான (நல்ல) அமல்களைச் செய்கிறார்களோ, அவர்களுக்கு அவர்கள் செய்யும் (நற்)கருமங்களின் காரணமாக சுவனபதிகள் தங்குமிடங்களாகி (அங்கு அவர்கள்) விருந்தினராய் (உபசரிக்கப் படுவார்கள்).

விளக்கம்: அல்லாஹ்வின் வழிகாட்டுதலை ஏற்று அதன்படி சமூக நலத்திட்டங்களைத் தீட்டி உழைத்து வரும் சமுதாயம் அவர்களுடைய நற்செயல்களின் பலனாக அது சுவனத்திற்கு ஒப்பானதாக மாறிவரும். அங்கு வாழ்பவர்கள் அனைவரும் இன்புற்று இருப்பார்கள்.

وَأَمَّا ٱلَّذِينَ فَسَقُواْ فَمَأۡوَىٰهُمُ ٱلنَّارُۖ كُلَّمَآ أَرَادُوٓاْ أَن يَخۡرُجُواْ مِنۡهَآ أُعِيدُواْ فِيهَا وَقِيلَ لَهُمۡ ذُوقُواْ عَذَابَ ٱلنَّارِ ٱلَّذِي كُنتُم بِهِۦ تُكَذِّبُونَ ٢٠

32:20. ஆனால் எவர்கள் (வரம்பு மீறிப்) பாவம் செய்தார்களோ, அவர்கள் தங்குமிடம் (நரக) நெருப்புத் தான் - அவர்கள் அதை விட்டு வெளியேற நாடும் போதெல்லாம், அதிலேயே மீண்டும் தள்ளப்பட்டு: “எதனை நீங்கள் பொய்ப்பித்துக் கொண்டிருந்தீர்களோ அந்த (நரக)நெருப்பின் வேதனையை அனுபவியுங்கள்" என்று அவர்களுக்கு சொல்லப்படும்.

விளக்கம்: இதற்கு மாறாக இறைவழிகாட்டுதலில் குறைகளைக் கண்டுபிடித்து அவற்றிற்கு மாற்றமாகச் செயல்படும் சமுதாயம் பிரச்சனைகள் நிறைந்த நரகமாக மாறிவரும். அந்த வேதனைகளிலிருந்து வெளிவர எவ்வளவு தான் முயன்றாலும் அவற்றிலிருந்து விடுபட முடியாது. அந்த பிரச்னைகளின் தீர்வுகளில் பலப் புதுப் பிரச்சனைகள் உருவெடுக்கும். இத்தகைய வேதனைகளைப் பற்றி இவ்வேதம் முன்னெச்சரிக்கை செய்கிறது. ஆனால் அவர்களோ அப்படி எதுவும் நடக்காது என்று அலட்சியமாய் இருந்து விடுகிறார்கள். “இதோ! அந்த வேதனைகள் வந்துவிட்டன. அவற்றை அனுபவியுங்கள்” என்று கூறுவதாக சூழ்நிலைகள் உருவாகி வருகின்றன. எனவே இவ்விரு வகையான சமுதாயங்கள் சமமானவர்கள் ஆவார்களா?

وَمَا يَسۡتَوِي ٱلۡأَعۡمَىٰ وَٱلۡبَصِيرُ١٩

35:19. குருடனும், பார்வையுடையவனும் சமமாக மாட்டார்கள்.

விளக்கம்: எனவே மூடநம்பிக்கையில் குருட்டுத்தனமாக வாழ்பவர்கள் ஒரு பக்கம். இறைவழிகாட்டுதலை முன்வைத்து சிந்தித்துச் செயலாற்றுபவர்கள் மறுபக்கம். இவ்விருவரும் சமமாவார்களா?

وَلَا ٱلظُّلُمَٰتُ وَلَا ٱلنُّورُ ٢٠

35:20. (அவ்வாறே) இருளும் ஒளியும் (சமமாகா)

விளக்கம்: அதே போல் முன்னோர்களின் வழிப்பாடு என்ற இருளில் வாழ்பவர்கள் ஒரு புறம். இறைவழிகாட்டுதலின் ஒளியில் வாழ்பவர்கள் மறு பக்கம். இவ்விருவரும் சமமாக மாட்டார்கள்.

وَلَا ٱلظِّلُّ وَلَا ٱلۡحَرُورُ٢١

35:21. (அவ்வாறே) நிழலும் வெயிலும் (சமமாகா).

விளக்கம்: அதே போல் மூட நம்பிக்கையில் சிக்கித் வெயிலில் வாடுபவனும், இறைவழிகாட்டுதல் என்ற நிழலின் கீழ் சுகமாக வாழ்பவனும் சமமாக மாட்டார்கள்.

وَمَا يَسۡتَوِي ٱلۡأَحۡيَآءُ وَلَا ٱلۡأَمۡوَٰتُۚ إِنَّ ٱللَّهَ يُسۡمِعُ مَن يَشَآءُۖ وَمَآ أَنتَ بِمُسۡمِعٖ مَّن فِي ٱلۡقُبُورِ٢٢

35:22. அன்றியும், உயிருள்ளவர்களும், இறந்தவர்களும் சமமாக மாட்டார்கள். நிச்சயமாக அல்லாஹ்வை நாடி வருபவர்களைச் செவியேற்கும் படிச் செய்கிறான். கப்ருகளில் உள்ளவர்களைக் கேட்கும்படிச் செய்பவராக நீர் இல்லை.

விளக்கம்: மேலும் சிறந்த முறையில் செயலாற்றி ஜீவனுள்ள வாழ்க்கையை வாழ்பவர்களும், எதையும் சிந்திக்காமல் நடைபிணமாக வாழ்பவர்களும் சமமாக மாட்டார்கள். இப்படியாக இறைவன், “தான் நாடியவர்களை” செவியேற்கச் செய்கிறான். எனவே நடைபிணமாக வாழ்பவர்களை நீர் கேட்கச் செய்ய முடியாது.

அதாவது இருளில் வாழ விருப்பவர்களுக்கும் நடைபிணங்களாக வாழ விரும்புவோருக்கும் குருட்டுதனமாக வாழவே எண்ணுபவர்களுக்கும் இறைவன் நேர்வழியை காட்டமாட்டான். சிந்தித்துச் செயலாற்றும் பகுத்தறிவு உடையவர்களுக்கே இறைவன் செவியுறச் செய்கிறான். இதுவே இறைவனின் நாட்டமாகும்.

إِنۡ أَنتَ إِلَّا نَذِيرٌ٢٣

35:23 நீர் அச்சமூட்டி எச்சரிப்பவரேயன்றி வேறு அல்ல

விளக்கம்: இறைவழிகாட்டுதலை எடுத்துரைப்பவரே! தவறான செயல்களால் ஏற்படும் விபரீத விளைவுகளைப் பற்றி எடுத்துரைத்து முன்னெச்சரிக்கை செய்வதே உம் பணியாகும். அவற்றை ஏற்று நடப்பதும நடக்காததும் அவரவர் விருப்பமாகும் (பார்க்க 18:29)

أَمۡ نَجۡعَلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ كَٱلۡمُفۡسِدِينَ فِي ٱلۡأَرۡضِ أَمۡ نَجۡعَلُ ٱلۡمُتَّقِينَ كَٱلۡفُجَّارِ ٢٨

38:28 அல்லது ஈமான் கொண்டு (ஸாலிஹான) நல்லமல்கள் செய்வோரை பூமியில் குழப்பம் செய்வோரைப் போல் நாம் ஆக்கி விடுவோமா? அல்லது, பயபக்தி உடையோரைப் பாவிகளைப் போல் நாம் ஆக்கிவிடுவோமா?

விளக்கம்: அல்லாஹ்வின் வழிகாட்டுதலை ஏற்று, சமுதாய மேம்பாட்ட்ற்காக ஆக்கப்பூர்வமான நலத்திட்டங்களைத் தீட்டி, உழைப்பவர்கள் ஒரு பக்கம். நாட்டையும் நாட்டு மக்களையும் வழிகெடுத்து குழப்பங்களையும, கலவரங்களையும் தூண்டுவோர் மறு பக்கம். ஆக இவ்விரு பிரிவினரும் சமமாவார்களா? இறைவனின் நியதிப்படி உள்ள “மனிதச் செயல்களுக் கேற்ற விளைவுகள்” என்ற சட்டத்திற்குப் பயந்து நடப்பவர்களும், மனம் போக்கில் பாவச்செயல்களைச் செய்வோரும் சமமாவார்களா?

أَمَّنۡ هُوَ قَٰنِتٌ ءَانَآءَ ٱلَّيۡلِ سَاجِدٗا وَقَآئِمٗا يَحۡذَرُ ٱلۡأٓخِرَةَ وَيَرۡجُواْ رَحۡمَةَ رَبِّهِۦۗ قُلۡ هَلۡ يَسۡتَوِي ٱلَّذِينَ يَعۡلَمُونَ وَٱلَّذِينَ لَا يَعۡلَمُونَۗ إِنَّمَا يَتَذَكَّرُ أُوْلُواْ ٱلۡأَلۡبَٰبِ٩

39:9. எவர் மறுமையை அஞ்சி, தன் இறைவனுடைய ரஹ்மத்தை ஆதரவுவைத்து இராக்காலங்களில் ஸுஜூது செய்தவராகவும், நிலையில் நின்றவராகவும் வணங்குகிறாரோ அவர் (நிராகரிப்பவரைப் போல்) ஆவாரா? (நபியே!) நீர் கூறும்: “அறிந்தோரும், அறியாதோரும் சமமாவார்களா? நிச்சயமாக (இக்குர்ஆனைக் கொண்டு) நல்லுபதேசம் பெறுவோர் அறிவுடையவர்கள் தாம்."

விளக்கம்: இறைவன் நிர்ணயித்துள்ள “மனிதச் செயல்களின் இறுதி விளைவுகள்” என்கின்ற ஆகிரத்தை ஏற்று, தவறான செயல்களைத் தவிர்த்து, இறைச் சட்டங்களுக்கு முற்றிலும் அடிபணிந்து, இரவுப் பகலாக உழைத்து, இறை அருட்கொடைகளைப் பெறுபவர்கள் ஒருபுறம். அல்லாஹ்வுக்கு இணையாக கற்பனைத் தெய்வங்களையும், மகான்களையும் வணங்கி வருபவர்கள் மறுபக்கம். இவ்வாறு அறிஞர்களும், அறிவிலிகளும் சமமானவர்கள் என நீங்கள் கூறுவீர்களா? எனவே அறிவைப் பயன்படுத்தும் சிந்தனையாளர்கள் தாம் இறைவனின் அறிவுரைகளை ஏற்று அவற்றின்படி செயல்படுவார்கள்.

ضَرَبَ ٱللَّهُ مَثَلٗا رَّجُلٗا فِيهِ شُرَكَآءُ مُتَشَٰكِسُونَ وَرَجُلٗا سَلَمٗا لِّرَجُلٍ هَلۡ يَسۡتَوِيَانِ مَثَلًاۚ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ٢٩

39:29. அல்லாஹ் ஓர் உதாரணம் கூறுகிறான்: ஒருவருடன் ஒருவர் கருத்து வேற்றுமை கொண்டிருக்கும் பல எஜமானர்களுக்கு (ஊழியம் செய்யும்) ஒரு மனிதனும், ஒரே மனிதனுக்கு (ஊழியம் செய்யும் பிறிதொரு) மனிதனும் இருக்கின்றனர். இவர்கள் இருவரும் சமமாவார்களா? அல்ஹம்து லில்லாஹ் - எல்லாப் புகழும் அல்லாஹ்வுக்கே! எனினும் அவர்களில் பெரும்பாலோர் அறியமாட்டார்கள்.

விளக்கம்: ஒருவர் பல்வேறு கொள்கைக் கோட்பாடுகளைக் கொண்ட பல எஜமானர்களிடம் பணி புரிகிறார். இன்னொருவர் ஒரே கொள்கையுடைய ஓர் எஜமானனிடம் பணிபுரிகிறார். இவ்விருவரும் சமமாவார்களா? மனிதனின் சிறப்பான வாழ்க்கைக்கு சரியான பாதையைக் காட்டிய அல்லாஹ், போற்றுதலுக்குரியவனே ஆவான். ஆனால் இந்த உண்மை பெரும்பாலான மக்களுக்குத் தெரியாது.

அதே போல ஒரு சமுதாயம், பல தெய்வ வழிபாட்டில் மூழ்கி அச்சமுதாயத்தினரிடையே கருத்து வேற்றுமைகளும், மோதல்களும் இருந்தால், அது சிறப்பான சமுதாயமாகத் திகழுமா? ஓர் இறைவன், சமுதாயத்தை வழிநடத்திச் செல்லும் ஒரு தலைவர், ஓரிறைக் கொள்கையுடைய வேதம் என்று அனைவரும் இணைந்து ஒருமித்த கொள்கையுடன் “அனைத்து சந்தோஷங்களும் அனைவருக்கும்” என்ற அடிப்படையில் ஒரு சமுதாயம் உருவெடுக்குமானால், அது எவ்வளவு சிறப்பான சமுதாயமாக இருக்கும்? அப்படிப்பட்ட சமுதாயத்தில் தான் அல்லாஹ்வின் பாராட்டுகளும் போற்றுதல்களும் ஒலித்துக் கொண்டே இருக்கும்.

وَلَا تَسۡتَوِي ٱلۡحَسَنَةُ وَلَا ٱلسَّيِّئَةُۚ ٱدۡفَعۡ بِٱلَّتِي هِيَ أَحۡسَنُ فَإِذَا ٱلَّذِي بَيۡنَكَ وَبَيۡنَهُۥ عَدَٰوَةٞ كَأَنَّهُۥ وَلِيٌّ حَمِيمٞ٣٤

41:34. நன்மையும் தீமையும் சமமாக மாட்டா. நீங்கள் (தீமையை) நன்மையைக் கொண்டே தடுத்துக் கொள்வீராக! அப்பொழுது, யாருக்கும உமக்கும் இடையே பகைமை இருந்ததோ, அவர் உற்ற நண்பரைப் போல் ஆகிவிடுவார்.

விளக்கம்: சமுதாய சமச்சீர்நிலையைக் கொண்டுவர சிறப்பாகச் செயல்படுபவரும், சமுதாயத்தைக் கெடுக்கும் தீயவர்களும் சமமாக மாட்டார்கள். எனவே சமுதாய நலத்திட்டங்களுக்காக பாடுபட்டு வந்தால்தான், சமூகச் சீர்கேடுகள் சிறுக சிறுக நீங்கி வரும். அப்போது யாரெல்லாம் உங்களை எதிர்த்து நின்றார்களோ, அவர்கள் எல்லாம் உற்ற நண்பர்களாக மாறிவிடுவார்கள்.

أَمۡ حَسِبَ ٱلَّذِينَ ٱجۡتَرَحُواْ ٱلسَّيِّـَٔاتِ أَن نَّجۡعَلَهُمۡ كَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَوَآءٗ مَّحۡيَاهُمۡ وَمَمَاتُهُمۡۚ سَآءَ مَا يَحۡكُمُونَ٢١

45:21. எவர்கள் தீமைகள் செய்கிறார்களோ அவர்களை, எவர்கள் ஈமான்கொண்டு நல்ல அமல்கள் செய்கிறார்களோ அவர்களுக்குச் சமமாக நாம் ஆக்கிவிடுவோம் என்று எண்ணுகிறார்களா? அவர்கள் உயிருடன் இருப்பதும், மரணமடைவதும் சமமாகுமா? அவர்கள் முடிவு செய்துகொண்டது மிகவும் கெட்டதாகும்.

விளக்கம்: சமுதாயத்தை கெடுக்கும் வகையில் செயல்படுபவர்கள், அல்லாஹ்வின் வழிகாட்டுதலை ஏற்று சமுதாய மேம்பாட்டிற்காகப் பாடுபவர்களுக்கு சமமானவர்கள் என எண்ணிக் கொள்கிறார்களா? எவ்வாறு உயிருடன் இருப்பவர்களும் மரணமடைந்தவர்களும் சமமாக மாட்டார்களோ, அவ்வாறே இவ்விரு பிரிவினரும் சமமாக மாட்டார்கள். இவ்விருவரும் சமம் என எண்ணிக் கொண்டது மிகவும் கெட்டதாகும்.

ذَٰلِكَ بِأَنَّ ٱلَّذِينَ كَفَرُواْ ٱتَّبَعُواْ ٱلۡبَٰطِلَ وَأَنَّ ٱلَّذِينَ ءَامَنُواْ ٱتَّبَعُواْ ٱلۡحَقَّ مِن رَّبِّهِمۡۚ كَذَٰلِكَ يَضۡرِبُ ٱللَّهُ لِلنَّاسِ أَمۡثَٰلَهُمۡ ٣

47:3. இது ஏனெனில்: நிராகரிப்போர் அசத்தியத்தையே நிச்சயமாகப் பின்பற்றுகிறார்கள், நம்பிக்கை கொண்டவர்களோ, நிச்சயமாகத் தங்களுடைய இறைவனிடமிருந்து (வந்து)ள்ளதையே பின்பற்றுகிறார்கள் -இவ்வாறே மனிதர்களுக்கு அல்லாஹ் அவர்கள் நிலைமையை உவமானங்களா(கக் கூறி விள)க்குகிறான்.

விளக்கம்: இறை நிராகரிப்பவர்களும் மூஃமின்களுக்கும் உள்ள வேற்றுமையை அறிந்து கொள்ளுங்கள். இறை நிராகரிப்பவர்கள் போலியான வழிமுறைகளைக் கடைப்பிடித்து கற்பனையோடு வாழ்கின்றனர். ஆனால் மூஃமின்கள் தம் இறைவனிடமிருந்து அருளப்பட்ட வழிகாட்டுதலின்படி சமுதாய மேம்பாட்டிற்காக நன்மைப் பயக்கும் வழிமுறைகளைப் பின்பற்றுகின்றனர். இந்தப் பேருண்மையை உலக மக்கள் அனைவரும் புரிந்து கொள்ளவேண்டும் என்பதற்காக இத்தகைய உதாரணங்களை அல்லாஹ் எடுத்துரைக்கிறான்.

أَفَمَن كَانَ عَلَىٰ بَيِّنَةٖ مِّن رَّبِّهِۦ كَمَن زُيِّنَ لَهُۥ سُوٓءُ عَمَلِهِۦ وَٱتَّبَعُوٓاْ أَهۡوَآءَهُم١٤

47:14. எனவே எவர் தம் இறைவனின் தெளிவான பாதையில் இருக்கிறாரோ, அவர் எவனுடைய செயலின் தீமை அவனுக்கு அழகாகக் காண்பிக்கப்பட்டுள்ளதோ, இன்னும் எவர்கள் தன் மனோ இச்சைகளைப் பின்பற்றுகின்றார்களோ அத்தகையோருக்கு ஒப்பாவாரா?

விளக்கம்: இறைவனின் தெளிவான வழிகாட்டுதலைப் பின்பற்றி சரியான பாதையில் இருப்பவர்கள் ஒரு பக்கம். தம் மனோ இச்சையைப் பின்பற்றி, தாம் செய்வது அனைத்தும் அழகானதே என்று எண்ணிக்கொண்டு, தகாத செயல்களை எல்லாம் செய்துகொண்டு இருப்பவர்கள் மறு பக்கம். இவ்விருவரும் சமமாகி விடுவார்களா?(பார்க்க 45:21)

يَٰصَٰحِبَيِ ٱلسِّجۡنِ ءَأَرۡبَابٞ مُّتَفَرِّقُونَ خَيۡرٌ أَمِ ٱللَّهُ ٱلۡوَٰحِدُ ٱلۡقَهَّارُ ٣٩

12:39."சிறையிலிருக்கும் என் இரு தோழர்களே! வெவ்வேறான பல தெய்வங்கள் இருப்பது நல்லதா? அல்லது (யாவரையும்) அடக்கி ஆளுகின்ற ஒருவனான அல்லாஹ்வா?

விளக்கம்: யூஃசுப் நபி சிறையில் அடைப்பட்ட போது, “சிறையில் இருக்கும் என் தோழர்களே! மனிதனின் ஒவ்வொரு தேவைக்கும் ஒரு தெய்வம் என எண்ணி அவற்றிடம் மன்றாடிக் கொண்டிருப்பது சிறந்ததா அல்லது எல்லா தேவைகளையும் நிறைவேற்றும் பேராற்றல்கள் உடைய ஒரே இறைவனின் கட்டளைக்கு இணங்கி செயல்படுவது சிறந்ததா என்பதை நீங்களே சிந்தியுங்கள். ஆக அகிலங்கள் அனைத்தையும் அடக்கி ஆளும் இறைவன் அல்லாஹ் ஒருவனே ஆவான்” என்று கூறினார்.

29தூங்குவது போல் பாசாங்கு செய்பவன்

ٱللَّهُ يَتَوَفَّى ٱلۡأَنفُسَ حِينَ مَوۡتِهَا وَٱلَّتِي لَمۡ تَمُتۡ فِي مَنَامِهَاۖ فَيُمۡسِكُ ٱلَّتِي قَضَىٰ عَلَيۡهَا ٱلۡمَوۡتَ وَيُرۡسِلُ ٱلۡأُخۡرَىٰٓ إِلَىٰٓ أَجَلٖ مُّسَمًّىۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ٤٢

39:42. அல்லாஹ்வும் உயிர்களை அவை மரணிக்கும் போதும், மரணிக்காதவற்றை அவற்றின் நித்திரையிலும் கைப்பற்றி, பின்பு எதன் மீது மரணத்தை விதித்து விட்டானோ அதை (தன்னிடத்தில்) நிறுத்திக் கொள்கிறான். மீதியுள்ளவற்றை ஒரு குறிப்பிட்ட தவணை வரை (வாழ்வதற்காக) அனுப்பி விடுகிறான் - சிந்தித்துப் பார்க்கும் மக்களுக்கு, நிச்சயமாக அதில் அத்தாட்சிகள் இருக்கின்றன.

விளக்கம்: மனித வாழ்வின் நிலையைக் கவனித்துப் பாருங்கள். அல்லாஹ்வின் நியதிப்படி அவனுக்கு மரணம் வரத்தான் செய்கிறது. அவன் மரணித்த பின் இவ்வுலகில் இருக்கும் தகுதியை இழந்து விடுகின்றான். ஆனால் தினந்தோறும் அவனுக்கு தூக்கமும் ஏற்பட்டு வருகின்றது. அதுவும் தற்காலிக மரணத்தைப் போன்றே உள்ளது. ஆனால் அவனால் அந்தத் தூக்கத்திலிருந்து விழித்துக் கொள்ள முடிகிறது. இப்படியாக அவன் குறிப்பிட்ட காலம் வரையில் இவ்வுலகில் உயிர் வாழ்கிறான். சிந்தித்துப் பார்க்கும் மக்களுக்கு இதில் அத்தாட்சிகள் பல இருக்கும்.

அதாவது மூடநம்பிக்கையில் மூழ்கி வெறும் நடைபிணமாக வாழ்பவர்களுக்கு இந்தக் குர்ஆனின் உண்மைகைள புரிய வைக்க முடியாது. ஏனெனில் அவன் உயிர் வாழ்வதில் எந்த அர்த்தமும் இருப்பதில்லை. இரண்டாவதாக தூங்குபவனை தட்டி எழுப்பிவிடலாம். ஆனால் தூங்குவதைப் போல் பாசாங்கு செய்பவனை எழுப்பவே முடியாது. அவனை அடித்து தான் எழப்ப வேண்டும். அது போல இறைவழிகாட்டுதல் பெறாமல் அலட்சியமாக தூங்கிக் கொண்டிருப்பவனை புரிய வைத்துவிடலாம். ஆனால் எல்லாம் அறிந்தும் அறியாதது போல் தூங்கிக் கொண்டிருப்பவனை நேர்வழியில் கொண்டுவர முடியாது. அவனுக்குத் தண்டனை அளித்துதான் திருத்த வேண்டும்.

30செவிடர்களும் குருடர்களும்

ٱنظُرۡ كَيۡفَ كَذَبُواْ عَلَىٰٓ أَنفُسِهِمۡۚ وَضَلَّ عَنۡهُم مَّا كَانُواْ يَفۡتَرُونَ ٢٤

6:24. (நபியே!) அவர்கள் தங்களுக்கு எதிராக எவ்வாறு பொய் கூறிக் கொண்டார்கள் என்பதைப் பாரும், ஆனால் (இறைவனுக்கு இணையானவை என்று அவர்கள் பொய்யாகக்) கற்பனை செய்ததெல்லாம் (அவர்களுக்கு உதவிடாமல் மறைந்து விடும்.)

விளக்கம்: அல்லாஹ்வைப் பற்றி கற்பனைக் கதைகளைக் கூறி, வழிகேட்டில் சென்று, அல்லாஹ்வின் வழிகாட்டுதலைப் பொய்யாக்குபவர்களின் கதி என்ன ஆகிறது என்பதை சற்று வனியுங்கள்.

وَمِنۡهُم مَّن يَسۡتَمِعُ إِلَيۡكَۖ وَجَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرٗاۚ وَإِن يَرَوۡاْ كُلَّ ءَايَةٖ لَّا يُؤۡمِنُواْ بِهَاۖ حَتَّىٰٓ إِذَا جَآءُوكَ يُجَٰدِلُونَكَ يَقُولُ ٱلَّذِينَ كَفَرُوٓاْ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ٢٥

6:25. அவர்களில் சிலர் உம் பேச்சைக் கேட் (பது போல் பாவனை செய்)கின்றனர், நாம் அவர்களுடைய உள்ளங்களில் அதை விளங்கிக் கொள்ளாது இருக்குமாறு திரைகளையும் இன்னும் அவர்கள் காதுகளில் செவிட்டுத் தன்மையையும் ஏற்படுத்தினோம், இன்னும் அவர்கள் எல்லா அத்தாட்சிகளையும் பார்த்தாலும் அவற்றை நம்ப மாட்டார்கள், இன்னும் இவர்கள் உம்மிடம் வந்தால் உம்மோடு வாதாடுவார்கள், “இவையெல்லாம் முன்னோர்களுடைய கட்டுக்கதைகளே அன்றி வேறில்லை" என்று இந்நிராகரிப்போர் கூறுவார்கள்.

விளக்கம்: இத்தகையவர்கள் யார் என்றால் மனிதனின் சிறப்பான வாழ்விற்கு மிகச் சரியான பாதையை காட்டும் வேத அறிவுரைகளை எடுத்துரைத்தால், அவர்கள் இதைக் கேட்பது போல் பாவனை செய்தவர்கள். உண்மையில் அவற்றை விளங்கிக்கொள்ள வருவதில்லை. எனவே அல்லாஹ்வின் நியதிப்படி அப்படிப்பட்டவர்களின் உள்ளங்களில் திரையும், காதுகளில் செவிட்டுத் தன்மையும் ஏற்பட்டு விடுகின்றன. நீங்கள் எவ்வளவுதான் ஆதாரங்களைக் காட்டினாலும் அதை ஏற்க மாட்டார்கள். அப்படியே உங்களிடம் வந்தாலும் “மஹஷர் நாள்’ – அதாவது விளைவுகள் தோற்றத்திற்கு வரும் காலம் என்பதெல்லாம் முன்னோர்களின் கட்டுக் கதைகளே ஆகும். அப்படி எதுவும் நிகழாது” என்று கூறி தர்க்கம் செய்தவர்கள்.

۞ أَفَمَن يَعۡلَمُ أَنَّمَآ أُنزِلَ إِلَيۡكَ مِن رَّبِّكَ ٱلۡحَقُّ كَمَنۡ هُوَ أَعۡمَىٰٓۚ إِنَّمَا يَتَذَكَّرُ أُوْلُواْ ٱلۡأَلۡبَٰبِ١٩

13:19. உம் இறைவனால் உம் மீது நிச்சயமாக இறக்கப்பட்ட (வேதத்)தை உண்மையென அறிகிறவர் குருடராக இருப்பவரைப் போலாவாரா? நிச்சயமாக (இவ்வேதத்தின் மூலம்) அறிவுடையவர்கள் தாம் நல்லுபதேசம் பெறுவார்கள்.

விளக்கம்: இறைவழிகாட்டுதல்கள் உம் இறைவன் புறத்திலிருந்து அருளப்படுகின்றன என்பதை அறிந்து, அதன்படி செயல்படுபவர் குருடர்களைப் போலாவாரா? ஒருபோதும் இல்லை. சிந்தித்து செயலாற்றுபவர்களுக்கே இவ்வழிகாட்டுதலிருந்து அறிவுரைகள் கிடைக்கும்.

وَلَا تَكُونُواْ كَٱلَّذِينَ قَالُواْ سَمِعۡنَا وَهُمۡ لَا يَسۡمَعُونَ٢١

8:21. (மனப்பூர்வமாகச்) செவியேற்காமல் இருந்து கொண்டே “நாங்கள் செவியுற்றோம்" என்று (நாவால் மட்டும்) சொல்கின்றவர்களைப் போன்று நீங்கள் ஆகிவிடாதீர்கள்.

விளக்கம்: எதையும் சரிவர கேட்காமலேயே நாங்கள் அவற்றைக் கேட்டுக் கொண்டோம் என்று அலட்சியமாக இருந்து விடாதீர்கள். அவ்வாறு ஒப்புக்காகக் கேட்டு அலட்சியமாக இருப்பவர்களைப் போல் நீங்கள் ஆகிவிடாதீர்கள்.

۞ إِنَّ شَرَّ ٱلدَّوَآبِّ عِندَ ٱللَّهِ ٱلصُّمُّ ٱلۡبُكۡمُ ٱلَّذِينَ لَا يَعۡقِلُونَ٢٢

8:22. நிச்சயமாக அல்லாஹ்விடத்தில் உயிர்ப் பிராணிகளில் மிக்க கேவலமானவர்கள் (உண்மை யை) அறிந்து கொள்ளாச் செவிடர்களும், ஊமைக ளும் தாம்.

விளக்கம்: எதையும் கேட்டு நன்றாக அறிந்துக்கொண்டு சீரிய சிந்தனையுடன் செயல்பட வேண்டும். இப்படி எதையும் அறிந்துக்கொள்ளாத செவிடர்களும் ஊமைகளுமே அல்லாஹ்விடத்தில் மிகவும் கேவலமான உயிர்ப் பிராணிகள் போல் ஆவர்.

وَلَوۡ عَلِمَ ٱللَّهُ فِيهِمۡ خَيۡرٗا لَّأَسۡمَعَهُمۡۖ وَلَوۡ أَسۡمَعَهُمۡ لَتَوَلَّواْ وَّهُم مُّعۡرِضُونَ٢٣

8:23. அறிந்திருந்தால், அவன் அவர்களைச் செவியேற்குமாறு செய்திருப்பான், (அவர்கள் இருக்கும் நிலையில்) அவன் அவர்களைச் செவியேற்கச் செய்தாலும் அவர்கள் புறக்கணித்து மாறியிருப்பார்கள்.

விளக்கம்: அப்படியும் அவர்களிடம் செவியேற்று அறிந்துக் கொள்ளும் ஆற்றல் சிறிதளவாவது இருந்திருந்தால், அல்லாஹ்வின் நியதிப்படி அவர்களை செவி ஏற்குமாறு செய்திருக்க முடியும். ஆனால் அவர்களிடத்தில் அந்தத் தகுதி கூட அறவே இல்லையே. அதையும் மீறி அவர்களை வலுக்கட்டாயமாக கேட்கச் செய்தாலும், அவர்கள் புறக்கணிக்கவே செய்வார்கள்.

وَمِنۡهُم مَّن يَسۡتَمِعُونَ إِلَيۡكَۚ أَفَأَنتَ تُسۡمِعُ ٱلصُّمَّ وَلَوۡ كَانُواْ لَا يَعۡقِلُونَ ٤٢

10:42. இன்னும் உம் வார்த்தைகளைக் கேட்பவர்கள் (போல் பாவனை) செய்பவர்களும் அவர்களில் இருக்கின்றனர் - எதுவுமே விளங்கிக்கொள்ள இயலாச் செவிடர்களை நீர் கேட்கும்படிச் செய்ய முடியுமா?

விளக்கம்: மேலும் உம்முடைய பேச்சை கேட்க வருபவர்களுள் சிலர் இருக்கிறார்கள். அவர்கள் உம் பேச்சை கேட்பது போலவே பாவனை செய்கிறார்கள். எதையும் விளங்கிக்கொள்ள விரும்பாத செவிடர்களை நீர் கேட்கும்படி செய்ய முடியுமா?

وَمِنۡهُم مَّن يَنظُرُ إِلَيۡكَۚ أَفَأَنتَ تَهۡدِي ٱلۡعُمۡيَ وَلَوۡ كَانُواْ لَا يُبۡصِرُونَ ٤٣

10:43. உம்மைப் பார்ப்போரும் அவர்களில் இருக்கிறார்கள் - (எதுவும்) பார்க்க இயலாத குருடர்களை நீர் நேர்வழியில் செலுத்த முடியுமா?

விளக்கம்: மேலும் அவர்கள் உம் பேச்சைக் கேட்பது போல உன்னையே பார்ப்பவர்களும் இருக்கிறார்கள். ஆனால் அவர்கள் உம் அறிவுரைகளைக் கேட்டு சிந்தித்துப் பார்க்க விரும்பாத குருடர்களே ஆவர். இத்தகையவர்களை நேர்வழியில் செலுத்த முடியுமா?

إِنَّ ٱللَّهَ لَا يَظۡلِمُ ٱلنَّاسَ شَيۡـٔٗا وَلَٰكِنَّ ٱلنَّاسَ أَنفُسَهُمۡ يَظۡلِمُونَ٤٤

10:44. நிச்சயமாக அல்லாஹ் மனிதர்களுக்கு எவ்வித அநியாயமும் செய்வதில்லை - எனினும் மனிதர்கள் தமக்குத் தாமே அநியாயம் செய்துக் கொள்கிறார்கள்.

விளக்கம்: உண்மை விஷயம் என்ன வென்றால் அல்லாஹ் மனிதர்களுக்கு எவ்வித அநியாமும் அணுஅளவு கூட செய்வதில்லை (மேலும் பார்க்க 4:40) ஆனால் மக்கள் தான் அல்லாஹ்வின் அறிவுரைகளை கேட்காமல் தம் மனம்போன போக்கில் வாழ்ந்து தமக்குத்தாமே தீங்கிழைத்துக் கொள்கிறார்கள்.

وَإِذَا قَرَأۡتَ ٱلۡقُرۡءَانَ جَعَلۡنَا بَيۡنَكَ وَبَيۡنَ ٱلَّذِينَ لَا يُؤۡمِنُونَ بِٱلۡأٓخِرَةِ حِجَابٗا مَّسۡتُورٗا٤٥

17:45. (நபியே!) நீர் குர்ஆனை ஓதினால் உமக்கிடையிலும் மறுமையின் மீது ஈமான் கொள்ளாதவர்களுக்கு இடையிலும் மறைக்கப்பட்டுள்ள ஒரு திரையை அமைத்து விடுகிறோம்.

விளக்கம்: இந்த குர்ஆனின் அறிவுரைகளை அவர்களுக்கு எடுத்துரைக்கும் போது, “மனித செயல்களின் இறுதி விளைவுகள்” என்ற இறைவனின் விதிமுறையை ஏற்று நடப்பவர்களுக்கும் அவற்றை மறுப்பவர்களுக்கும் இடையே பிளவு ஏற்படுகிறது.

وَجَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرٗاۚ وَإِذَا ذَكَرۡتَ رَبَّكَ فِي ٱلۡقُرۡءَانِ وَحۡدَهُۥ وَلَّوۡاْ عَلَىٰٓ أَدۡبَٰرِهِمۡ نُفُورٗا ٤٦

17:46. இன்னும், அவர்கள் அதனை விளங்கிக் கொள்வதை விட்டும் அவர்களுடைய காதுகளின் மீது செவிட்டுத்தனத்தையும் நாம் அமைத்து விடுகிறோம், இன்னும் குர்ஆனில், உம்முடைய இறைவன் ஒருவனை மட்டும் நீர் குறிப்பிடும் போது, அவர்கள் வெறுப்படைந்து தம் பின் புறங்களில் (திரும்பி விரண்டவர்களாகப்) பின் வாங்கிவிடுகிறார்கள்.

விளக்கம்: இறைவனின் நியதிப்படி அவர்கள் புரிந்துகொள்ள முடியாதபடி, அவர்களுடைய உள்ளங்களில் திரைகள் பல ஏற்பட்டு விடுகின்றன. அதைப் பற்றி எடுத்துரைத்தாலும், அவர்கள் எதுவும் கேட்காதது போல் சென்று விடுவார்கள். எனவே தான் இந்தப் பிரபஞ்சத்தை அடக்கியாளும் வல்லமைப் பெற்ற இறைவன் ஒருவனே. அவனுக்கு மட்டுமே மனிதனும் கட்டுப்பட்டு வாழவேண்டும் என்று நீர் அவர்களிடம் எடுத்துரைக்கும் போது, அவர்கள் முகத்தை திருப்பி கொண்டு திரும்பிச் சென்று விடுகிறார்கள்.

نَّحۡنُ أَعۡلَمُ بِمَا يَسۡتَمِعُونَ بِهِۦٓ إِذۡ يَسۡتَمِعُونَ إِلَيۡكَ وَإِذۡ هُمۡ نَجۡوَىٰٓ إِذۡ يَقُولُ ٱلظَّٰلِمُونَ إِن تَتَّبِعُونَ إِلَّا رَجُلٗا مَّسۡحُورًا٤٧

17:47. (நபியே!) அவர்கள் உமக்குச் செவி சாய்த்தால், என்ன நோக்கத்துடன் செவி சாய்க்கின்றார்கள் என்பதையும் அவர்கள் தமக்குள் இரகசியமாக ஆலோசனை செய்யும் போது, “சூனியம் செய்யப்பட்ட ஒரு மனிதரையே அன்றி (வேறெவரையும்) நீங்கள் பின்பற்றவில்லை" என்று (தங்களுக்குள்) அந்த அநியாயக்காரர்கள் சொல்வதையும் நாம் நன்கு அறிவோம்.

விளக்கம்: அப்படியும் அவர்கள் உங்களுடைய பிரச்சார கூட்டத்தில் கலந்து கொண்டாலும், அதன் நோக்கம் நற்போதனைகளைக் கேட்டு அதன்படி செயல்படுவதற்காக என்று இருப்பதில்லை. அவர்கள் அக்கூட்டத்தை விட்டுச் சென்றதும், “இவை யாவும் மக்களை வசியப்படுத்தும் வெற்றுப் பேச்சுக்களே. நீங்கள் அவருடைய பேச்சில் உண்மை இருப்பதாக எண்ணி அவரை பின்பற்ற வேண்டியதில்லை” என்று தங்களுக்குள் பேசிக் கொள்கிறார்கள். அவர்கள் செய்வதெல்லாம் அல்லாஹ்வுக்கு நன்குத் தெரியும் என்பதை அவர்களுக்கு எடுத்துரையுங்கள்.

ٱنظُرۡ كَيۡفَ ضَرَبُواْ لَكَ ٱلۡأَمۡثَالَ فَضَلُّواْ فَلَا يَسۡتَطِيعُونَ سَبِيلٗا ٤٨

17:72. யார் இம்மையில் (நேர்வழியடையாக்) குருடனாக இருக்கிறானோ அவன் மறுமையிலும் (நற்பேற்றைக் காணாக்) குருடன் தான், இன்னும், அவன் நேர்வழியில் மிகவும் தவறியவனாவான்.

விளக்கம்: இவ்வுலக வாழ்வில் குருட்டுத்தனமாக வாழ்ந்து வந்தால், அவனுடைய மறுமை வாழ்விலும் குருடனாகவே வாழ நேரிடும். அதாவது அத்தகையவர்களுக்கு இவ்வுலகிலும் எவ்வித சிறப்பும் இருப்பதில்லை. மறுமை வாழ்விலும் எந்தப் பலனும் கிடைக்காது. இத்தகையவர்களே நேர்வழியை விட்டுத் தவறியவர்கள் ஆவார்கள். (மேலும் பார்க்க 20:124)

وَمَن يَهۡدِ ٱللَّهُ فَهُوَ ٱلۡمُهۡتَدِۖ وَمَن يُضۡلِلۡ فَلَن تَجِدَ لَهُمۡ أَوۡلِيَآءَ مِن دُونِهِۦۖ وَنَحۡشُرُهُمۡ يَوۡمَ ٱلۡقِيَٰمَةِ عَلَىٰ وُجُوهِهِمۡ عُمۡيٗا وَبُكۡمٗا وَصُمّٗاۖ مَّأۡوَىٰهُمۡ جَهَنَّمُۖ كُلَّمَا خَبَتۡ زِدۡنَٰهُمۡ سَعِيرٗا ٩٧

17:97. அல்லாஹ் யாரை நேர்வழியில் செலுத்துகிறானோ, அவர் தாம் நேர்வழிப் பெற்றவர் ஆவார், இன்னும் அவன் யாரை வழிகேட்டில் விடுகிறானோ அ(த்தகைய)வருக்கு உதவி செய்வோர் அவனையன்றி வேறு எவரையும் நீர் காணமாட்டீர், மேலும் அவர்களைக் குருடர்களாகவும், ஊமையர்களாகவும், செவிடர்களாகவும் தம் முகங்களில் குப்புறவரும் படி செய்து கியாம நாளில் ஒன்று சேர்ப்போம், இன்னும் அவர்கள் ஒதுங்கும் இடம் நரகமேயாகும், (நரக நெருப்பு) அணையும் போதெல்லாம் நாம் அவர்களுக் கு நெருப்பை அதிகமாக்குவோம்.

விளக்கம்: ஒரு விஷயத்தை எப்போதும் நினைவில் கொள்ளுங்கள். யார் அல்லாஹ்வின் வழிகாட்டுதலின்படி செயல்படுகிறார்களோ, அவர்களே நேர்வழி பெற்றவர் ஆவார். மாறாக யார் வழிகேட்டில் செல்ல நாடுகிறார்களோ, அவர்களுக்கு உதவி புரிவோர் வேறு எவரும் இருக்க மாட்டார்கள். மேலும் அத்தகையவர்களை நாம் இவ்வுலகில் மட்டுமின்றி மறுமை நாளிலும் குருடர்களாகவும், ஊமைகளாகவும், செவிடர்களாகவும் இருக்க நேரிடும். இத்தகையோர் ஒதுங்குமிடம் நரகமாகவே இருக்கும். அந்த நரக வேதனைகள் குறையும் போதெல்லாம், அதை மீண்டும் அதிகமாகிவிடும்.

وَمَنۡ أَظۡلَمُ مِمَّن ذُكِّرَ بِـَٔايَٰتِ رَبِّهِۦ فَأَعۡرَضَ عَنۡهَا وَنَسِيَ مَا قَدَّمَتۡ يَدَاهُۚ إِنَّا جَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرٗاۖ وَإِن تَدۡعُهُمۡ إِلَى ٱلۡهُدَىٰ فَلَن يَهۡتَدُوٓاْ إِذًا أَبَدٗا٥٧

18:57. எவன் தன் இறைவனுடைய வசனங்களைக் கொண்டு உபதேசிக்கப்பட்டும் அவற்றைப் புறக்கணித்து, தன்னிரு கரங்களும் செய்த குற்றங்களை மறந்து விடுகிறானோ அவனை விடப் பெரிய அக்கிரமக்காரன் எவன் இருக்கின்றான்? நிச்சயமாக நாம் அவர்களுடைய இருதயங்களின் மீது, இதை விளங்கிக் கொள்ளாதவாறு திரைகளையும், அவர்களுடைய செவிகளில் செவிட்டுத் தனத்தையும் ஏற்படுத்தி இருக்கிறோம், ஆதலால் நீர் அவர்களை நேர்வழியின் பால் அழைத்தாலும், அவர்கள் ஒரு போதும் நேர்வழி அடைய மாட்டார்கள்.

விளக்கம்: நீங்களே சற்று சிந்தித்துப் பாருங்கள். சமுதாய மக்களுக்கு நேர்வழி எவை தீய செயல்கள் எவை என்பதை தெள்ளத் தெளிவாக எடுத்துரைத்து அறிவுரை செய்தும் கூட, அவற்றை ஏற்க மறுப்பவர்களை என்னவென்று சொல்வது? இத்தனைக்கும் அவர்களுடைய செயல்களுக்கு ஏற்ப விளைவுகளை அவர்கள் சந்தித்தே ஆகவேண்டும் என்ற நிலை இருக்கும் போது, அந்த அறிவுரைகளை நிராகரிப்பவனை விட அநியாயக்காரர்கள் வேறு யாராக இருக்க முடியும்? அல்லாஹ்வின் நியதிப்படி இத்தகையவர்களின் உள்ளங்களில் திரை ஏற்பட்டு விடுகிறது. அதாவது அவர்களால் இறைவழிகாட்டுதலை விளங்கிக்கொள்ள முடிவதில்லை. அது மட்டுமின்றி அவர்களுடைய காதுகளில் செவிட்டுத்தனமும் ஏற்பட்டுவிடுகிறது. எனவே அவர்களை நேர்வழியின் பக்கம் அழைத்தாலும், அவர்கள் ஒருபோதும் நேர்வழியின் பக்கம் வரவும் மாட்டார்கள்.

إِنَّكَ لَا تُسۡمِعُ ٱلۡمَوۡتَىٰ وَلَا تُسۡمِعُ ٱلصُّمَّ ٱلدُّعَآءَ إِذَا وَلَّوۡاْ مُدۡبِرِينَ٨٠

27:80. நிச்சயமாக நீர் மரித்தோரைக் கேட்கும் படிச் செய்ய முடியாது, -அவ்வாறே செவிடர்களையும் - அவர்கள் புறங்காட்டித் திரும்பி விடும்போது - (உம்) அழைப்பைக் கேட்கும் படிச் செய்யமுடியாது.

விளக்கம்: எனவே எந்த ஆற்றலும் இல்லாமல் நடைபிணமாக வாழ்பவர்களை, இறைவழிகாட்டுதலை செவியேற்குமாறு செய்ய முடியாது. காரணம் காதிருந்தும் செவிடர்களைப் போல் இருப்பவர்கள் புறங்காட்டி ஓடிவிடுவார்கள். உன் அறிவுரைகள் இத்தகையவர்களின் மனதில் பதியாது.

அதே போன்று, இறந்து போனவர்களையும் யாரும் செவியேற்க வைக்க முடியாது. எனவே அவர்களுடைய கல்லறைகளுக்குச் சென்று தம் குறைகளைச் சொல்லிக் கொண்டிருப்பதும் வீண்.

وَمَآ أَنتَ بِهَٰدِي ٱلۡعُمۡيِ عَن ضَلَٰلَتِهِمۡۖ إِن تُسۡمِعُ إِلَّا مَن يُؤۡمِنُ بِ‍َٔايَٰتِنَا فَهُم مُّسۡلِمُونَ٨١

27:81. இன்னும்: நீர் குருடர்களையும் அவர்களுடைய வழிகேட்டிலிருந்து (அகற்றி) நேர்வழியில் செலுத்த முடியாது - எவர்கள் நம் வசனங்களை நம்புகிறார்களோ, அவர்களைத் தான் (அவற்றைக்) கேட்கும்படி நீர்செய்ய முடியும், ஏனெனில் அவர்கள் (அவற்றை) முற்றிலும் ஏற்றுக்கொள்வர்.

விளக்கம்: அதே போன்று, எதைப் பற்றியும் சிந்திக்காமல் குருட்டுத்தனமாக வாழும் வழிக்கேடர்களையும் நேர்வழியில் கொண்டுவர முடியாது. எவர்கள் அல்லாஹ்வின் வழிகாட்டுதலை நம்பி மனதார ஏற்றுக் கொள்கிறார்களோ, அவர்களை மட்டும்தான் நீ செவியேற்குமாறு செய்ய முடியும். இத்தகையவர்களே அல்லாஹ்வுக்குக் கட்டுப்பட்டு வாழும் முஸ்லிம்கள் ஆவர்.

தவறான வழியில் செல்லும் சமுதாயங்களில் துன்பம் துயரங்கள் பல கோணங்களில் ஏற்பட்டு வரும். சில சமயங்களில் சமுதாயத்தில் உள்ள உயர்மட்ட மக்களுள் சீர்கேடுகள் ஏற்பட்டு அழிவு ஏற்படும். ஒரு சில சமுதாயத்தின் அடிமட்ட மக்களில் பிரச்னைகள் ஏற்பட்டு சட்ட ஓழுங்கு சீர்கெடும். சில சமயங்களில் இதுவே பிரிவினை உண்டாவதற்குக் காரணிகளாக அமைந்து விடும். இதனால் சமுதாயம் பல பிரிவுகளாகப் பிரிந்து அதனால் கலகம், கலவரம், மோதல்கள் என்று பல கொடுமைகள் நிகழ்ந்து வரும். (பார்க்க 6:65)

أَفَرَءَيۡتَ مَنِ ٱتَّخَذَ إِلَٰهَهُۥ هَوَىٰهُ وَأَضَلَّهُ ٱللَّهُ عَلَىٰ عِلۡمٖ وَخَتَمَ عَلَىٰ سَمۡعِهِۦ وَقَلۡبِهِۦ وَجَعَلَ عَلَىٰ بَصَرِهِۦ غِشَٰوَةٗ فَمَن يَهۡدِيهِ مِنۢ بَعۡدِ ٱللَّهِۚ أَفَلَا تَذَكَّرُونَ٢٣

45:23. (நபியே!) எவன் தன்னுடைய (சரீர, மனோ) இச்சையைத் தன்னுடைய தெய்வமாக ஆக்கிக் கொண்டானோ, அவனை நீர் பார்த்தீரா? மேலும், அறிந்தே அல்லாஹ் அவனை வழிகேட்டில் விட்டு அவனுடைய காதுகள் மீதும் இருதயத்தின் மீதும் முத்திரையிட்டு, இன்னும் அவனுடைய பார்வை மீதும் திரையை அமைத்து விட்டான். எனவே அல்லாஹ்வுக்குப் பிறகு அவனுக்கு நேர்வழி காண்பிப்பவர் யார்? நீங்கள் சிந்தித்து உணர வேண்டாமா?

விளக்கம்: தன்னுடைய மனோ இச்சைக்கு அடிபணிந்து செயல்படுவர்களை நீங்கள் பார்த்தீர்களா? தம் மனதில் எழும் ஆசைகளின்படி தான் அவர்கள் செயல்படுவார்கள். அவற்றின் பாதிப்புகளைப் பற்றி சிந்திக்க மாட்டார்கள். அந்தப் பாதிப்புகள் வரும்போது பார்த்துக் கொள்ளலாம் என்பார்கள். ஆக அவர்களுக்கு அறிவு இருந்தும் அவர்களுடைய நிலைமை என்னவாக ஆகிவிடுகிறது என்பதைக் கவனித்தீர்களா?

அவர்களுக்கு ஆசைகள் மிகைக்கும் போது, அவர்களுடைய உள்ளங்களும், காதுகளும், பார்வைப் புலன்களும் செயலிழந்து பேய்விடுகிறது. எனவே அவர்களிடம் எந்த அறிவுரைப் பற்றியும் சிந்தித்துப் பார்க்கும் தகுதியே இருக்காது. எனவே அவர்கள் இறைவனின் அறிவுரைகளை கேட்கவும் மாட்டார்கள். இத்தகையவர்களுக்கு யாரால் நேர்வழி காட்டமுடியும்? இதைப் பற்றி சிந்தித்துப் பார்க்கும்படி அவர்களிடம் சொல்லுங்கள்.மேலும் இத்தகைய சமுதாயங்களில் வாழும் மக்கள் தற்காலிக சுகங்களை மட்டுமே நோக்கமாகக் கொண்டு வாழ்வார்கள். வருங்கால நலன்களுக்காகவோ மரணத்திற்குப் பின் உள்ள வாழ்க்கைக்காவோ எந்த முன்னேற்பாட்டையும் செய்ய மாட்டார்கள்.

31சுய சிந்தனையும் சமுதாயப் பிரச்னைக்குத் தீர்வு

مَثَلُهُمۡ كَمَثَلِ ٱلَّذِي ٱسۡتَوۡقَدَ نَارٗا فَلَمَّآ أَضَآءَتۡ مَا حَوۡلَهُۥ ذَهَبَ ٱللَّهُ بِنُورِهِمۡ وَتَرَكَهُمۡ فِي ظُلُمَٰتٖ لَّا يُبۡصِرُونَ١٧

2:17. இத்தகையோருக்கு ஓர் உதாரணம்: நெருப்பை மூட்டிய ஒருவனின் உதாரணத்தைப் போன்றது. அ(ந் நெருப்பான)து அவனைச் சுற்றிலும் ஒளி வீசிய போது, அல்லாஹ் அவர்களுடைய ஒளியைப் பறித்துவிட்டான், இன்னும் பார்க்க முடியாத காரிருளில் அவர்களை விட்டுவிட்டான்.

விளக்கம்: சுய சிந்தனையின் அடிப்படையில் சமுதாயத்தை உருவாக்கி ஆட்சி புரிபவர்களைப் பற்றி ஓர் எடுத்துக்காட்டின் மூலம் விளங்கிக் கொள்ளலாம். இருட்டில் ஒருவன் நெருப்பை மூட்டி, அதன் வெளிச்சத்தைக் கொண்டு, அவனைச் சுற்றியுள்ள இருளை நீக்கி விடுகிறான். அல்லாஹ்வின் நியதிப்படி அது அணைந்ததும், மீண்டும் இருள் சூழ்ந்து கொள்கிறது. இப்படித்தான் அவர்களுடைய பிரச்னைகளுக்குத் தம்மால் தற்காலிகத் தீர்வே காண முடிகிறது. நிலையான தீர்வை அவர்களால் காண இயலாது.

எடுத்துக் காட்டு: நாட்டில் நடக்கின்ற பாலியல் பலாத்காரங்கள். இதற்கு தண்டனையைத் தான் அறிவிக்கிறார்கள். மானக்கேடானச் செயலைத் தூண்டும் ஆபாச சினிமாவையும், தொலைக்காட்சி நிகழ்ச்சிகளையும், நாட்டியக் கலை போன்ற தவறான கலாச்சாரங்களையும் தடை செய்வதில்லை

أَوۡ كَصَيِّبٖ مِّنَ ٱلسَّمَآءِ فِيهِ ظُلُمَٰتٞ وَرَعۡدٞ وَبَرۡقٞ يَجۡعَلُونَ أَصَٰبِعَهُمۡ فِيٓ ءَاذَانِهِم مِّنَ ٱلصَّوَٰعِقِ حَذَرَ ٱلۡمَوۡتِۚ وَٱللَّهُ مُحِيطُۢ بِٱلۡكَٰفِرِينَ١٩

2:19. அல்லது, (இன்னும் ஓர் உதாரணம்:) காரிருளும், இடியும், மின்னலும் கொண்டு வானத்திலிருந்து கடும் மழை கொட்டும் மேகம், (இதில் அகப்பட்டுக் கொண்டோர்) மரணத்திற்கு அஞ்சி இடியோசையினால், தங்கள் விரல்களைத் தம் காதுகளில் வைத்துக் கொள்கிறார்கள், ஆனால் அல்லாஹ் (எப்போதும் இந்த) காஃபிர்களைச் சூழ்ந்தவனாகவே இருக்கின்றான்.

விளக்கம்: சுயசிந்தனையுடன் ஆட்சி புரிபவர்களைப் பற்றி இன்னொரு எடுத்துக்காட்டும் கூறலாம். காரிருளும் இடியும் மின்னலும் கொண்டு வானத்திலிருந்து கடுமழை கொட்டும் மேகம். மரணத்திற்கு அஞ்சி மின்னல் மற்றும் இடியோசையின் ஆபத்திலிருந்து தப்பித்துக்கொள்ள, தம் காதுகளில் விரல்களை வைத்து அடைத்துக் கொள்கிறார்கள். இவர்களு டைய சிந்தனை இந்த அளவிற்கு மங்கிவிட்டது. ஆனால் அல்லாஹ்வின் நடைமுறைச் சட்டமோ, அனைவரையும் சூழ்ந்ததாக இருக்கிறது. அதாவது இடி மின்னலின் தாக்கம் எங்கும் பரவி இருப்பது போல், இவர்கள் செய்யும் முறையற்ற செயல்களின் தாக்கம் சமுதாயம் முழுவதும் சூழ்ந்துள்ளதே.

எடுத்துக்காட்டு: மது பானங்களின் விநியோகத்திற்கு அனுமதி அளித்து விடுகிறார்கள். அதனால் சிலருடைய உயிருக்கு ஆபத்தும் ஏற்பட்டு விடுகிறது. இவ்வாறு பாதிபக்கப்பட்டவர்கள் மீது பச்சாதாபப்பட்டு சிறிது ஈட்டுத் தொகையைக் கொடுத்து விடுகிறார்கள். ஆனால் குடிப் பழக்கத்தின் தாக்கம், நாடுமுழுவதும் ஏற்பட்டு வருவதை அவர்கள் கவனிக்கவே மாட்டார்கள். துக்கம் வெளிப்படுத்தும் வகையில் சில வார்த்தைகளை சொல்லி விடுவதால், அந்தப் பிரச்னைகளுக்குத் அது நிரந்தர தீர்வு ஆகி முடியுமா?

يَكَادُ ٱلۡبَرۡقُ يَخۡطَفُ أَبۡصَٰرَهُمۡۖ كُلَّمَآ أَضَآءَ لَهُم مَّشَوۡاْ فِيهِ وَإِذَآ أَظۡلَمَ عَلَيۡهِمۡ قَامُواْۚ وَلَوۡ شَآءَ ٱللَّهُ لَذَهَبَ بِسَمۡعِهِمۡ وَأَبۡصَٰرِهِمۡۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ٢٠

2:20. அம்மின்னல் அவர்களின் பார்வைகளைப் பறித்துவிடப் பார்க்கிறது. அ(ம்மின்னலான)து அவர்களுக்கு ஒளி தரும்போதெல்லாம், அவர்கள் அதி(ன் துணையினா)ல் நடக்கிறார்கள், அவர்களை இருள் சூழ்ந்துக் கொள்ளும் போது (வழியறியாது) நின்று விடுகிறார்கள், மேலும் அல்லாஹ் நாடினால் அவர்களுடைய கேள்விப்புலனையும், பார்வைகளையும் போக்கிவிடுவான், நிச்சயமாக அல்லாஹ் எல்லாவற்றின் மீதும் பேராற்றல் உடையவன்.

விளக்கம்: அதே மின்னல் அவர்களுடைய கண்பார்வையைப் பறித்து விடவும் செய்யலாமே. அது மட்டுமின்றி இடி மின்னலின் வெளிச்சத்தைக் கொண்டு அவர்களால் சிறிது தொலைவே நடக்க முடிகிறது. அதன்பின் உடனே இருள் சூழ்ந்துகொள்ளும் போது, நின்று விடுகிறார்கள். அதாவது இறைவழிகாட்டுதலை ஏற்க மறுத்து தம் சுய அறிவைக்கொண்டு தம் பிரச்சனைக்குத் தீர்வு காண்பவர்களின் நிலை இது போலத் தான் ஆகும். அவர்களுடைய சிந்தனை மற்றும் பார்வைப் புலன்களையும் உடனடியாகப் போக்கிவிடுவது என்பது அல்லாஹ்வின் செயல்திட்டமாக இருந்திருந்தால், அவ்வாறே செய்திருக்க முடியும். ஏனெனில் அனைத்துப் படைப்புகளின் மீதும் அல்லாஹ்வின் பேராற்றல்கள் நிகரற்றவையாக உள்ளனவனாக இருந்தும் அவ்வாறு செய்வதில்லை.

حُنَفَآءَ لِلَّهِ غَيۡرَ مُشۡرِكِينَ بِهِۦۚ وَمَن يُشۡرِكۡ بِٱللَّهِ فَكَأَنَّمَا خَرَّ مِنَ ٱلسَّمَآءِ فَتَخۡطَفُهُ ٱلطَّيۡرُ أَوۡ تَهۡوِي بِهِ ٱلرِّيحُ فِي مَكَانٖ سَحِيقٖ ٣١

22:31. அல்லாஹ்வுக்கு எதையும் இணை வைக்காது அவனுக்கு முற்றிலும் வழிப்பட்டவர்களாக இருங்கள், இன்னும் எவன் அல்லாஹ்வுக்கு இணை வைக்கிறானோ, அவன் வானத்திலிருந்து விழுந்து பறவைகள் அவனை வாரி எடுத்துக் சென்றது போலும் அல்லது பெருங்காற்றடித்து, அவனை வெகு தொலைவிலுள்ள ஓரிடத்திற்கு அடித்துக் கொண்டு சென்றது போலும் ஆகிவிடுவான்.

விளக்கம்: நீங்கள் இறைவழிகாட்டுதலின்படி ஆட்சியமைப்பை உருவாக்கி, அனைவரும் ஒருங்கிணைந்து செயல்படுங்கள். அதில் வேறு எந்தக் கொள்கையையும் இணைக்காதீர்கள். ஆனால் யாருடைய ஆட்சியமைப்பு இறைவழிகாட்டுதலைப் புறக்கணித்து, அதற்கு இணையாக வேறு வழிமுறைகளைப் பின்பற்றுகிறதோ, அது இறக்கை அறுந்த பறவைகள் எவ்வாறு வானில் பறக்க முடியாமல் கீழே விழுந்து, அவற்றை மாமிசப் பட்சிகள் கொத்திக் கொள்கின்றனவோ, அதுபோல பலம் அனைத்தையும் இழந்து தத்தளிக்கும். அல்லது பலமான காற்று வீசி வெகுத் தொலைவில் உள்ள இடத்திற்கு அடித்துச் செல்லப்படுவதுபோல கலகம், கலவரம், போன்றவை ஏற்பட்டு வீட்டையும் நாட்டையும் இழந்து அகதிகளாய் அலைய வேண்டி வரும்.

32கற்பனைத் தெய்வங்களுக்கு ஓர் உதாரணம்

ضَرَبَ لَكُم مَّثَلٗا مِّنۡ أَنفُسِكُمۡۖ هَل لَّكُم مِّن مَّا مَلَكَتۡ أَيۡمَٰنُكُم مِّن شُرَكَآءَ فِي مَا رَزَقۡنَٰكُمۡ فَأَنتُمۡ فِيهِ سَوَآءٞ تَخَافُونَهُمۡ كَخِيفَتِكُمۡ أَنفُسَكُمۡۚ كَذَٰلِكَ نُفَصِّلُ ٱلۡأٓيَٰتِ لِقَوۡمٖ يَعۡقِلُونَ٢٨

30:28. உங்களிலிருந்தே அவன் உங்களுக்காக ஓர் உதாரணத்தை எடுத்துக் கூறுகிறான், உங்கள் வலக்கரம் உரிமைப்படுத்திக் கொண்டவர்களில் (அடிமைகளில்) எவரையும், நாம் உங்களுக்கு அளித்திருப்பதில் உங்களுடன் பங்காளிகளாக ஆக்கிக் கொண்டு, அதில் அவர்களுடன் சமமாக இருக்கிறீர்களா? உங்களைப் போன்றோருக்கு பயப்படுவதைப் போல் அவர்களை பயப்படுகிறீர்களா? இவ்வாறாகவே நாம் நம் அத்தாட்சிகளை சிந்தித்துணரும் சமூகத்திற்கு விவரிக்கிறோம்.

விளக்கம்: உங்களுக்குக் கீழ் பணிபுரிபவர்களை உங்களுக்கு சரிசமமானவர்களாக நீங்கள் கருதுகிறீர்களா? அல்லது உங்களிடம் ஊதியம் பெற்று வாழ்பவர்களை பங்காளிகள் என எடுத்துக் கொள்கிறீர்களா? உங்களுக்குச் சமமாக இருப்பவர்களைப் மதிப்பதைப் போல், இவர்களைப் நீங்கள் ஒருபோதும் பொருட்படுத்துவதில்லை. நீங்கள் அறிவு பெறும் பொருட்டு உங்களிலிருந்தே உதாரணமாக மேற்கோள்காட்டி விளக்குகிறோம்.

அதாவது மேல்மட்ட அந்தஸ்தில் இருப்பவர்களுக்கு மதிப்புக் கொடுத்து செயல்படுவது போல் சகல வல்லமையும் படைத்த அல்லாஹ்வுக்கு ஏன் பயந்து நடப்பதில்லை? மேலும் உங்களைவிட தாழ்ந்த நிலையில் இருப்பவர்களை சம அந்தஸ்தை அளிக்காத நீங்கள் அல்லாஹ்வுக்கு கீழ் பணிபுரியும் இயற்கைச் சக்திகளை ஏன் அல்லாஹ்வுக்கு இணையாகக் கருதி வணங்கி வருகிறீர்கள்.

உங்களுக்குக் கீழ் பணிபுரிபவர்களை நீங்கள் சமஉரிமை அளித்து அவர்களுடைய வாழ்வு சிறக்க வழி செய்திருந்தாலாவது சிறப்பாக இருந்திருக்கும். ஆனால் நீங்கள் ஒருபோதும் அவ்வாறு செய்வதில்லை. மாறாக மேல்மட்ட அளவில் உள்ளவர்களுக்குப் பயந்து, அவர்களிடம் பரஸ்பர உணர்வுடன் செயல்படுகிறீர்கள். அல்லாஹ்வின் விஷயத்தில் மட்டும் அவனுடைய படைத்த இயற்கை சக்திகளை இணை தெய்வங்களாகக் கற்பனைச் செய்துகொண்டு, அவற்றிற்குப் பயப்படுகிறீர்கள். மேலும் அடிமட்ட நிலையில் உள்ள மக்களின் வாழ்க்கைத் தரத்தை உயர்த்த முயற்சிகளை மேற்கொள்ளா விட்டால் அதுவே உங்களுடைய அழிவுக்குக் காரணமாகி விடும். இதற்குப் பயந்து நீங்கள் செயல்பட்டிருக்க வேண்டும். முதளாளித்துவ சமூக அமைப்புகளில் இப்படிப்பட்ட கண்ணோட்டம் நிலவிவரும். இவற்றைச் சரிசெய்ய வேண்டும்.

33கற்பனைத் தெய்வங்களிடம் செய்யும் பிரார்த்தனை

لَهُۥ دَعۡوَةُ ٱلۡحَقِّۚ وَٱلَّذِينَ يَدۡعُونَ مِن دُونِهِۦ لَا يَسۡتَجِيبُونَ لَهُم بِشَيۡءٍ إِلَّا كَبَٰسِطِ كَفَّيۡهِ إِلَى ٱلۡمَآءِ لِيَبۡلُغَ فَاهُ وَمَا هُوَ بِبَٰلِغِهِۦۚ وَمَا دُعَآءُ ٱلۡكَٰفِرِينَ إِلَّا فِي ضَلَٰلٖ١٤

13:14. உண்மையான அழைப்பு (பிரார்த்தனை) அவனுக்கு உரியதாகும், எவர் அவனை அன்றி (மற்றவர்களை) அழைக்கின்றார்களோ, அவர்கள் இவர்களுக்கு எவ்வித பதிலும் தரமாட்டார்கள், அல்லாஹ் அல்லாதவர்களைப் பிரார்த்திப் போரின் உதாரணம்:) தண்ணீர் தன்வாய்க்கு (த் தானாக) வந்தடைய வேண்டுமென்று, தன் இருகைகளையும் விரித்து ஏந்திக் கொண்டு இருப்பவனைப் போல் இருக்கிறது, (இவன் அள்ளாது) அது வாயை அடைந்து விடாது -இன்னும் காஃபிர்களின் பிரார்த்தனை வழிகேட்டில் இருப்பதேத் தவிர வேறில்லை.

விளக்கம்: அல்லாஹ்வின் வழிகாட்டுதலை விட்டுவிட்டு, வெறும் வார்த்தைகளால் கற்பனைத் தெய்வங்களை அழைத்துக் கொண்டிருந்தால், மனிதனுக்கு எந்தப் பலனும் கிடைக்காது. இதை ஒரு உதாரணத்தைக் கொண்டு விளங்கிக் கொள்ளலாம். ஒருவன் தண்ணீர் முன் நின்றுகொண்டு, அது தானாக தன் வாய்க்குள் வந்தடைய வேண்டும் என்று இரு கைகளையும் விரித்து பிரார்தித்துக் கொண்டிருக்கின்றான். அவன் கைகளால் அள்ளாது அது அவன் வாய்க்குள் போய்ச் சென்றடையுமா? அது போலத்தான் கற்பனைத் தெய்வங்களை புகழ் பாடிக்கொண்டும் அவற்றை திருப்திப்படுத்துவதாக எண்ணிக் கொண்டும் இருந்தால், என்ன பலன் ஏற்படப் போகிறது? ஆக இறைவழிகாட்டுதலை நிராகரிப்பவர்களின் நிலைமையும் இதுவே ஆகும்.

يَٰٓأَيُّهَا ٱلنَّاسُ ضُرِبَ مَثَلٞ فَٱسۡتَمِعُواْ لَهُۥٓۚ إِنَّ ٱلَّذِينَ تَدۡعُونَ مِن دُونِ ٱللَّهِ لَن يَخۡلُقُواْ ذُبَابٗا وَلَوِ ٱجۡتَمَعُواْ لَهُۥۖ وَإِن يَسۡلُبۡهُمُ ٱلذُّبَابُ شَيۡـٔٗا لَّا يَسۡتَنقِذُوهُ مِنۡهُۚ ضَعُفَ ٱلطَّالِبُ وَٱلۡمَطۡلُوبُ٧٣

22:73. மனிதர்களே! ஓர் உதாரணம் சொல்லப்படுகிறது: எனவே செவி தாழ்த்திக் கேளுங்கள். நிச்சயமாக அல்லாஹ்iவையன்றி (வேறு) எவர்களை நீங்கள் பிரார்த்திக்கின்றீர்களோ, அவர்களெல்லாம் ஒன்று சேர்ந்தாலும் ஓர் ஈயைக் கூடப் படைக்க முடியாது, இன்னும், அவர்களிடமிருந்து ஒரு பொருளை எடுத்துக் கொண்டு போனால் அவர்களால் அதனை அந்த ஈயிடமிருந்து திரும்பக் கைப்பற்றவும் முடியாது, தேடுவோனும், தேடப்படுவோனும் பலஹீனர்களே.

விளக்கம்: கற்பனைத் தெய்வங்களை வணங்கி வருபவர்களே! வாருங்கள். உங்களுக்கு ஓர் உதாரணத்தின் மூலம் உண்மையை விளக்குகிறோம். அல்லாஹ்வை விட்டுவிட்டு யாரை நீங்கள் தெய்வங்களாகப் பாவித்து வழிபட்டு வருகிறீர்களோ, அவை அனைத்தும் ஒன்று சேர்ந்து முயன்றாலும், ஓர் ஈயைக்கூட படைக்க முடியாது. அதுமட்டுமின்றி அவற்றின் இயலாமையைப் பற்றியும் தெரிந்து கொள்ளுங்கள. அந்த ஈ ஒரு பொருளைப் பறித்துக் கொண்டு போனாலும், அவற்றால் அந்தப் பொருளை விடுவிக்கவும் முடியாது. இந்த அளவுக்கு பலவீனமாக இருப்பவற்றிடம், நீங்கள் உங்கள் தேவைகள் நிறைவேற வேண்டிக் கொண்டிருக்கிறீர்களே!

34தேவையற்ற சடங்கு சம்பிரதாயங்கள்

أَنزَلَ مِنَ ٱلسَّمَآءِ مَآءٗ فَسَالَتۡ أَوۡدِيَةُۢ بِقَدَرِهَا فَٱحۡتَمَلَ ٱلسَّيۡلُ زَبَدٗا رَّابِيٗاۖ وَمِمَّا يُوقِدُونَ عَلَيۡهِ فِي ٱلنَّارِ ٱبۡتِغَآءَ حِلۡيَةٍ أَوۡ مَتَٰعٖ زَبَدٞ مِّثۡلُهُۥۚ كَذَٰلِكَ يَضۡرِبُ ٱللَّهُ ٱلۡحَقَّ وَٱلۡبَٰطِلَۚ فَأَمَّا ٱلزَّبَدُ فَيَذۡهَبُ جُفَآءٗۖ وَأَمَّا مَا يَنفَعُ ٱلنَّاسَ فَيَمۡكُثُ فِي ٱلۡأَرۡضِۚ كَذَٰلِكَ يَضۡرِبُ ٱللَّهُ ٱلۡأَمۡثَالَ١٧

13:17.அவன் தான் வானத்திலிருந்து மழையை இறக்கினான், அப்பால் ஓடைகள் அவற்றின் அளவுக்குத் தக்கபடி (நீரைக் கொண்டு)ஓடுகின்றன, அவ்வெள்ளம் நுரையை மேலே சுமந்து செல்கிறது, (இவ்வாறே) ஆபரணமோ அல்லது (வேறு) சாமான் செய்யவோ(உலோகங்களை) நெருப்பில் வைத்து உருக்கும் போதும் அதைப் போல் நுரை உண்டாகின்றது, இவ்வாறு சத்தியத்திற்கும், அசத்தியத்திற்கும் அல்லாஹ் (உவமை) கூறுகிறான், அழுக்கு நுரை (பலனற்றதாக இருப்பதால்) அழிந்து போய் விடுகிறது, ஆனால் மனிதர்களுக்குப் பலன் அளிக்கக் கூடியதோ, பூமியில் தங்கிவிடுகிறது, இவ்வாறே அல்லாஹ் உவமைகளைக் கூறுகிறான்.

விளக்கம்: அல்லாஹ்வின் செயல் திட்டங்களின் அடிப்படையில், வானத்திலிருந்து மழை பொழிகிறது. அதைத் தொடர்ந்து ஓடைகளிலும் ஆறுகளிலும் அவற்றின் கொள்ளளவுபடி வெள்ளங்களாகப் பாய்ந்து செல்கின்றன. அவ்வெள்ளங்களின் மேல் பகுதியில் நுரைகளும் சுமந்து செல்கின்றன. நீரைப் பயன்படுத்தும் போது, நீங்கள் தேவையற்ற நுரை மற்றும் அழுக்குகளை நீக்கி விடுகிறீர்கள். அதேபோல் ஆபரணங்களையோ, பாத்திரங்களையோ தயாரிக்கும் போது, அந்தந்த உலோகப் பொருட்களை நெருப்பில் உருக்கி எடுக்கிறீர்கள். அப்போது அந்த உலோகங்களிலிருந்து தேவையற்ற அழுக்குகளும் நுரைகளும் கழிகின்றன. அவற்றைச் சுத்தம் செய்து நல்லதையே பயன்படுத்திக் கொள்கிறீர்கள். தேவையற்றதை விலக்கி விடுகிறீர்கள். ஆக உலக மக்களுக்கு பலனுள்ளவை இவ்வுலகில் தங்கிவிடுகிறது. பலனற்றவை அழிந்தே போய் விடுகின்றன. (மேலும் பார்க்க: 13:39, 21:18, 42:24). நீங்கள் விளங்கிக்கொள்ளும் பொருட்டு இத்தகைய உதாரணங்கள் தரப்படுகின்றன.

அது போலத்தான் உலக மக்களுக்கு பயன்படும் வாழ்க்கை நெறிமுறைகளும், நடைமுறைச் சட்டங்களும் உலகில் நிலைத்து நின்று செயல்படுகின்றன. தேவையற்ற சடங்கு சம்பிரதாயங்கள் அழிந்து போய்விடுகின்றன. மேலும் உலகிற்கு பலனளிக்கும் சமுதாயங்கள் சிறப்பாக வாழ்கின்றன. பலனளிக்காத சமுதாயங்கள் அழிந்து உலக வரைப் படத்திலிருந்து நீங்கி விடுகின்றன.

35மனித செயல்களின் விளைவுகள்

وَلِلَّهِۤ يَسۡجُدُۤ مَن فِي ٱلسَّمَٰوَٰتِ وَٱلۡأَرۡضِ طَوۡعٗا وَكَرۡهٗا وَظِلَٰلُهُم بِٱلۡغُدُوِّ وَٱلۡأٓصَالِ۩١٥

13:15. வானங்களிலும், பூமியிலும் இருப்பவை எல்லாம், விரும்பியோ விரும்பாமலோ அல்லாஹ்வுக்கே ஸுஜுது செய்(து சிரம் பணி)கின்றன, அவற்றின் நிழல்களும் காலையிலும் மாலையிலும் (அவ்வாறே! ஸஜ்தா செய்கின்றன).

விளக்கம்: அகிலங்களிலும், பூமியிலும் உள்ளவை அனைத்தும் அல்லாஹ்வின் கட்டளைக்கு முற்றிலும் சிரம்பணிந்து செயல்பட்டு வருகின்றன. அவை விரும்பத்தக்க விளைவுகளை ஏற்படுத்தினாலும், விரும்பத்தகாத விளைவுகளை ஏற்படுத்தினாலும் அவை காலை முதல் மாலை வரையில் நிழல் தொடர்ந்து வருவது போல், அல்லாஹ்வின் கட்டளைக்கு தொடர்ந்து அடிபணிந்து செயல்படுகின்றன.

சூரிய வெளிச்சத்திற்கு ஏற்றவாறுதான், நிழலின் திசைகள் மாறுகின்றன. ஆனால் அந்த நிழல் தன் திசையை எவ்வாறு வேறு கோணத்தில் மாற்றிக்கொள்ள முடியாதோ, அதுபோலத் தான் பிரபஞ்ச இயற்கை படைப்புகள் தம் நிலையை தாமே ஒருபோதும் மாற்றிக்கொள்ள முடியாது. மேலும் இந்த நிழலின் திசையை வேறு ஏதாவது சக்தியைக் கொண்டு மாற்றி அமைக்க முடியுமா என்றால் அதுவும் முடியாது. அது போலத்தான் மனித செயல்களின் விளைவுகள், அவனை நிழல் போல் பின்தொடர்கின்றன. அந்த விளைவுகளை யாராலும் மாற்றி அமைக்க முடியாது.

أَلَمۡ تَرَ أَنَّ ٱللَّهَ يُزۡجِي سَحَابٗا ثُمَّ يُؤَلِّفُ بَيۡنَهُۥ ثُمَّ يَجۡعَلُهُۥ رُكَامٗا فَتَرَى ٱلۡوَدۡقَ يَخۡرُجُ مِنۡ خِلَٰلِهِۦ وَيُنَزِّلُ مِنَ ٱلسَّمَآءِ مِن جِبَالٖ فِيهَا مِنۢ بَرَدٖ فَيُصِيبُ بِهِۦ مَن يَشَآءُ وَيَصۡرِفُهُۥ عَن مَّن يَشَآءُۖ يَكَادُ سَنَا بَرۡقِهِۦ يَذۡهَبُ بِٱلۡأَبۡصَٰرِ ٤٣

24:43. (நபியே!) நீர் பார்க்கவில்லையா? நிச்சயமாக அல்லாஹ் மேகத்தை மெதுவாக இழுத்து, பின்னர் அவற்றை ஒன்றாக இணையச் செய்து, அதன் பின் அதை (ஒன்றின் மீது ஒன்று சேர்த்து) அடர்த்தியாக்குகிறான், அப்பால் அதன் நடுவேயிருந்து மழை வெளியாவதைப் பார்க்கிறீர், இன்னும் அவன் வானத்தில் மலைக(ளைப் போன்ற மேகக்கூட்டங்க) ளிலிருந்து பனிக்கட்டியையும் இறக்கி வைக்கின்றான், அதை தான் நாடியவர்கள் மீது விழும்படிச் செய்கிறான் - தான் நாடியவர்களை விட்டும் அதை விலக்கியும் விடுகிறான் அதன்மின்னொளி பார்வைகளைப் பறிக்க நெருங்குகிறது.

விளக்கம்: மழை எவ்வாறு பொழிகிறது என்பதைக் நீங்கள் கவனித்து பார்ப்பதில்லையா? அல்லாஹ்வின் நியதிப்படி காற்று மண்டலத்தில் மேகங்கள் மெதுவாக உருவாகி, அவை ஒன்றிணைந்து, ஒன்றன் மேல் ஒன்றாக அடர்த்தியாகி விடுகின்றன. அதன் நடுவே உருவாகும் மழை நீரை நீங்கள் பார்க்கிறீர்கள். அதுமட்டுமின்றி சில சமயங்களில் வானத்தில் மலைகளைப் போல உருவாகும் மேகக் கூட்டங்களின் நடுவே பனிக் கட்டிகள் உருவாகி, ஆலாங்கட்டி மழையாகவும் பொழிகிறது. அல்லாஹ்வின் நியதியின்படி காற்றின் திசையை நோக்கி அந்த மேகக் கூட்டங்கள் நகர்ந்து சென்று, ஆங்காங்கே மழை பொழிவதையும், அதன்பின் அந்த மேகங்கள் கலைந்து சென்று விடுவதையும் நீங்கள் பார்க்கிறீர்கள். அது மட்டுமின்றி அந்த மேகங்களுக்கிடையே உங்கள் கண்களைப் பறிக்கும் மின்னொளி உருவாவதையும் நீங்கள் பார்க்கிறீர்கள்.

அதாவது காற்றிலுள்ள ஈரப்பதம் உங்கள் கண்களுக்குப் புலப்படுவதில்லை. அது மேகமாக உருவாகும் போதுதான் உங்கள் கண்களுக்குத் தென்படுகின்றன. அதன்பின் அவை அடர்த்தியாகி மழை நீராகவும் இடி மின்னலாகவும் உருவாகின்றன. அதுபோல உங்களுடைய நற்செயல்களோ தீய செயல்களோ அதன் விளைவுகள் முதலில் தோற்றத்திற்கு வருவதில்லை. அவை சிறுக சிறுக வளர்ந்து நற்செயல்களின் பலன்களாக மழை நீரைப் போலவும், தீய செயல்களின் விளைவுகளாக இடி மின்னல்கள் போலவும் ஏற்படுகின்றன. அப்போதுதான் உங்களால் அவற்றைப் புரிந்து கொள்ள முடிகிறது.

وَٱللَّهُ أَخۡرَجَكُم مِّنۢ بُطُونِ أُمَّهَٰتِكُمۡ لَا تَعۡلَمُونَ شَيۡـٔٗا وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَ لَعَلَّكُمۡ تَشۡكُرُونَ٧٨

16:78. உங்கள் மாதாக்களின் வயிறுகளிலிருந்து நீங்கள் ஒன்றுமே அறியாதவர்களாக இருந்த நிலையில் உங்களை அல்லாஹ் வெளிப்படுத்துகிறான், அன்றியும் உங்களுக்குச் செவிப்புலனையும், பார்வைகளையும், இதயங்களையும் - நீங்கள் நன்றி செலுத்தும் பொருட்டு - அவனே அமைத்தான்.

விளக்கம்: தாயின் வயிற்றில் கருவு வளர்வதை ஆரம்பத்தில் உங்களால் அறிந்து கொள்ள முடிவதில்லை. ஆனால் நிர்ணயிக்கப்பட்ட கால அளவின்படி அது வளர்ந்து குழந்தை பிறக்கிறது. நீங்கள் சிறப்பாக வாழ்ந்து இறைவனுக்கு நன்றி விசுவசத்துடன் செயலாற்ற செவிப் புலன்களையும், பார்வைப் புலன்களையும், சிந்தனைத் திறன்களையும் உங்களுக்கு கிடைத்துள்ளன.

அதேபோல சமுதாயங்களில் நிகழ்ந்து வரும் முறைக்கேடான செயல்களின் விளைவுகளைப் பற்றி ஆரம்பத்தில் யாருக்கும் தெரிவதில்லை. அவர்களுடைய பார்வைப் புலன்களும், செவிப் புலன்களும், சிந்தனைத் திறனும் அதை அறிந்து கொள்ளும் ஆற்றல் அவர்களிடம் இருப்பதில்லை. இந்த உண்மையை இறைவழிகாட்டுதல் மூலம் அறிவிக்கப்படுகிறது. அவ்வழிகாட்டுதலை ஏற்று அதன்படி செயல்பட்டு பாதுகாப்பாக வாழ முன்வரவேண்டும். இல்லையெனில் அந்த விளைவுகள் தோற்றத்திற்கு வந்த பின்புதான் உங்களால் உணர முடியும். அப்போது, மிகவும் காலத் தாமதம் ஆகிவிட்டிருக்கும். குழந்தை பிறப்பதை எவ்வாறு தடுக்க முடியாதோ, அது போல அந்த விளைவுகளை உங்களால் தடுக்கவே முடியாது. (மேலும் பார்க்க 36:68)

36வரலாற்றின் சுழல்

ٱللَّهُ نَزَّلَ أَحۡسَنَ ٱلۡحَدِيثِ كِتَٰبٗا مُّتَشَٰبِهٗا مَّثَانِيَ تَقۡشَعِرُّ مِنۡهُ جُلُودُ ٱلَّذِينَ يَخۡشَوۡنَ رَبَّهُمۡ ثُمَّ تَلِينُ جُلُودُهُمۡ وَقُلُوبُهُمۡ إِلَىٰ ذِكۡرِ ٱللَّهِۚ ذَٰلِكَ هُدَى ٱللَّهِ يَهۡدِي بِهِۦ مَن يَشَآءُۚ وَمَن يُضۡلِلِ ٱللَّهُ فَمَا لَهُۥ مِنۡ هَادٍ٢٣

39:23. அல்லாஹ் மிக அழகான விஷயங்களை (ஹதீஸ்களை) வேதமாக இறக்கியருளினான் (இவை முரண்பாடில்லாமல்) ஒன்றுக்கொன்று ஒப்பான (முதஷாபிஹான) தாகவும், (மனதில் பதியுமாறு) திரும்பத் திரும்பக் கூறப்படுவதாகவும் இருக்கின்றன. தங்கள் இறைவனுக்கு எவர்கள் அஞ்சுகிறார்களோ அவர்களுடைய தொலி(களின் உரோமக்கால்)கள் (இவற்றைக் கேட்கும் போது) சிலிர்த்து விடுகின்றன. பிறகு, அவர்களுடைய தொலிகளும், இருதயங்களும் அல்லாஹ்வின் தியானத்தில் இளகுகின்றன. இதுவே அல்லாஹ்வின் நேர்வழியாகும். இதன் மூலம், தான் நாடியவர்களை அவன் நேர்வழியில் செலுத்துகிறான். ஆனால், எவனை அல்லாஹ் வழிகேட்டில் விட்டு விடுகிறானோ, அவனை நேர்வழியில் நடத்துவோர் எவருமில்லை.

அல்லாஹ், மார்க்க உண்கைளை மிக அழகிய முறையில் வரலாற்று நிகழ்வுகளை (ஹதீஸ்களை) ஆதாரமாகக் கொண்டு அருளியுள்ளான்.

அவற்றிற்கு ஒப்பான நிகழ்வுகளே இவ்வுலகில் மீண்டும் மீண்டும் நிகழ்ந்து வரும் என்பதை நினைவில் கொள்ளுங்கள்.

இந்த வரலாற்று உண்மைகளை இன்றைய நவீன காலத்தோடு ஒப்பிடுகையில், இன்றைக்கும் அவ்வாறே நிகழ்ந்து வருவதை அறிந்து கொள்வீர்கள்.

இந்த உண்மைகளை ஆராய்ந்தால், அவை உங்களை மெய்ச்சிலிர்க்க வைத்துவிடும்.

மேலும் அல்லாஹ்வுக்கு எதிராகச செயல்படுவதால் ஏற்படும் விபரீத விளைவுகளை எண்ணி, அவர்கள் உள்ளச்சத்துடன் செயல்படுவார்கள்.

இதுதான் அல்லாஹ்வின் வழிமுறையாகும்.

ஆக அல்லாஹ் காட்டும் வழியில் செல்ல யாருக்கு ஆர்வம் இருக்கின்றதோ, அவர்கள் நேர்வழி பெறுகிறார்கள்.

யார் அல்லாஹ்வின் நேர்வழியினை விட்டு விலகிவிடுகிறார்களோ, அவர்களுக்கு நேர்வழி காட்டுவோர் வேறு எவரும் இருப்பதில்லை.

வரலாற்று உண்மைகளைக் கவனித்துப் பார்க்கும் போது, ஓரே மாதிரியான நிகழ்வுகள் தான் திரும்பத் திரும்ப நிகழ்ந்துள்ளன (Historical cycles) என்பதை அறிந்து கொள்வீர்கள். அதாவது இறைவழிகாட்டுதல் இல்லாமல் வாழும் மக்கள் தவறான வழியில் செல்வதும், அவர்களைத் திருத்தி நல்வழிப்படுத்த இறைத்தூதர்கள் முயல்வதும், அவரை ஏற்று நடப்பவர்களுக்கு அழகிய வாழ்க்கை வசதிகள் கிடைப்பதும், அவரை எதிர்த்து தம் மனம் போன போக்கில் வாழ்பவர்கள் அழிவைச் சந்தித்துக் கொண்டதும் - என ஒரே மாதிரியான நிகழ்வுகளே காலம் காலமாக நடந்து வந்துள்ளன.

அதே போல இறைவழிகாட்டுதலை எடுத்துரைத்த போது எதிர்ப்புகளும் எழுந்தன. எடுத்துக்காட்டாக மூஸா நபிக்கு எதிராக அவர் காலத்தில் வாழ்ந்த ஃபிர்அவ்னிய மன்னனும், செல்வங்களைக் குவித்து வைத்திருந்த ஃகாரூனும், மதத் தலைவனாக ஹாமானும் இருந்தார்கள். (பார்க்க 28:6) முஹம்மது நபி காலத்திலும் இத்தகைய எதிர்ப்புகள் வலுத்தன. (பார்க்க 95:1-3) அதே போல இன்றைக்கும் இறைவழிகாட்டுதலை எடுத்துரைத்தால், இந்த மூன்று சக்திகளும் எதிர்த்து நிற்கும். இதைக் கவனத்தில் கொள்ளவேண்டும்.

ஏழை எளிய பாமர மக்களின் ஆதரவுதான் முதன்முதலில் கிடைக்கும். (பார்க்க 26:111) கேடுகெட்ட சமுதயாமாக இருந்த அரபு நாட்டு மக்களை முஹம்மது நபி (ஸல்) அவர்கள் நல்வழிப்படுத்த முயன்றது போல, நாமும் இப்போதுள்ள மக்களை நல்வழிப்படுத்த முயல வேண்டுமே அன்றி, இமாம்‘மஹ்தி’ என்பவர் வருவார் என்றோ, ஈஸா நபி மீண்டும் வருவார் என்றோ சொல்லிக் கொண்டு, பொறுப்பைத் தட்டிக் கழிக்கக் கூடாது.

37வேத உண்மைகளை மக்களை விட்டு மறைப்பவர்கள்

إِنَّ ٱلَّذِينَ يَكۡتُمُونَ مَآ أَنزَلَ ٱللَّهُ مِنَ ٱلۡكِتَٰبِ وَيَشۡتَرُونَ بِهِۦ ثَمَنٗا قَلِيلًا أُوْلَٰٓئِكَ مَا يَأۡكُلُونَ فِي بُطُونِهِمۡ إِلَّا ٱلنَّارَ وَلَا يُكَلِّمُهُمُ ٱللَّهُ يَوۡمَ ٱلۡقِيَٰمَةِ وَلَا يُزَكِّيهِمۡ وَلَهُمۡ عَذَابٌ أَلِيمٌ١٧٤

2:174. எவர், அல்லாஹ் வேதத்தில் அருளியவற்றை மறைத்து அதற்குக் கிரயமாக சொற்பத் தொகை பெற்றுக் கொள்கிறார்களோ, நிச்சயமாக அவர்கள் தங்கள் வயிறுகளில் நெருப்பைத் தவிர வேறெதனையும் உட்கொள்ளவில்லை, மறுமை நாளில் அல்லாஹ் அவர்களிடம் பேசவும் மாட்டான், அவர்களைப் பரிசுத்தமாக்கவும் மாட்டான், அவர்களுக்கு துன்புறுத்தும் வேதனையும் உண்டு.

விளக்கம்: தெளிவான இறைவழிகாட்டுதல்கள் வந்த பின்பும், யார் இவற்றை எல்லாம் மக்களிடம் எடுத்துக் கூறாமல் சொற்ப ஆதாயங்களுக்காக அவற்றை மூடி மறைத்து விடுகிறார்களோ, அவர்கள் தம் வயிற்றில் தாமே நெருப்பை அள்ளிக் கொட்டிக் கொள்பவர்களுக்கு சமமாவார்கள் என்பதை அறிந்து கொள்ளட்டும். அவர்களுடைய செயல்களின் விளைவுகள் தோற்றத்திற்கு வரும் கால கட்டத்தில் அல்லாஹ்வின் கருணை என்ற பேச்சிற்கே இடமிருக்காது. அவர்களுடைய வளர்ச்சியும் தடைபட்டு துன்பந்தரும் வேதனைகள் தான் வந்தடையும்.

مَثَلُ ٱلَّذِينَ حُمِّلُواْ ٱلتَّوۡرَىٰةَ ثُمَّ لَمۡ يَحۡمِلُوهَا كَمَثَلِ ٱلۡحِمَارِ يَحۡمِلُ أَسۡفَارَۢاۚ بِئۡسَ مَثَلُ ٱلۡقَوۡمِ ٱلَّذِينَ كَذَّبُواْ بِـَٔايَٰتِ ٱللَّهِۚ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ ٥

62:5. எவர்கள் தவ்றாத் (வேதம்) சுமத்தப் பெற்று பின்னர் அதன்படி நடக்கவில்லையோ, அவர்களுக்கு உதாரணமாவது: ஏடுகைளச் சுமக்கும் கழுதையின் உதாரணத்திற்கு ஒப்பாகும், எச்சமூகத்தார் அல்லாஹ்வின் வசனங்களைப் பொய்ப்பிக்கிறார்களோ அவர்களின் உதாரணம் மிகக் கெட்டதாகும் -அல்லாஹ் அநியாயக்கார சமூகத்தினரை நேர்வழியில் செலுத்தமாட்டான்.

விளக்கம்: இதற்குமுன் அருளப்பட்ட வேதமான தவ்ராத்தை சுமந்து கொண்டு திரிபவர்களும் இருக்கிறார்கள். அதனால் அவர்களுக்கு என்ன பலன் கிடைக்கப் போகிறது? கழுதையும் பல சுமைகளை சுமக்கிறது. சுமையில் உள்ளவை என்னவென்று அதற்குத் தெரியுமா? அதுபோல இறைவழிகாட்டுதலை ஏற்றுக்கொள்வதாக உதட்டளவில் சொல்லிக் கொண்டு, அவற்றை நடைமுறைப் படுத்தாமல் பொய்ப்பிக்கும் சமூகத்தவர்களுக்கு இவ்வுதாரணம் பொருந்தும். எனவே அநியாய அக்கிரமச் செயல்களை செய்வோருக்கு அல்லாஹ்வின் நேர்வழி ஒருபோதும் கிடைக்காது.

தலைசிறந்த வழிகாட்டுதல்களின் உண்மை நிலையை அறிந்து செயல்படுபவர்களுக்கு மட்டும்தான் வேதம் பலனளிக்கும். இவ்வேதத்தின் மொழியை அறிந்து கொள்ளாமல், அழகிய பையில் வைத்து சுமந்துக் கொண்டும், அதன் வார்த்தைகளை உச்சரித்துக் கொண்டும் இருப்பவர்களுக்கும் இவ்வுதாரணம் பொருந்தும்.

38இப்ராஹீம் நபியின் ஐயப்பாடு

وَإِذۡ قَالَ إِبۡرَٰهِـۧمُ رَبِّ أَرِنِي كَيۡفَ تُحۡيِ ٱلۡمَوۡتَىٰۖ قَالَ أَوَلَمۡ تُؤۡمِنۖ قَالَ بَلَىٰ وَلَٰكِن لِّيَطۡمَئِنَّ قَلۡبِيۖ قَالَ فَخُذۡ أَرۡبَعَةٗ مِّنَ ٱلطَّيۡرِ فَصُرۡهُنَّ إِلَيۡكَ ثُمَّ ٱجۡعَلۡ عَلَىٰ كُلِّ جَبَلٖ مِّنۡهُنَّ جُزۡءٗا ثُمَّ ٱدۡعُهُنَّ يَأۡتِينَكَ سَعۡيٗاۚ وَٱعۡلَمۡ أَنَّ ٱللَّهَ عَزِيزٌ حَكِيمٞ ٢٦٠

2:260. இன்னும், இப்ராஹீம்:“என் இறiவா! இறந்தவர்களை நீ எவ்வாறு உயிர்ப்பிக்கிறாய் என்பதை எனக்குக் காண்பிப்பாயாக!" எனக் கோரிய போது, அவன், “நீர் (இதை) நம்பவில்லையா?" எனக் கேட்டான்,“மெய்(யாக நம்புகிறேன்)! ஆனால் என் இதயம் அமைதி பெறும்பொருட்டே (இவ்வாறு கேட்கிறேன்)" என்று கூறினார்,“ (அப்படியாயின்) பறவைகளிலிருந்து நான்கைப் பிடித்து, (அவை உம்மிடம் திரும்பி வருமாறு) பழக்கிக் கொள்ளும், பின்னர் அவற்றைப் பிரித்து, அவற்றின் ஒவ்வொன் றையும் ஒவ்வொரு மலையின் மீது வைத்து விடும், பின், அவற்றைக் கூப்பிடும், அவை உம்மிடம் வேகமாய் (ப்பறந்து) வரும், நிச்சயமாக அல்லாஹ் மிகைத்தவன், பேரறிவாளன்என்பதை அறிந்து கொள்ளும்" என்று அல்லாஹ்கூறினான்.

செத்து மடிந்து கிடக்கும் இவ்வூர் மக்களை உயிர் பெறச் செய்வது எவ்வாறு என்ற ஐயப்பாடு இப்ராஹீம் நபி மனதிலும் இருந்து வந்தது.

ஒருமுறை அவர், “இறைவா! உயிரற்று ஜடமாக வாழும் இம்மக்களை நீ எவ்வாறு உயிர் பெறச் செய்வாய்?” என்று கோரியபோது,

இறைவன்,“என் வழிகாட்டுதலில் உனக்கு நம்பிக்கை இல்லையா?” என்று கேட்டான்.

“மெய்யாகவே நம்புகிறேன். ஆனால் தெளிவு பெறும் பொருட்டு இதை நான் கேட்கிறேன்” என்றார்.

அதற்கு இறைவன், “நான்கு பறவைகளைப் பிடித்து, அவற்றை நன்றாகப் பழக்கு.

அவை உம்மிடம் நன்றாகப் பழகிய பின்னர், அவற்றில் ஒவ்வொன்றையும் தனித்தனியாகப் பிரித்து மலை உச்சி மீது வைத்து விட்டு, அவற்றை நீ அழைத்துப் பார். அவை உம்மிடம் வேகமாய்ப் பறந்து வந்துவிடும்.

நிச்சயமாக அல்லாஹ்வின் வல்லமை அனைத்தையும் மிகைத்தவை, அறிவுப் பூர்வமானவை என்பதை அறிந்துகொள்” என்று விளக்கம் வந்தது..

அதாவது ஐந்தறிவு பெற்ற பறவைகளே நன்றாகப் பழகின பின், எவ்வளவு தான் தூரமாக அனுப்பினாலும், அவை உன்னுடைய ஒர் அசைவிற்கு இசைந்து ஒடோடி வந்து விடும் என்றால், ஆறறிவு பெற்ற மனிதனும் அவ்வாறு வர என்ன சிரமம் இருக்கப் போகிறது?

அதற்காக நீ இறைவழிகாட்டுதலின்படி மக்களை நன்றாகப் பயிற்சி அளித்துப் பழக்க வேண்டும்.

இதற்காக பொறுமையும் நிதானமும் விடாமுயற்சியும் வேண்டும்.

பறவைகள் முதன்முதலில் உங்களைப் பார்த்து ஓடுவது போல் மார்க்க உண்மைகளை எடுத்துரைக்கும் போது மக்களும் ஓடுவார்கள்.

நிதானத்துடனும் விவேகத்துடனும் அவர்களுக்கு எடுத்துரைக்க வேண்டும். (பார்க்க 16:125)

39அல்லாஹ் அர்ஷின் மீது அமைந்து இருக்கின்றானா?

சிந்தனையாளர்களே! வானங்களிலும் பூமியிலும் அல்லாஹ்வின் கண்காணிப்பு இல்லாத இடமே இல்லை (57:4) என்று திருக்குர்ஆன் வாசகங்கள் கூறுகின்றன. உண்மை இவ்வாறு இருக்கும் போது, அல்லாஹ் குறிப்பிட்ட ஓர் இடத்தில் அமர்ந்திருப்பதாகச் சொல்வது சரியாகுமா? எனவே அதன் உண்மை பொருளை அறிவது மிக மிக முக்கியமாகும். “அர்ஷ்” என்ற வார்த்தை கட்டுப்படுத்தக் கூடிய வல்லமையை குறிக்கும் சொல்லாகும். அமைந்தான் என்ற வார்த்தை அனைத்து ஏற்பாடுகளையும் (System) செய்ததாக பொருள்படும். திருக்குர்ஆன் வாசகத்தைக் கவனித்துப் பாருங்கள்.

ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ

32:4. அல்லாஹ் தான் வானங்களையும், பூமியையும், இவ்விரண்டிற்கும் இடையில் இருப்பவற்றையும் ஆறு நாட்களில் படைத்துப் பின் அர்ஷின்மீது அமைந்தான்,

விளக்கம்: அகிலங்களையும் பூமியையும் இவ்விரண்டிற்கும் இடையே உள்ள அனைத்தையும் ஆறு கால கட்டங்களில் படைத்த இறைவன் (விளக்கத்திற்குப் பார்க்க 7:54) அல்லாஹ்தான். அவற்றைப் படைத்ததோடு அனைத்தையும் தன் கட்டுப்படுத்தி (System) வைத்துக்கொண்டு செயல்படுத்தி வருவதும் அல்லாஹ்வே.

40அல்லாஹ்வின் அர்ஷ் தண்ணீரின் மீது உள்ளதா?

وَهُوَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٖ وَكَانَ عَرۡشُهُۥ عَلَى ٱلۡمَآءِ

11:7. மேலும் அவன் தான் வானங்களையும், பூமியையும் ஆறு நாட்களில்படைத்தான். அவனுடைய அர்ஷ{ நீரின் மேல் இருந்தது.

விளக்கம்: உலகம் முழுவதும் பரிபாலனத் திட்டம் சிறப்பாக செயல்படும் வகையில், வானங்களையும் பூமியையும் அல்லாஹ் ஆறு கால கட்டங்களாகப் படைத்து, அவ்றறைத் தம் கட்டுப்பாட்டிற்குள் (System) வைத்துக் கொண்டான். (விளக்கத்திற்கு பார்க்க 7:54) அது மட்டுமின்றி உயிரினங்கள் அனைத்தும் வாழ்வதற்கு உயிர் நாடியாகத் திகழும் தண்ணீரின் ஏற்பாட்டையும் தம் கட்டுப்பாட்டிற்குள் (System) வைத்துக் கொண்டான். (பார்க்க 2:22)

சிந்தனையாளர்களே! இந்த வாசகத்தில் அல்லாஹ்வின் அர்ஷ் தண்ணீரின் மீது உள்ளதாக சொல்லப்படுகிறது. உலகிலுள்ள அனைத்து உயிரினங்களும் உயிர் வாழ்வதற்கு தண்ணீர்தான் ஆதாரமாக விளங்குகின்றது. மேலும் தண்ணீரின் துணையைக் கொண்டுதான் அனைத்து உயிரினங்களும் உருவாகின்றன. மனிதன் மற்ற கோள்களில் தண்ணீர் இருக்கின்றதா என்பதைத்தான் இன்றைக்கும் ஆராய்ச்சி செய்து வருகின்றான். காரணம் நீர் ஆதாரம் இல்லாமல் அங்கு எந்த உயிரினமும் உயிர் வாழ முடியாது. திருக்குர்ஆன் வாசகங்களைக் கவனியுங்கள்.

وَجَعَلۡنَا مِنَ ٱلۡمَآءِ كُلَّ شَيۡءٍ حَيٍّۚ أَفَلَا يُؤۡمِنُونَ٣٠

21:30. உயிருள்ள ஒவ்வொன்றையும் நாம் தண்ணீரிலிருந்து படைத்தோம் என்பதையும் காஃபிர்கள் பார்க்கவில்லையா?

விளக்கம்: உலகிலுள்ள ஒவ்வொரு உயிரினத்தையும் நாம் தண்ணீரில் இருந்து தான் படைத்தோம். இந்த உண்மையையும் மக்கள் ஏற்றுக்கொள்ள மாட்டார்களா?

وَٱللَّهُ خَلَقَ كُلَّ دَآبَّةٖ مِّن مَّآءٖۖ

24:45. மேலும் அல்லாஹ்தான் எல்லா ஜீவராசிகளையும் நீரிலிருந்து படைத்தான்.

இப்படியாக உயிரினங்களையும் அல்லாஹ் படைத்து அவை உயிர் வாழ தண்ணீரை அளிக்கிறான். எனவே அல்லாஹ்வின் அர்ஷ் நீரின் மேல் உள்ளது என்றால் அனைத்து உயிரினங்களின் படைப்பும் அவற்றின் பரிபாலனமும் அல்லாஹ்வின் கட்டுப்பாட்டில் உள்ளது என்று பொருள்படும்.

41அல்லாஹ்வின் அர்ஷை 8 வானவர்கள் சுமக்கிறார்கள்?

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ١٧

69:17. இன்னும் மலக்குகள் அதன் கோடியிலிருப்பார்கள். அன்றியும், அந்நாளில் உம்முடைய இறைவனின் அர்ஷை, (வானவர்) எட்டுப் பேர் தம்மேல் சுமந்திருப்பார்கள்.

விளக்கம்: இன்னும் மலக்குகள் அதன் கோடியில் இருப்பார்கள். அன்றியும் அந்நாளில் உம்முடைய இறைவனின் அர்ஷை வானவர்கள் எட்டுப் பேர் தம் மேல் சுமப்பார்கள்.

சிந்தனையாளர்களே! “மலாயிகா” என்பது அல்லாஹ் உருவாக்கியுள்ள பிரபஞ்ச இயற்கைச் சக்திகளாகும். உதாரணத்திற்கு இந்தப் பூமியைச் சுற்றி புவி ஈர்ப்பு சக்தி என்று ஒன்று உள்ளது. அதன் துணையைக் கொண்டுதான், மனிதனால் எவ்வித சிறமுமின்றி பூமியில் நடமாட முடிகிறது. அவ்வாறு புவிஈர்ப்பு சக்தி இல்லாதிருந்தால், மனிதன் வான் மண்டலத்தில்தான் தொங்கிக் கொண்டு இருக்க வேண்டி வரும். அந்த புவிஈர்ப்புச் சக்தியை மனிதனால் காண முடியாது. இப்படியாக இந்தப் பூமி மற்றும் அகிலங்கள் அனைத்திலும் எண்ணற்ற சக்திகள் செயல்பட்ட வண்ணம் உள்ளன. அவை மலாயிகா எனப்படும்

அதே போல சூரியக் குடும்பத்தில் இருக்கின்ற பூமி, மற்ற எட்டு கோள்களின் புவிஈர்ப்பில் தான் சூரியனைச் சுற்றி வருகிறது. எனவே அல்லாஹ்வின் “அர்ஷ்” என்பது “இவ்வுலக”மும், மற்ற எட்டுக் கோள்களும் அல்லாஹ்வின் கட்டுப்பாட்டில் செயல்பட்டு வருவதாகப் பொருள்படும். எனவே இவ்வுகில் நடைபெறுகின்ற எல்லா நிகழ்வுகளும் மற்ற கோள்களில் எதிர் விளைவுகளை ஏற்படுத்தி வருகின்றன. அந்த விளைவுகள் மீண்டும் பூமியை நோக்கியே வந்து விடுகின்றன. உதாரணத்திற்கு மனிதன் பல லட்சக் கணக்காண டன் எடையுள்ள பொருட்களை இடமாற்றம் செய்துக் கொண்டே இருக்கின்றான். அதன் புவிஈர்ப்பில் பாதிப்புகள் (Cosmic Imbalance) ஏற்படும் போது, பூமி அவற்றை தன்னைத் தானே சரி செய்து கொள்கிறது. அவையே பூகம்பம், சுனானமி போன்ற இயற்கைச் சீற்றங்கள் உருவாவதற்கு பல்வேறு காரணிகளில் ஒன்றாக இருக்கிறது.

இப்படியாக இந்தப் பூமியில் நடைபெறுகின்ற நிகழ்வுகள் அனைத்தும் பதிவாகி வருகின்றன. மேலும் “அல்லாஹ்வின் அர்ஷ்” என்பதை அல்லாஹ் காட்டிய வழியில் இவ்வுலகில் உருவாகின்ற ஆட்சியமைப்பு என்ற பொருளையும் கொள்ளலாம். அப்போது அந்த ஆட்சியமைப்பு கல்வி, விவசாயம், நெசவு, வாணிபம், பாதுகாப்பு உணவு பங்கிடுதல், சாலை வசதிகள், சுகாதாரம் மற்றும் மருத்துவம் என்று எட்டு (Cabinet Ministers) துறைகளாகப் பிரிந்து செயல்படும் என்று பொருள்படும். அவை அனைத்தும் அல்லாஹ்வின் ஆட்சியமைப்பை சிறப்பிக்க துணை நிற்கும்.

42கெட்ட பெண்களுக்கு ஓர் உதாரணம்

ضَرَبَ ٱللَّهُ مَثَلٗا لِّلَّذِينَ كَفَرُواْ ٱمۡرَأَتَ نُوحٖ وَٱمۡرَأَتَ لُوطٖۖ كَانَتَا تَحۡتَ عَبۡدَيۡنِ مِنۡ عِبَادِنَا صَٰلِحَيۡنِ فَخَانَتَاهُمَا فَلَمۡ يُغۡنِيَا عَنۡهُمَا مِنَ ٱللَّهِ شَيۡـٔٗا وَقِيلَ ٱدۡخُلَا ٱلنَّارَ مَعَ ٱلدَّٰخِلِينَ ١٠

66:10. நிராகரிப்பவர்களுக்கு, நூஹுஉடைய மனைவியையும் லூத்துடைய மனைவியையும் அல்லாஹ் உதாரணமாக்கி வைக்கிறான். இவ்விரு வரும் ஸாலிஹான நம் நல்லடியார்களில், இரு நல்லடியார்களின் மனைவிகளாகவே இருந்தனர். எனினும் இவ்விருவரும் தம் கணவர்களை மோசம் செய்தனர். எனவே, அவ்விருவரும் (தம் மனைவியரான) அவ்விருவரை விட்டும் அல்லாஹ்விலிருந்து (வேதனையைத்) தடுக்க இயலவில்லை. இன்னும், “நீங்களிருவரும் (நரக) நெருப்பில் நுழைபவர்களுடனே நுழையுங்கள்" என்று (இவ்விருவருக்கும்) கூறப்பட்டது.

விளக்கம்: “மனித செயல்களின் விளைவுகள்” என்ற இறைச்சட்டம் நிலையானது என்பதற்கு சில உதாரணங்களின் மூலம் அறிந்துகொள்ளலாம். அவற்றில் நூஹ் நபியின் மனைவி மற்றும் லூத் நபியின் மனைவியின் எடுத்துக்காட்டை மேற்கோள் காட்டிச் சொல்லலாம். அவ்விருவரும் தலைசிறந்த சீர்திருத்தவாதிகளின் மனைவிகளாக இருந்தனர். இருந்தும் அவர்கள் தம் கணவன்மார்களின் அறிவுரைகளை கேட்டு நடக்கவே இல்லை. அவ்விரு இறைத்தூரும் தம் மனைவிகளின் தவறான செயல்களின் விளைவுகள் என்ற அல்லாஹ்வின் சட்டத்திலிருந்து காப்பாற்ற முடியவில்லை. எனவே அவ்விருவரின் மனைவிகளும் வேதனை அளிக்கும் அழிவில் சிக்கி அழிந்து போனார்கள்.

அதாவது அவ்விரு பெண்களின் உதாரணத்தின் மூலம் சில விஷயங்கள் நமக்குப் புலனாகிறது. அவர்கள் அல்லாஹ்வின் வழிகாட்டுதலை ஏற்றுக் கொள்ளவில்லை என்பதற்காக, அந்த நபிமார்கள் அவர்களை விவாகரத்து செய்து விடவில்லை. மாறாக அவர்களை திருத்தவே முயன்றார்கள். ஒரு கட்டத்தில் நாட்டில் பேராபத்து ஏற்படப் போகிறது என்பதை அவர்களுக்கு அறிவித்த போதும், அப்பெண்கள் அதைப் பொருட்படுத்தவில்லை. எனவே அழிந்து போனவர்களில் அவர்களும் இடம் பெற்றுவிட்டனர்.

எனவே நாமும் நம் மனைவி தவறான வழியில் இருந்தால் இறைவழிகாட்டுதலை எடுத்துரைத்து அவளை நேர்வழிப்படுத்த முயல வேண்டும். அதை விட்டுவிட்டு அவள் இறை வழிகாட்டுதலை ஏற்றுக் கொள்வதில்லை என்பதற்காக அவளை விவாகரத்து செய்வதோ அல்லது துன்புறுத்துவதோ கூடாது. அவ்வாறு செய்தால் நாம் மார்க்கத்தை திணிப்பதாக பொருள் படும். அவ்வாறு திணிப்பதற்கு யாருக்கும் உரிமை இல்லை. (பார்க்க 2:256) மேலும் நம் பிள்ளைகளின் வருங்காலத்தைப் பற்றியும் அனுசரிக்க வேண்டியுள்ளது. நாம் விவாகரத்து அளித்து வேறு பெண்ணை மணமுடித்துக் கொண்டால், பிள்ளைகளுக்கு மாற்றாந் தாய் பிரச்சனை ஏற்படும். நம்மால் சமூகப்பணியை மேற்கொள்ளவே முடியாது.

43நல்ல பெண்களுக்கு முன்உதாரணம்

وَضَرَبَ ٱللَّهُ مَثَلٗا لِّلَّذِينَ ءَامَنُواْ ٱمۡرَأَتَ فِرۡعَوۡنَ إِذۡ قَالَتۡ رَبِّ ٱبۡنِ لِي عِندَكَ بَيۡتٗا فِي ٱلۡجَنَّةِ وَنَجِّنِي مِن فِرۡعَوۡنَ وَعَمَلِهِۦ وَنَجِّنِي مِنَ ٱلۡقَوۡمِ ٱلظَّٰلِمِينَ١١

66:11. மேலும், ஈமான் கொண்டவர்களுக்கு ஃபிர்அவ்னின் மனைவியை அல்லாஹ் உதாரணமாகக் கூறுகிறான். அவர், “இறைவா! எனக்காக உன்னிடத்தில், சுவர்க்கத்தில் ஒரு வீட்டைக் கட்டித் தருவாயாக! இன்னும் ஃபிர்அவ்னை விட்டும், அவன் செயல்களை விட்டும் என்னைக் காப்பாற்றுவாயாக! இன்னும் அநியாயக்கார சமூகத்தாரிடமிருந்தும் என்னை காப்பாற்றுவாயாக!" என்று (பிரார்த்தித்துக்) கூறினார்.

விளக்கம்: நல்ல பெண்மணிகளுக்கு முன்உதாரணமாக அல்லாஹ் ஃபிர்அவுனின் மனைவியை மேற்கோள் காட்டுகிறான். அவருடைய எண்ணங்களும் செயல்பாடுகளும் எவ்வாறு இருந்தன என்பதைக் கவனியுங்கள். அவர், “என் இறைவா! நான் என் கணவர் ஃபிர்அவுனின் அராஜக ஆட்சியில் சிக்கித் தவிக்கிறேன். இதை விட்டு என்னைக் காப்பாற்றி சாந்தமான இடத்தில் பணிபுரிய எனக்கு வழி வகுப்பாயாக. மேலும் அநியாயக்கார சமூகத்தாரை விட்டு என்னைக் காப்பாற்றுவாயாக” என்று பிரார்த்தித்த வண்ணம் இருந்தார்.

அதற்கேற்றவாறு அவருக்கு அத்தகைய வாய்ப்புகள் கிடைத்து, அவர் தலைச்சிறந்த பெண்மணி என்ற பெயரும் புகழும் பெற்றார். அவருடைய பெயர் ஆசியா ஃகாதூன் என்று வரலாற்றுக் குறிப்புகள் கூறுகின்றன.

وَمَرۡيَمَ ٱبۡنَتَ عِمۡرَٰنَ ٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهِ مِن رُّوحِنَا وَصَدَّقَتۡ بِكَلِمَٰتِ رَبِّهَا وَكُتُبِهِۦ وَكَانَتۡ مِنَ ٱلۡقَٰنِتِينَ١٢

66:12. மேலும், இம்ரானின் புதல்வியான மர்யமையும் (அல்லாஹ் உதாரணமாக்கினான்). அவர் தம் கற்பைக் காத்துக் கொண்டார். நாம் (அவரில்)நம் திட்டங்களின் செய்தியை அறிவித்தோம். மேலும், அவர் தம் இறைவனின் வார்த்தைகளையும், அவனுடைய வேதங்களையும் மெய்ப்பித்தார் - (ஏற்றுக் கொண்டார்). இன்னும், அவர் (அல்லாஹ்வை வணங்கி) வழிபட்டவர்களில் ஒருவராகவும் இருந்தார்.

விளக்கம்: அதையடுத்து நல்ல பெண்மணி என்பதற்கு முன்னுதாரணமாக இம்ரானின் புதல்வியான மர்யமை அல்லாஹ் மேற்கோள் காட்டுகிறான். அவர் ஹைக்கலெ ஸுலைமானி என்ற ஆசிரமத்தில் துறவியாக இருக்க நேர்ந்தது. அங்கு பெண்களுக்கு எதிராக முறைகேடுகள் நடந்தும் அங்கிருந்த மடாதிபதிகளின் வலையில் சிக்காமல் தன் கற்பைக் காத்துக் கொண்டார். இதற்காக நாம் சிறப்பான வழிகாட்டுதல்களை ஜக்ரியா நபி மூலம் அறிவித்தோம். எனவே அவர் இறைவழிகாட்டுதலின்படி ஆசிரமத்தின் வழக்கப்படி இருந்த துறவித்தனத்தை விட்டுவிட்டு இல்லற வாழ்வில் ஈடுபட்டார். இப்படியாக அவர் இறைவனின் வழிகாட்டுதலுக்குத் தலைவணங்கி அவனுடைய வேத வழிகாட்டுதலை மெய்ப்பிக்க ஆணிவேராகத் திகழ்ந்தார். அவர் அல்லாஹ்வின் செயல் திட்டங்களை நிறைவேற்றிய வீராங்கனையாக விளங்கினார். (மேல்கொண்டு விளக்கத்திற்குப் பார்க்க 3:35-47)

அதாவது ஆணோ பெண்ணோ அவர் எப்படிப்பட்ட இடத்தில் வசிக்கிறார் என்பது அல்ல கேள்வி. அவர் எப்படி வாழ்கிறார் என்பதே கேள்வியாகும். மேற்சொன்ன இரு பெண்மணிகளும் மிகவும் மோசமான இடத்தில் வாழ நேர்ந்த போதும் இறைவழிகாட்டுதலைப் பேணி நடந்து சிறந்த பெண்மணிகளுக்கு முன்னுதாரணமாகத் திகழ்ந்தார்கள் என்பதைக் கவனித்துப் பாருங்கள். எனவே நான் வாழ்ந்த இடம் கெட்டது. அதனால் நான் கெட்டுப் போய்விட்டேன் என்று சொல்வதால் யாருக்கும் விடுவிப்புக் கிடைக்காது. (ஐபழெசயnஉந ழக டயற ளை ழெ நஒஉரளந) (பார்க்க 15:40&17:65.

44யாஜுது மாஜுது கூட்டத்தார்

(நசுக்கப்பட்டவர்கள் அசுரர்களாய் பொங்கி எழுபவர்கள்)

حَتَّىٰٓ إِذَا بَلَغَ بَيۡنَ ٱلسَّدَّيۡنِ وَجَدَ مِن دُونِهِمَا قَوۡمٗا لَّا يَكَادُونَ يَفۡقَهُونَ قَوۡلٗا٩٣

18:93. இரு மலைகளுக்கிடையே (இருந்த ஓரிடத்தை) அவர் எத்திய போது, அவ்விரண்டிற்கும் அப்பால் இருந்த ஒரு சமூகத்தாரைக் கண்டார். அவர்கள் எந்தச்

சொல்லையும் விளங்கிக் கொள்பவராக இருக்க வில்லை.

விளக்கம்: இம்முறை ஜுல்கர்நைன் (Syrus) என்ற பேரசர் மேற்கொண்ட இலட்சியப் பயணம், மலைப் பிரதேசமாக இருந்தது. அந்த மலைப் பிரதேசங்களில் வாழ்ந்து வந்த மக்களைச் சந்தித்தார். அவர்கள் பேசிய மொழி மாற்று மொழியாக இருந்ததால், அவர்கள் சொல்வதை இவரால் விளங்கிக்கொள்ள முடியவில்லை.

قَالُواْ يَٰذَا ٱلۡقَرۡنَيۡنِ إِنَّ يَأۡجُوجَ وَمَأۡجُوجَ مُفۡسِدُونَ فِي ٱلۡأَرۡضِ فَهَلۡ نَجۡعَلُ لَكَ خَرۡجًا عَلَىٰٓ أَن تَجۡعَلَ بَيۡنَنَا وَبَيۡنَهُمۡ سَدّٗا٩٤

18:94. அவர்கள் "துல்கர்னைனே! நிச்சயமாக யாஜுஜு மஃஜுஜும் பூமியில் ஃபஸாது - குழப்பம் - செய்கிறார்கள், ஆதலால், எங்களுக்கும், அவர்களுக்கும் இடையே ஒரு தடுப்பு(ச் சுவரை) நீர் ஏற்படுத்தித் தரும்பொருட்டு நாங்கள் உமக்கு ஒரு தொகையைத் தரலாமா?" என்று கேட்டார்கள்.

விளக்கம்: அதன்பின் தக்க மொழி பெயர்ப்பாளரை நியமித்து அங்கிருந்த நிலவரத்தைத் தெரிந்துக் கொண்டார். அவர்கள் மிகவும் துக்கப்பட்டவர்களாக ஜுல்ஃகர்நைனிடம் தம் குறைகளை எடுத்துரைத்தனர். அவர்கள் யாஜுஜு மாஜுஜு என்கிற அசுரர்களாலும் காட்டு மிராண்டிகளாலும் அடிக்கடி தாக்கப்பட்டு நிம்மதியின்றி வாழ்வதாகக் கூறினர். எனவே அவர்கள் தம் நாட்டிற்குள் நுழைய முடியாத படி உயரமான தடுப்புச் சுவரை எழுப்பித் தருமாறு வேண்டிக் கொண்டனர். அதற்குண்டான செலவை அவர்களே ஏற்று கொள்வதாகவும் அவரிடம் சொன்னார்கள். (மேலும் விளக்கத்திற்குப் பார்க்க 21:96)

قَالَ مَا مَكَّنِّي فِيهِ رَبِّي خَيۡرٞ فَأَعِينُونِي بِقُوَّةٍ أَجۡعَلۡ بَيۡنَكُمۡ وَبَيۡنَهُمۡ رَدۡمًا٩٥

18:95. அதற்கவர்: “என் இறைவன் எனக்கு இதில் (வசதிகள்) அளித்திருக்கிறானோ அது (நீங்கள் கொடுக்க இருப்பதைவிட) மேலானது, ஆகவே (உங்கள் உடல்) பலம் கொண்டு எனக்கு நீங்கள் உதவி செய்யுங்கள், நான் உங்களுக்கும், அவர்களுக்குமிடையே ஓர் உறுதியான தடுப்பை ஏற்படுத்தி விடுகிறேன்" என்று கூறினார்.

விளக்கம்: அதற்கு அவர், “என் இறைவன் எனக்கு எல்லா வசதி வாய்ப்புகளையும் அளித்துள்ளான். எனவே உங்களுடைய பண உதவி எனக்குத் தேவையில்லை. எனக்கு பணியாட்களை மட்டும் ஏற்பாடு செய்து தாருங்கள். நான் உங்களுக்கும் உங்கள் பகைவர்களுக்கும் இடையே தடுப்புச் சுவரை எழுப்பித் தருகிறேன்” என்றார்.

ءَاتُونِي زُبَرَ ٱلۡحَدِيدِۖ حَتَّىٰٓ إِذَا سَاوَىٰ بَيۡنَ ٱلصَّدَفَيۡنِ قَالَ ٱنفُخُواْۖ حَتَّىٰٓ إِذَا جَعَلَهُۥ نَارٗا قَالَ ءَاتُونِيٓ أُفۡرِغۡ عَلَيۡهِ قِطۡرٗا٩٦

18:96. “நீங்கள் இரும்புப் பாளங்களை எனக்குக் கொண்டு வாருங்கள்" (என்றார்). பிறகு அவை இரு மலைகளின் (இடையே நிரம்பி) உச்சிக்குச் சமமாகும் போது, ஊதுங்கள் என்றார், அதனை அவர் நெருப்பாக ஆக்கியதும் (பின்னர் உருக்கிய) செம்பை என்னிடம் கொண்டுவாருங்கள், அதன் மேல் ஊற்றுகிறேன்" (என்றார்).

விளக்கம்: மேலும் அவர் தம் கண்காணிப்பில் அந்தச் சுவரை எழுப்பினார். அவர் பெரியப் பெரிய இரும்புப் பாளங்களை தம்மிடம் கொண்டுவரும்படி கூறினார். அதன்பின் இருமலைகளுக்கு நடுவே தடுப்புச் சுவரை எழுப்பினார். அந்தச் சுவர் மலை உச்சி வரை சென்றது. அதன்பின் செம்பு உருக்குவதற்காக தீயை மூட்டச் செய்தார். அது நன்றாக உருகியதும் அந்த சுவரின் மேற்பகுதியிலிருந்து அதை ஊற்றும்படி கூறினார்.

இப்படியாக அந்தச் சுவர் வழவழப்பாகவும் உயரமாகவும் மிகவும் உறுதியாகவும் ஆகிவிட்டது.

فَمَا ٱسۡطَٰعُوٓاْ أَن يَظۡهَرُوهُ وَمَا ٱسۡتَطَٰعُواْ لَهُۥ نَقۡبٗا ٩٧

18:97 எனவே, (யாஜுஜு மஃஜுஜுகூட்டத்தார்) அதன் மீது ஏறவும் சக்தி பெறவில்லை. அதில் துவாரமிடவும் அவர்கள் சக்தி பெறவில்லை.

விளக்கம்: எனவே அந்த அசுரர்களாலும் காட்டு மிராண்டிகளாலும் அந்த சுவற்றின் மீது ஏறவும் முடியவில்லை. அதை துளைத்து துவாரமிடவும் முடியவில்லை. இப்படியாக அவர்களுடைய பாதுகாப்பான வாழ்விற்கு வழி பிறந்தது.

قَالَ هَٰذَا رَحۡمَةٞ مِّن رَّبِّيۖ فَإِذَا جَآءَ وَعۡدُ رَبِّي جَعَلَهُۥ دَكَّآءَۖ وَكَانَ وَعۡدُ رَبِّي حَقّٗا٩٨

18:98. “இது என் இறைவனிடமிருந்துள்ள ஒரு கிருபையே ஆகும். ஆனால் என் இறைவனுடைய வாக்குறுதி நிறைவேறும் போது, அவன் இதனையும் தூள் தூளாக்கி விடுவான், மேலும், என் இறைவனுடைய வாக்குறுதி (முற்றிலும்) உண்மையானதே" என்று கூறினார்.

விளக்கம்: “என் இறைவனிடமிருந்து கிடைத்துள்ள உலோகப் பொருட்கள் போன்ற அருட்கொடைகளைக் கொண்டே இந்த உறுதிமிக்க சுவரை என்னால் உருவாக்க முடிந்தது. ஆனால் என் இறைவனின் நியதிப்படி ஏற்படக் கூடிய வெள்ளம் பூகம்பம் போன்ற நிகழ்வுகளால் மட்டுமே இதை தூள்தூளாக ஆக்க முடியும். இப்படி நிகழும் வாய்ப்புகள் உள்ளன என்பதே இறைவனின் வாக்கு ஆகும்” என்றார்.

ஜுல்ஃகர்நைனின் கருத்துக் கணிப்பு மிகவும் சரியானதாக இருந்தது. வரவிருக்கும் எதிர் காலங்களில் சமுதாயத்தின் பாதுகாப்பான வாழ்விற்கு இப்படிப்பட்ட உறுதியான சுவர்களோ, கருங்கற்களால் கட்டப்படும் கோட்டைகளோ துணை நிற்காது என்பதை அவர் அறிந்திருந்தார். மாறாக மக்கள் அனைவரும் இறைவழிகாட்டுதலின்படி சிறப்பாக செயல்பட்டால் மட்டுமே சந்தோஷமான பாதுகாப்பான வாழ்விற்கு வழி கிடைக்கும். அவ்வாறு செயல்படவில்லை என்றால், இந்த சுவர்களும் கோட்டைகளும் தூள்தூளாகி விடும். இது எவ்வாறு நடக்கும்? இறைவழிகாட்டுதலின்படி ஒரு சமுதாயம் நடக்கவில்லை என்றால்

۞ وَتَرَكۡنَا بَعۡضَهُمۡ يَوۡمَئِذٖ يَمُوجُ فِي بَعۡضٖۖ وَنُفِخَ فِي ٱلصُّورِ فَجَمَعۡنَٰهُمۡ جَمۡعٗا٩٩

18:99. இன்னும், அந்நாளில் அவர்களில் சிலரைச் சிலருடன் (கடல்)அலைகள் (மோதுவதைப் போல்) மோதுமாறு நாம் விட்டு விடுவோம், பின்னர், ஸுர் (எக்காளம்) ஊதப்படும், பிறகு நாம் அவர்களை ஒன்று சேர்ப்போம்.

விளக்கம்: வரவிருக்கும் காலங்களில் நாடுகளுக்கிடையே ஏற்றத்தாழ்வு ஏற்பட்டு கடல் அலைகள் ஒன்றன் மேல் ஒன்று மோதுவதைப் போல, சிலர் சிலருடன் மோதிக் கொள்ளும் நிலைமை உருவாகி விடும். அதைத் தொடர்ந்து, கலவரங்களும் போர்களும் மூளும். போரின் சங்கொலியும் முழங்கும். இப்படியாக அவர்கள் அனைவரும் களத்தில்தான் சந்திக்க நேரிடும்.

حَتَّىٰٓ إِذَا فُتِحَتۡ يَأۡجُوجُ وَمَأۡجُوجُ وَهُم مِّن كُلِّ حَدَبٖ يَنسِلُونَ ٩٦

21:96. யஃஜூஜு மஃஜூஜு (கூட்டத்தார்)க்கு வழி திறக்கப்படும் போது, அவர்கள் ஒவ்வொரு மேட்டிலிருந்தும் இறங்கிப் பரவுவார்கள்.

وَٱقۡتَرَبَ ٱلۡوَعۡدُ ٱلۡحَقُّ فَإِذَا هِيَ شَٰخِصَةٌ أَبۡصَٰرُ ٱلَّذِينَ كَفَرُواْ يَٰوَيۡلَنَا قَدۡ كُنَّا فِي غَفۡلَةٖ مِّنۡ هَٰذَا بَلۡ كُنَّا ظَٰلِمِينَ٩٧

21:97. (இறுதி நாளைப் பற்றிய) உண்மையான வாக்குறுதி நெருங்கினால், (அதைக் காணும்) காஃபிர்களின் கண்கள் திறந்தபடியே நிலைகுத்தி நின்று விடும், (அன்றியும் அவர்கள்:) "எங்களுக்குக் கேடு தான்! நிச்சயமாக நாங்கள் இதை உதாசீனப் படுத்தியவர்களாகவே இருந்துவிட்டோம், - அது மட்டுமில்லை - அநியாயம் செய்தவர்களாகவும் இருந்து விட்டோம்" (என்று கூறுவார்கள்).

விளக்கம்: இறைவழிகாட்டுதல்கள் இல்லாத அல்லது பின்பற்றாத சமூதாயங்களில் ஏற்றத்தாழ்வுகள் ஏற்பட்டு வரும். எனவே அங்கு வளரும் செல்வந்தர்களும், அதிகார வர்க்கத்தைச் சேர்ந்தவர்களும், நலிந்த மக்களை நசுக்கி வருவார்கள். ஒரு கால கட்டத்திற்குப் பின் நலிந்த மக்கள் தம் நிலையை சரிசெய்து கொள்ள இந்த அதிகார வர்க்கத்தைச் சேர்ந்தவர்கள் மீது யாஜூஜு மாஜூஜு போல அசுரர்களாய்ப் பாய்ந்து அவர்களை முறியடித்து, அவர்கள் மீது வெற்றி கொள்வார்கள். அதன்பின் காலப்போக்கில் இவர்களுடைய நிலைமையும் இவ்வாறே ஆகிவிடும். இதுதான் இன்றைய உலகில் நடந்து வரும் யாஜூஜு மாஜூஜு விஷயங்களாகும்.

இதே அடிப்படையில் பலம் பொருந்திய நாடுகள் அசுரர்களாய் பாய்ந்து பலவீனமடைந்த நாட்டை அடிமையாக்கிக் கொள்கின்றன. சில வருடங்களுக்குப் பின் அடிமைப் பட்டவர்கள் புரட்சி செய்து அன்னியர்களை யாஜூஜு மாஜூஜுகளாக விரட்டியடித்து சுதந்திரம் பெறுகிறார்கள். அவ்வாறு சுதந்திரம் பெற்ற நாடுகளில் சில காலத்திற்குப் பின் இவர்களே சட்டவிரோத செயல்களில் ஈடுபட்டு நலிந்த மக்களை நசுக்குவார்கள். இதுதான் யாஜூஜு மாஜூஜு பற்றி திருக்குர்ஆன் கூறும் உண்மைகளாகும் இந்தப் பரிதாப நிலையிலிருந்து நிரந்தரமாக விடுபட ஒரே வழி இறைவழிகாட்டுதல் அடங்கிய திருக்குர்ஆன் வேதமே.அதன்படி சிறந்ததொரு உலகத்தைப் படைப்போமாக.

45காணா டஜ்ஜால் - ஓர் அலசல்

காணா டஜ்ஜால் என்றால் ஒற்றைக் கண் உடைய பிசாசு அல்லது பூதம் என்று பொருளாகும். இதைப் பற்றி திருக்குர்ஆனில் எங்கும் சொல்லப் படவில்லை. இருந்தும் மக்களிடையே இதைப் பற்றி பரவலான பேச்சு நிலவி வருவதால் இதை நாம் நிவர்த்தனை செய்ய விரும்புகிறோம்.

உலகில் வாழும் அனைத்துத் தரப்பு மக்களும் இன்புற்று வாழ வேண்டும் என்பதே அல்லாஹ்வின் நாட்டமாகும். இப்படி ஓர் உலகத்தைப் படைக்க வேண்டும் என்றால் மக்கள் சுயநலத்தோடு வாழக் கூடாது என்கிறது அல்லாஹ்வின் வழிகாட்டுதல். காரணம் சுயநலக்காரர்களாக இருந்தால் இருப்போர் இல்லாதோர் என்ற வேற்றுமை விரிவடையும். சிலரிடம் செல்வக் குவியல் இருக்கும். பலரிடம் இருக்காது. இதனால் போட்டி பொறாமைதான் நிலவி வரும். எனவே செல்வக் குவியல் வைத்திருப்போர் மீது இல்லாதோருக்கு எப்போதும் “ஒரு கண்” இருக்கும்.

உதாரணத்திற்கு தற்சமயம் அரபு நாடுகளில் எண்ணெய் வளமும் ஆழ்பூமியில் தங்கமும் குவிந்துள்ளன. இதைக் கவனிக்கும் அமெரிக்கா மற்றும் ஐரோப்பிய நாடுகளுக்கு அரபு நாட்டின் வளங்கள் மீது “ஒரு கண்” இருக்கிறது. எனவே அவர்களுக்கிடையே சண்டையை மூட்டி, பலவீனமாக்கி, அவர்களை அடிமைப்படுத்தி வைத்துக் கொள்ளவே அந்த நாடுகள் விரும்புகின்றன. இதனால் அரபு நாட்டவர்கள் பல இன்னல்களுக்கு ஆளாகின்றனர். எனவே அவர்களுக்கு அமெரிக்காவும் ஐரோப்பிய நாடுகளும் காணா டஜ்ஜால்களாக இருக்கிறனர்.

ந. ரூஹுல்லா. பி.காம்.

தேதி : ஆகஸ்ட் 30, 2026.